La asino (Equus africanus asinus) es un membro domada de la familia de cavalos Equidae.
La asendente de la asino es la asino african savaje (Equus africanus). La asina ia es usada como un animal laborante per plu ca 5000 anios. On ave plu ca 40 milion asinos en la mundo, xef en la paises sudevelopada, do los es usada xef animales de trae o carga. Asinos es comun asosiada con popla vivente a o su niveles de susta. Un cuantia peti de asinos es retenida per reprodui o como animales de casa en paises developada.
Asinos mas es comun usada per reprodui con cavalos fema per produi mulos, cual es reputada como plu pasiente, durante, e intelijente ca cavalos, e tende vive plu longa. La grandia e la tipo de labora per cual mulos es usada depende de la eleva de la madre. Mules ave 63 cromosomas, un misca de la 64 de la cavalo e la 62 de la asino. Car los strutur e cuantia difere, la cromosomas no alinia coreta, e la plu de mulos no es fertil, estra un poca de mulos fema.
Asinos ia es prima domada sirca 3000 aec, probable en Egipte o Mesopotamia, e ia sperde tra tota mundo. Los continua ave un rol importante en multe locas oji. Como animales de carga e comradas, asinos ia labora con umanas per milenios. An si la spesies domada es cresente in cuantia, la asino african savaje es un spesies menasada par estingui.
This article uses material from the Wikipedia Lingua franca nova article Asino, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.