Vikingler (eski skandinav tilinden vikingr - “korsan”) - VIII—XI asırlarda Skandinaviyalı deñiz yolcu askerleri.
Avropa tarihına büyük tesir etkenler. Avropada, Ğarbiy Asiyada ve Şimaliy Afrikada aydutlıq ve ticaretnen oğraşa ediler. IX—XI asırlar içinde Avropanıñ büyük bölgelerini müstemlekeleştire ediler: Şarqiy İngiltere, Normandiya, İslandiya, Farer ve Şetland adaları, Siciliya, Rusni ve ilâhre. Esasen dan, norveg ve isveçlerden ibaret ediler. Baştan putperest skandinav dinini kütken edi, Х—ХІ asırlar devamında hristianlıqqa döndi. Skandinaviyanıñ o vaqıttaki artqaç ealisi olğanı ve qomşularnıñ imayesiz olğanı sebebinden sıq yağmacılıq yapa ediler. Deñizde ve özenlerde uzun yelkenli qayıqlarnı qullana ediler. Yalı boyu bölgelerindeki şeerlerni ve qasabalarnı berbat ete ediler.
Topraq saipleriniñ ya da soy başları tarafından idare etile ediler. Seferlerden boş vaqıt içinde ziraatçılıq ve ticaretnen oğraşa ediler. Özi ve İdil ticariy yollarnı inkişaf ettiler. Orta asırdaki avropalılar arasında Grenlandiya ve Şimaliy Amerikağa yetken ilk soyları ediler. Saga degen vikinglerniñ destanları bugüngece saqlanğan. 793-1066 seneleri olarnıñ ekspansiya devri, tarihçılıqta viking devri adlanılğan edi.
This article uses material from the Wikipedia Qırımtatarca article Vikingler, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.