ئەلبێرتۆ مۆراڤیا (١٩٠٧-١٩٩٠) ڕۆماننووس و ڕۆژنامەوانی خەڵکی ئیتالیایە.
ئەو لە ڕۆماننەکانیدا ئێگزیستانسیالیزم و نامۆبوونی مرۆڤ لە خۆی دەکۆڵێتەوە.
ئەلبێتۆ مۆراڤیا لە ڕۆما لەدایکبووە، ناوی ڕاستەقینەی (بینسرلی) بووە، باوکی ئەندازیاری تەلارسازی و وێنەکێش بووە، لە تەمەنی نۆ ساڵیدا مۆراڤیا توشی نەخۆشی ئێسک دەبێت و لە جوڵە دەکەوێت، ناچار ساڵانێکی زۆری بۆ فەراهەم دەکات بۆ ئەوەی بە هۆیەوە خۆی تەرخان دەکات بۆ خوێندنەوە و نووسین، دواتر هێز و توانا شاراوەکانی دەتەقنەوە و دەیکەن ب نووسەرێکی جیهانی، لە ساڵی ١٩٢٥ دا نەخۆشخانە جێدێلێت. لە کۆتای ساڵی ١٩٢٩ دا یەکەمین ڕۆمانی خۆی بەناوی کاتی بێ باکی بڵاودەکاتەوە و لەو کاتەدا کاریگەری گەورە دەکاتە سەر ناوەندی ئەدەبی ڕۆشنبیرییەکانی ئیتاڵیا. ساڵێک دواتر مۆراڤیا نوسەری بەناوبانگی ئیتاڵی ئەلڤارۆ کۆرادۆ دەناسێت، و دواتریش ماسیمۆ بۆنتلمی دەناسێت، ئەم یەکترناسینە بە وەچەرخانێکی گەورە دادەنرێت لە ژیانی مۆرافیادا و پێکەوە لە ڕۆژنامەی ٩٠٠ کاردەکەن، هەر لەوێدا مۆراڤیا چیرۆکەکانی بڵاودەکاتەوە. مۆراڤیا ساڵی ١٩٨٦ دا وەکو ئەندامی پەرلەمانی ئەوروپی لەلایەن حیزبی شوعییەوە هەڵدەبژێرێت.
١-ساتی بێباکی: ساڵی ١٩٢٩، یەکەمین ڕۆمانی نووسەرە و تیایدا باس لە فەلسەفەی بوونگەرای دەکات کە ڕووداوەکانی لە خێزانێکی چینی ناوەڕاست دا ڕوو دەدات، و باس لە خراپی دۆخی خێزان و ڕەوشتی کۆمەڵایەتی دەکات کە هۆکارەکەی بە هۆی سیستەمی فاشییەتی یتتاڵیاوەیە.
٢-بێزاری: ئەم ڕۆمانە باڵآترین خەڵاتی ئەدەبی لە ئیتاڵیادا بەدەستهێناوە خەڵاتی ڤیاگیۆ.
٣-دۆڵابی بەخت: ساڵی ١٩٣٩ بڵاوکراوەتەوە.
٤-ئافرەتێک لە ڕۆما: ساڵی ١٩٤٧ بڵاوکراوەتەوە ، تێیدا هێرش دەکاتە سەر چنی ناوەڕاست.
٥-دووئافرەت: ساڵی ١٩٤٧ بڵاوکراوەتەوە و باس لە بەتبەختی و چارەڕەشی ئافرەتێک و کچەکەی دەکات لە سایەی جەنگ دا.
کۆمنزی ویکیمیدیا، میدیای پەیوەندیدار بە ئەلبێرتۆ مۆراڤیا تێدایە. |
This article uses material from the Wikipedia Soranî / کوردی article ئەلبێرتۆ مۆراڤیا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.