C'l artìcul chè 'l è scrit in Miranduléś
Al Fèstival ad Cannes 'l è 'n fèstival dal cìnema ch'a gh'è tut i an in dal méś ad Maǵ a 'l Palàs di Fèstivai e di Cungrès dla sità 'd Cannes in Frància. Al dûra dū stmani in tut e 'l è òṅ di più impurtànt a 'l mónd, sèmpar pîṅ ad selebrità ch'i s fànan védar davànti a 'l ingrès dla sala dal prujesiòṅ (Montée des Marches).
La prima edisiòṅ dal fèstival la gh'è stada in dal 1946 ma in di an 1948 e 1950 a gh'è di buś parchè gl'urganiśadōr i n gh'ìvan minga bèsi asè.
La selesiòṅ ufisiàla la gh'à dū sesiòṅ prinsipàli, al “Cuncōrs”, c'n al prèmi dla “Palma 'd Òr” p'r al film più bèl e qvéi par gl'atōr masć e fémna, la regìa, la senegiadùra e 'l “prèmi dla giurìa”, e “Un Certain Regard” p'r i film ch'i n garéśan briśa.
Dimóndi prudutōr cinematugràfic i sarnìsan cla vadrìna chè par śibìr al sò òpri e par véndar-li a i distributōr ch'i daśvìnan da tut al mónd.
This article uses material from the Wikipedia Emiliàn e rumagnòl article Fèstival ad Cannes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.