Марс є четверта планета сонячной сістемы, друга найменша планета сістемы по Меркурї.
Названа є по римскім Богови войны Мартові. Іде о планету терестрічного тіпу, то єсть має певный горниновый поверьх покрытый імпактныма кратерами, высокыма сопками, глубокыма канёнами і далшыма утварами. Має два місяцї нереґуларной формы званых Фобос і Деімос.
В часї коли є Марс в опозіції к Сонцю і Земли ся находить міджі тыма двома тїлесами, є Марс позоровательный на небі цїлу ніч. Сполягливы інформації о першых позорованях Марсу як планеты не суть, але є правдоподобне, же к ним пришло міджі роками 3000 аж 4000 до н. е. Вшыткы старовікы цівілізації, Еґіптяне, Вавілоняне і Ґреци, знали тоту „путуючу звізду“ і мали про ню свої назвы. Про їй начервенїлу фарбу, запрічінєну червенов фарбов зоксідованой земли на верьху планеты, тримали стары народы Марс векшынов за сімбол вогня, крови і кінця.
Детайлне баданя планеты уможнили од 60. років 20. стороча 20 успішны автоматічны сонды. В сучасній добі (2011) суть на орбіталній дорозї коло Марсу штири функчны сонды (Mars Odyssey, Mars Express і Mars Reconnaissance Orbiter) і на планетї ся находять дві рухливы єдиніцї місії Mars Exploration Rover котры додали дата, якы уможнити змаповати векшу часть поверьху, дефіновати основны історічны епохы ці порозуміти основным явам одбываючім ся на планетї.
Тота статя є затля „Стыржень“. Поможте Вікіпедії так, же єй доповните і росшырите.
This article uses material from the Wikipedia Русиньскый article Марс (планета), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.