Sandra Fluke

Sandra Fluke
Ganwyd	Sandra Kay Fluke  17 Ebrill 1981  Saxton, Pennsylvania
Man preswyl	Los Angeles
Dinasyddiaeth	Unol Daleithiau America
Alma mater	Prifysgol Cornell Prifysgol Georgetown Canolfan y Gyfraith Prifysgol Georgetown Coleg Ecoleg Dynol Prifysgol Cornell
Galwedigaeth	cyfreithiwr, ymgyrchydd dros hawliau merched, ysgrifennwr
Plaid Wleidyddol	plaid Ddemocrataidd

Fe'i ganed yn Saxton, Pennsylvania ar 17 Ebrill 1981. Wedi gadael yr ysgol mynychodd Brifysgol Cornell, Prifysgol Georgetown, Canolfan y Gyfraith Prifysgol Georgetown a Choleg Ecoleg Dynol Prifysgol Cornell.

Roedd yn wleidyddol ei natur, ac yn ystod ei hoes bu'n aelod o'r Blaid Ddemocrataidd.

Daeth i sylw'r cyhoedd am y tro cyntaf, ym mis Chwefror 2012, pan wrthododd aelodau Gweriniaethol o House Oversight and Government Reform Committee ganiatáu iddi dystio i'r pwyllgor hwnnw ar bwysigrwydd mynnu bod cynlluniau yswiriant ar gyfer atal cenhedlu yn ystod trafodaeth ynghylch a ddylai yswiriant meddygol gynnwys mandad atal cenhedlu. Yn ddiweddarach siaradodd â chynrychiolwyr Democrataidd yn unig.

Mae Sandra Fluke yn ferch i Richard B. Fluke II, gweinidog rhan-amser trwyddedig mewn eglwys Fethodistaidd, a Betty Kay (g. Donaldson).

Graddiodd o Ysgol Uwchradd Tussey / Ysgol Iau Mynydd Pennsylvania yn 1999. Yn 2003 graddiodd o Goleg Ecoleg Ddynol Efrog Newydd ym Mhrifysgol Cornell mewn astudiaethau dadansoddi ac astudiaethau ffeministaidd, rhyw a rhywioldeb.

Cyd-sefydlodd Fluke y glymblaid New York Statewide Coalition for Fair Access to Family Court, a arweiniodd at ddeddfwriaeth yn rhoi mynediad i orchmynion amddiffyn sifil i ddioddefwyr trais partner agos, gan gynnwys dioddefwyr yn eu harddegau a LHDT (LGBTQ). Roedd Fluke hefyd yn aelod o Dasglu Llywydd Dinas Manhattan ar Drais yn y Cartref a "nifer o glymbleidiau eraill yn Ninas Efrog Newydd a Thalaith Efrog Newydd a fu'n llwyddiannus yn cynnig gwelliannau polisi a effeithiai ar ddioddefwyr trais yn y cartref," yn ôl gwefan Prifysgol Georgetown. Tra yn Ninas Efrog Newydd, gweithiodd i Sanctuary for Families, sy'n cynorthwyo dioddefwyr trais domestig a masnachu pobl.