C'l artìcol chè 'l è scrit in Carpśàn
La grevdànsa (da 'l latèin gravis, a dir "pēś", perchè la dòna la gh'à da purtèr-'s adrē in dla pansa al pēś dal fēt), 'l è 'l stêt edla dòna prègna 'd lung i nōv mēś ch'a gh'vōl per fer nàs'r un putèin.
In dal cuntèr el smàni e pò i mēś edla grevdànsa, a vin cómed fèr riferimèint a 'l gióren 'd inìsi dl'ùltma mestruasiòuṅ, d'indû i pasaràn 38 esmàni (nōv mēś) perchè ch'a nasa al putèin.
'D lung chi nōv mēś chè, mèinter che 'l putèin al s forma in dl ùter edla màma, a chilē a s egh cambia 'l fìśic mìa pôc perchè, dôp che in dl infièr-es, mo però al gh'à anc da preparèr-es p'r al latamèint dal putèin apèina nê. I cambiamèint di urmòun in dal sànghev edla mama i gh'fan prìma gnìr un pò 'd vòmit dèint'r in di prìm tri mēś, mo dôp 'l è tùt un crèser ed salùt sia per la mama che anca p'r al putèin.
La grevdànsa la finìs col naser dal putèin in dal pêrt naturêl, o indòt o ind un tàj ceśàri.
This article uses material from the Wikipedia Emiliàn e rumagnòl article Grevdànsa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.