ނެލްސަން ސިންޑްރޯމް
ނެލްސަން ސިންޑްރޯމް(އިނގިރޭސި ބަހުން: Nelson's syndrome ) އަކީ އެޑްރީނަލް ގްލޭންޑް ނެގުމަށްފަހު ޕިޓޫއިޓަރީ އެޑިނޯމާ އާދަޔާ ޚިލާފަށް އަވަހަށް ބޮޑުވުމެވެ.
އެޑްރީނަލް ގްލޭންޑް ނެގުން އަކީ ކުޝިންގ ސިންޑްރޯމް ގެ ފަރުވާގެ ގޮތުގައި ކޮށްއުޅޭ ކަމެކެވެ. އެޑްރީނަލް ގްލޭންޑް ނަގައިފިނަމަ ކޯޓިޒޯލް އެއް ނުއުފައްދާނެއެވެ، މާނައަކީ ކޯޓިޒޯލްގެ ނެގެޓިވް ފީޑްބެކް އެއް ނުހުންނާނެއެވެ. އެހެން ކަމަށް ވެއްޖެނަމަ ކުރިން އުފެދިފައި ހުރި ޕިޓޫއިޓަރީ އެޑިނޯމާ އެއްނަމަ ވަރަށް ފަސޭހަ ކަމާއެކު ބޮޑުވެގެންދާގޮތް ވެއެވެ.
ޕިޓޫއިޓަރީ އެޑިނޯމާ ފަދަ ޓިއުމަރެއް ބޮޑުވާނަމަ ސިކުނޑި އަށް ފިތޭގޮތް ވެއެވެ. އަދި އެޑްރީނޯ ކޯޓިކޯ ޓްރޮޕިކް ހޯރމޯން، އާއި މިލަނޯސައިޓް ސްޓިމިއުލޭޓިންގ ހޯރމޯން އުފައްދާ މިންވަރު އިތުރުވެގެން ދެއެވެ.
މިބަލި ޖެހުމުން ފެންނަ އެންމެ އާންމު އަލާމާތްތަކަކީ މަސްތަކުގެ ވަރުދެރަވުން، އަދި ހަންގަނޑުގެ ކުލަ ގަދަވުން ފަދަ ކަންތައްތަކެވެ. މިހާރު މިބަލި ޖެހޭ މިންވަރު ވަނީ ދަށްވެފައެވެ. ސަބަބަކީ ދެ އެޑްރީނަލް ގްލޭންޑް ނަގަނީ ވަރަށް މަދު ޙާލަތެއްކަމުގައިވުމެވެ.
މިބަލި ފުރަތަމަ ހޯދާފައިވަނީ 1960 ވަނަ އަހަރު އެމެރިކާގެ ޑޮކްޓަރެއް ކަމުގައިވާ ޑރ ޑޮން ނެލްސަން އެވެ.
This article uses material from the Wikipedia ދިވެހިބަސް article ނެލްސަން ސިންޑްރޯމް, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.