Bahia Salvador
Kêr Salvador, a-wechoù Salvador da Bahia (diofisiel), pe São Salvador da Bahia de Todos os Santos (anv istorel kentañ) zo ur porzh e Brazil, hag ivez kêr-benn stad Bahia, er rannvro Nordeste.
Ur pennad Salvador zo ivez. Kentañ kêr-benn Brazil eo bet ivez, etre 1534 ha 1763, er marevezh trevadennel. Trede kêr Brazil eo evit a sell ar boblañs (2 676 606 a dud e 2010), hag ar seizhvet tolpad-kêr (3 574 804 a dud). Enskrivet eo kreiz-kêr war roll Glad bedel an Unesco e 1985.
Brudet eo tier, sonerezh ha boued an tolead, gwrizioù don dezho e sevenadur Afrika. Kreiz-kêr istorel zo anavezet evel ar Pelourinho ma vleunias tisavouriezh trevadennel Portugal adalek ar XVIIvet kantved.
An anv
São Salvador da Bahia de Todos os Santos (Sant Salver Bae an Holl Sent) eo anv istorel kêr. E-pad pell ne veze graet nemet "Bahia" anezhi, ha betek kreiz an XXvet kantved e veze kavet alies an anvadur "Salvador da Bahia" war ar c'hartennoù, evit he disheñvelout diouzh ar c'hêrioù all anvet "Salvador" er vro, met bremañ ne reer ken nemet gant "Salvador" er vro, distaget [sawvaˈdoʁ] e portugaleg.
El lennegezh
Un toullad romantoù gant Jorge Amado, bet troet e galleg, a gan meuleudi da Salvador. Daou film zo bet graet gant ar re-mañ:
- Os pastores da Noite
- Dona Flor e seus dois maridos.
Boued
E kêr Salvador e vez aozet meuzioù blazus, gant boued-mor ha temzoù doare Afrika, ul lip-e-bav.
Tud
- Jorge Amado
- Adriana Lima
Liammoù
- (pt) Lec'hienn ofisiel
This article uses material from the Wikipedia Brezhoneg article Salvador (Bahia), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.