Scary Movie
C'l artìcul chè 'l è scrit in Miranduléś
Miranduléś Scary Movie | ||
 Ghostface e la Electra in na figùra dal film | ||
| Film ad Scarésa 2000 | ||
|---|---|---|
| Regìa: Keenen Ivory Wayans | ||
| Scritōr: Shawn Wayans • Marlon Wayans Buddy Johnson • Phil Beauman Jason Friedberg • Aaron Seltzer | ||
| Atōr: Anna Faris • Dave Sheridan • Regina Hall Rick Ducommun • Cheri Oteri • Carmen Electra Karen Kruper • Jon Abrahams • Marlon Wayans Dan Joffre • Trevor Roberts • Kelly Coffield Park Lloyd Berry • Lochlyn Munro • Shannon Elizabeth | ||
| Müsica: David Kitay | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî | ||
Scary Movie (Film ad Scarésa) l'è na cumèdia 'd cretinìśia dal 2000 ad Keenen Ivory Wayans. L'à dâ vita a quàtar séguit: Scary Movie 2 (2001), Scary Movie 3 - Una risata vi seppellirà (2003), Scary Movie 4 (2006) e Scary Movie V (2013).
La pelìcula la tóś in gir soquànt film ad scarésa e cumèdi cuma Scream, So cosa hai fatto, Le colline hanno gli occhi, Incubo finale, Scream 2, Titanic, The Blair Witch Project - Il mistero della strega di Blair, Matrix, I soliti sospetti, American Pie, Il sesto senso, Venerdì 13, Scream 3, Shining, Pulp Fiction, Nightmare - Dal profondo della notte e at'r incóra.
Al film 'l à muciâ sù da piò ad dūśènt-stant'òt migliòṅ ad dòlar a frònt 'd un cóst ad daśnóṿ. In dla culòna sunóra i s càtan di pès quài “The Inevitable Return of the Great White Dope” di Bloodhound Gang, “Punk Song #2” di Silverchair, “I Wanna Be Sedated” di Ramones e “I Want Cha” di Black Eyed Peas.
Sunt
La Drew Dacker (Carmen Electra) l'è na śōvna mudèla c'n al téti arfàti che na sira la ricév na talefunàda da 'n manìac cun na mascra adòs ch'al gh admànda quàl è 'l sò film ad scarésa preferî. La ragàsa la scapa via par la paùra quànd la s véd paràr davànti Ghostface c'n un curtlàs in maṅ ma la ciàpa 'n cōlp listés a na téta. Par furtùna che lè dènt'r a gh'è na pròteśi ch'la la salva ma pò la finìs sóta a la màchina guidàda par sò pàdar (Mark McConchie) ch'al s éra distràt 'n àtim parchè in cal méntar sò mujér (Karen Kruper) l'éra drē a far-'g un lavursèṅ.
Méntar la pulisìa la n sà in du śbàtar la tèsta, specialmènt cal minciòṅ insiminî ad Doofy Gilmore (Dave Sheridan), tri amìghi, la Buffy Gilmore (Shannon Elizabeth), la Cindy Campbell (Anna Faris) e la Brenda Meeks (Regina Hall) i tàc'n a pinsàr ch'al sasèṅ al sia in mèś a lōr e i crédan ch'a gh pòsa intràr-ag na daśgràsia sucèsa da pôc. Che lōr difàti, insém a i sò muróś Ray Wilkins (Shawn Wayans), Bobby Prinze (Jon Abrahams) e Greg Phillippe (Lochlyn Munro), un tisi tut mùscui 'd sōvar ma gnint ad sóta, i ìvan mis sóta 'n óm in màchina cupànd-al, sénsa però avér-'g al curàǵ ad cuntàr-'l in gir. A s pōl anc dar che qualchidòṅ al sàppia quèl.
Culegamènt estéran
This article uses material from the Wikipedia Emiliàn e rumagnòl article Scary Movie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.