Llanfihangel Llantarnam: Cymuned ym mwrdeisdref sirol Torfaen yn ne-ddwyrain Cymru
Pentref, plwyf a chymuned ym Mwrdeisdref Sirol Torfaen, Cymru, yw Llanfihangel Llantarnam, weithiau Llantarnam.
Hi yw'r gymuned fwyaf deheuol yn Nhorfaen, ac mae wedi datblygu yn un o faesdrefi Cwmbrân. Roedd poblogaeth y gymuned yn 2001 yn 3,299; cynyddodd i 4,125 erbyn 2011. Mae Camlas Sir Fynwy yn rhedeg trwy'r gymuned. Bu yma eglwys ar un cyfnod a gysegrwyd i sant Derfel Gadarn.
 Tafarn yn LLanfihangel Llantarnam | |
| Math | maestref, cymuned  |
|---|---|
| Poblogaeth | 4,125 |
| Daearyddiaeth | |
| Sir | Torfaen |
| Gwlad |  Cymru |
| Arwynebedd | 656.1 ha |
| Cyfesurynnau | 51.636°N 3.006°W |
| Cod SYG | W04000765 |
| Gwleidyddiaeth | |
| AC/au | Lynne Neagle (Llafur) |
| AS/au | Nick Thomas-Symonds (Llafur) |
Cynrychiolir yr ardal hon yn Senedd Cymru gan Lynne Neagle (Llafur) ac yn Senedd y DU gan Nick Thomas-Symonds (Llafur).
Abaty Llantarnam
- Prif: Abaty Llantarnam
Sefydlwyd abaty Sistersaidd Llantarnam yma yn 1179 gan fynachod o Ystrad Fflur dan nawdd Hywel ap Iorwerth, arglwydd Caerllion. Efallai mai yng Nghaerllion y sefydlwyd y fynachlog gyntaf, ond cofnodir ei bod yn Llantarnam erbyn y 13g. Roedd yr abad John ap Hywel yn un o brif gefnogwyr Owain Glyn Dŵr; lladdwyd ef ym Mrwydr Pwllmelyn yn 1405. Yn ddiweddarach, trowyd yr abaty yn blasdy, ac mae'n awr yn gartref i Chwiorydd Sant Joseff. Ceir Croes Llanfihangel Llantarnam yma.
Pobl o Lantarnam
- Percy Enderbie (1601-1670), hanesydd o Sais a ymsefydlodd yn y plwyf
Cyfrifiad 2011
Yng nghyfrifiad 2011 roedd y sefyllfa fel a ganlyn:
Cyfeiriadau
Trefi
Abersychan · Blaenafon · Cwmbrân · Pont-y-pŵl
Pentrefi
Castell-y-bwch · Coed Efa · Cwmafon · Y Farteg · Garndiffaith · Griffithstown · Llanfihangel Llantarnam · Llanfrechfa · New Inn · Pant-teg · Pen Transh · Pont-hir · Pontnewynydd · Sebastopol · Tal-y-waun · Trefddyn
This article uses material from the Wikipedia Cymraeg article Llanfihangel Llantarnam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.