Brezel Troia (pe Troja) a oa padet dek vloaz.
Un danevell eus ul lodenn eus ar brezel a gaver e-barzh an Ilias, hag ar fin en Odysseia. Dre ma oa bet skrapet Elena gant ar priñs Paris eus Troia e tisklêrias ar C'hresianed ar brezel d'an Droianed.
Rann eus | Mitologiezh Henc'hres |
---|---|
Anvet diwar | Troia |
Lec'h | Troia |
Deiziad kregiñ | 1258 BCE |
Deiziad echuiñ | 1180 BCE |
Perzhiad | Akeaned, Troia |
An Ilias a gont kounnar Ac'hilleus. Dre ma oa bet kemeret digantañ ur sklavez gant ar roue Agamemnon e paouezas da gentañ da gemer perzh en emgannoù. Pa voe lazhet e genderv Patrokles gant Hektor, avat e touas en em veñjiñ hag e lazhas Hektor. Tonket e oa Troia da vezañ trec'het adal neuze.
Ul lodenn all eus Brezel Troia a zo danevellet en Odysseia. Trec'h e voe ar C'hresianed war dTroia a-drugarez da Odysseüs. Lakaat a reas sevel ur marc'h bras goullo e prenn ha lezet e voe leun a vrezelourion war an aod, evel ur prof da Boseidon, e-keit ha ma rae van an Akeaned da zistreiñ d'o bro. An Droianed a lakaas ar mell Marc'h prenn da zont tre e diabarzh mogerioù kêr. Diouzh an noz neuze e voe digoret dorioù kêr gant ar vrezelourion a oa er marc'h prenn, ha distrujet e voe kêr Droia penn-da-benn.
This article uses material from the Wikipedia Brezhoneg article Brezel Troia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.