火星

以前勒中国，又叫伊做荧惑，因为星相学家认为伊是邪气弗利个星。伊垃讲勒天蠍座里向，伊合变做「荧惑守心」，加上天蠍座个红色星心宿二（又叫「大火」），两红相撞，即是大事不妙。

火星大气以二氧化碳为主，既稀薄又寒冷，渠个表面特征让人联想起月球上个撞击坑，搭仔地球上个山谷、沙漠搭极地冰盖。拉英语里向，通常被称为红色星球（英语：Red Planet）。迭是因为火星拉视觉上呈现为橘红色，是因为地表广泛普遍个分布着氧化铁造成个。

火星浪有全太阳系顶顶高个山，叫奥林帕斯山，高度是： 27 公里。

火星有两个天然卫星：火卫一搭火卫二，形状弗规则，可能是捕获个小行星。

以直径、质量、表面重力来讲，火星约介拉地球搭月球中间：火星直径约为地球个一半、月球个两倍，质量约为地球个九分之一、月球个九倍，表面重力约为地球个38%、月球个2.4倍。火星体积约为地球个15%，质量约为11%，表面积略小于地球陆地面积，密度则比别样三颗类地行星还要小咾多。

地理

火星搭地球一样拥有多样个地形，有高山、平原搭峡谷。南北半球个地形有得强烈个对比：北方是被熔岩填平个低原，南方则是充满撞击坑个古老高地，而两者之间以明显个斜坡分隔；火山地形穿插其中，众多峡谷分布各地，南北极有以水冰搭干冰组成个极冠，而风成沙丘广布整个星球。随着卫星拍摄个越来越多，更发现咾多耐人寻味个地形景观。

大气

火星大气层相对较薄，平均地表气压只有6百帕，约为地球表面气压个0.6%，相当于地球表面算起35公里高个气压，迭恁低个气压让声音传播个距离只有拉地球上个1.5%。随着季节个变化，火星气压变化可达20%。火星大气层按高度可分为低层大气、中层大气、上层大气搭外气层。

 

维基共享资源里向寻得着搭该篇文章搭界个多媒体资源：

火星