Sangvétula
C'l artìcul chè 'l è scrit in Miranduléś
Miranduléś
La Sangvétula (sanguisuga o mignatta in italiàn) l'è 'n vèrum segmentâ ch'al fà part dla sót-clas “Hirudinea”. In gènar la viṿ in di padói.
Descrisiòṅ
La sò bóca la gh'à na ventóśa ch'la gh parmét ad ciuciàr via 'l sangṿ da 'l còrp 'd un vertebrâ, in gènar un mamìfar, e par mèś ad ganàsi cun di dènt la śbuśa la pèl e la s impinìs la pansa in fiṅ ch'a n gh stà più gnint. C'n un past la pōl scampàr anc 'n an sénsa magnàr àtar. Fra 'l sò vitmi a gh'è anc 'l óm.
Quànd la ciùcia la sangvétula la dróa 'n anticuagulànt par psēr bévar sénsa prubléma e pò la fà anc 'n anestètic p'r a n far minga mâł a la sò vitma acsè la pōl cuntinuàr a magnàr in santa paś. Cla bestiulìna chè l'è masć e fémna in dal stés tèmp.
Na vòlta a s druàva la sangvétula anc in madśìna par tiràr via 'l sangṿ mòrt dòp di incidènt o dòp 'n intervènt chirùrgig o anc durànt i salàs.
Culegamènt estéran
Nòti
This article uses material from the Wikipedia Emiliàn e rumagnòl article Sangvétula, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.