C'l artìcul chè 'l è scrit in Miranduléś
National Lampoon's Barely Legal | ||
Barely Legal - Doposcuola a luci rosse | ||
von Detten, Farber e Denman in na figùra dal film | ||
Óm da pôc tèmp - Dòp-scóla a luś rósi 2003 | ||
---|---|---|
Regìa: David M. Evans | ||
Scritōr: David H. Steinberg | ||
Atōr: Erik von Detten • Tony Denman • Amy Smart Daniel Farber • Sarah-Jane Potts • Horatio Sanz Tom Arnold • Dey Young • Cameron Richardson Riley Smith • Vince Vieluf • Samm Levine | ||
Müsica: Andrew Gross | ||
Léngua: Ingléś | ||
Dürä dal film: 90 minüt | ||
Nasiōṅ: Stat Unî • Germàgna |
Barely Legal - Doposcuola a luci rosse (Óm da pôc tèmp - Dòp-scóla a luś rósi) l'è na cumèdia vulgaròta americàna e tedésca dal 2003 ad David M. Evans vgnuda fóra in Itàglia sōl quàt'r an dòp.
La pelìcula l'à fat sù utànta-trimìla dòlar.
Deacon (Erik von Detten), Matt (Daniel Farber) e Fred (Tony Denman) i èṅ tri studènt 'd un culéǵ d'l Ohio ad darsèt an incóra vìrgin e piutòst ingiangulâ c'n al ragàsi. Par far sù un pôc ad bèsi i vénd'n a i sò amìg dal còpi ad film pòran che Fred al regìstr' in cà esénd ch'al lavóra sóta padròṅ in un negòsi ad film a nuléǵ. Quànd però al titulàr al bèca Fred al decìd ad licensiàr-al.
Chi śuvnòt lè i péns'n alóra ad giràr-i lōr i film spurcaciòṅ in prima parsòna par pò vénd'r-i su 'n sit internet. La sò idéa l'è qvéla ad far di film fat in cà par vìrgin fat da vìrgin pagànd na ragàsa cgnusùda in un night, l’Ashley (Sarah-Jane Potts), girànd incòsa in dla cantìna di genitōr ad Deacon (Tom Arnold e Dey Young). Quànd cal brut grintèṅ ad Jack (Riley Smith), sò cumpàgn a scōla, 'l al vîṅ a savēr al preténd 'd èsar lò 'l prutagunìsta ma, p'r al fat ch'l è lòfi a gusàr e al gh 'l à anc pìcul ch'al vîṅ subìt, 'l è custrét a dar-ag sù. A 'l sò pòst i tri i tōśan Tom Cooperman (Vince Vieluf) che però al gh'à 'l brut visi ad magnàr di faśōi la sira prima 'd giràr. In tut al manéri al sit 'l è 'n sucès clamuróś e i film i s véndan cuma 'l paṅ in tut al mónd. A gh'è sōł un prubléma, 'l atōr ad film pòran ad Cleveland Vic Ramalot (Horatio Sanz) 'l è incasâ négar parchè i sò afâr i tàc'n a 'ndàr mâł.
This article uses material from the Wikipedia Emiliàn e rumagnòl article Barely Legal - Doposcuola a luci rosse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.