Ur yezh aostronezek eus skourr ar yezhoù polinezek eo an tahitieg (te reo Tahiti) komzet gant tro-dro da 120.000 den e Tahiti.
Tost a-walc'h eo an tahitieg d'an hawaieg (76% geriaoueg voutin) ha d'ar rarotongeg (85% geriaoueg voutin).
D'an 29 a viz Meurzh 2006 e oa bet distroadet gant ar C'huzul-Stad gall reolennoù Bodadenn Polinezia c'hall a lakae ar galleg hag an tahitieg war ar memes pazenn, pep hini a c'halle komz ar yezh a gare. Met diviz Kuzul-Stad Paris, diazezet war mellad 2 ar Vonreizh c'hall, ne rae den ebet van anezhañ e Bodadenn Polinezia.
Kement-se ne oa ket evit plijout da Vodadenn Vroadel Paris, hag ur mellad-lezenn zo bet ouzhpennet da lezenn aozañ an dilennadegoù e Polinezia, kinniget gant ar ministr Estrosi (ministr ar Broioù Gall Tramor), hag er mellad-se eo difennet komz tahitieg e Bodadenn Polinezia, rak n'eus yezh ofisiel nemet ar galleg er vro.
This article uses material from the Wikipedia Brezhoneg article Tahitieg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.