Cyngor Celfyddydau Cymru
Corff cyhoeddus sy'n cael ei noddi gan Lywodraeth Cymru gyda chyfrifoldeb dros ariannu a datblygu'r celfyddydau yng Nghymru yw Cyngor Celfyddydau Cymru (CCC) (Saesneg: The Arts Council of Wales).
| Enghraifft o'r canlynol | asiantaeth lywodraethol, cyrff a Noddir gan Lywodraeth Cymru  |
|---|---|
| Dechrau/Sefydlu | 1946 |
| Lleoliad yr archif | Llyfrgell Genedlaethol Cymru |
| Gweithwyr | 77, 81, 75, 84, 88 |
| Pencadlys | Canolfan Mileniwm Cymru |
| Gwladwriaeth | y Deyrnas Unedig |
| Rhanbarth | Caerdydd |
| Gwefan | http://www.arts.wales/ |
Hanes
Sefydlwyd Cyngor Celfyddydau Cymru (Saesneg: Welsh Arts Council) yn 1946 dan Siarter Frenhinol, Yn 1994 unwyd y Cyngor â thair Cymdeithas Celfyddydol Rhanbarthol yng Nghymru a newidiwyd fersiwn Saesneg yr enw i Arts Council of Wales.
Daeth yn atebol i'r Cynulliad Cenedlaethol ar 1 Gorffennaf 1999 pan drosglwyddwyd y cyfrifoldeb oddi ar Ysgrifennydd Gwladol Cymru. Mae Llywodraeth Cymru yn rhoi arian i CCC i hyrwyddo'r celfyddydau. Mae CCC hefyd yn dosbarthu arian y Loteri Genedlaethol, i hybu y celfyddydau yng Nghymru, a ddosrennir gan yr Adran Diwylliant, y Cyfryngau a Chwaraeon San Steffan.
Fel elusen gofrestredig mae gan y Cyngor fwrdd ymddiriedolwyr sy'n cyfarfod chwe gwaith y flwyddyn. Ar wahan i'r cadeirydd mae aelodau'r cyngor yn gwasanaethu yn ddi-dâl, ac fe'i penodir gan Lywodraeth y Cynulliad. Mae gan CCC swyddfeydd ym Mae Colwyn, Caerfyrddin a dinas Caerdydd.
Prif Weithredwyr
- Peter Tyndall: 2003 - 2008
- Nick Capaldi: 2008 - Awst 2021
- Sian Tomos: Medi 2021 -
Mae'r Cyngor yn un o aelodau corfforaethol y Sefydliad Materion Cymreig.
Beirniadaeth
Ar sawl achlysur mae rhai pobl wedi beirniadu CCC, sy'n un o'r "cwangos" gwreiddiol, am fod yn elitaidd - e.e. gwario miliwnau ar opera - ac am fod yn rhy ddosbarth canol, sefydliadol, a Seisnigaidd.
Cyfeiriadau
Dolenni allanol
This article uses material from the Wikipedia Cymraeg article Cyngor Celfyddydau Cymru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.