2018 E Breizh: Darvoudoù ar bloavezh 2018 e Breizh

Kronologiezh vloaziek evit Breizh

2017 e Breizh - 2018 e Breizh - 2019 e Breizh

Genver

• 1añ a viz Genver : hervez sifroù diwezhañ an INSEE ez eus 4 659 127 a dud o vevañ e Breizh : 1 365 227 el Liger-Atlantel, 1 042 884 en Il-ha-Gwilen, 907 796 e Penn-ar-Bed, 744 813 er Mor-Bihan ha 598 357 en Aodoù-an-Arvor.
• 17 a viz Genver : disklêriañ a ra Kentañ Ministr Bro-C'hall, Édouard Philippe, eo dilezet ar raktres da sevel un aerborzh bras e Kernitron-al-Lann.
• 25 a viz Genver : degemeret eo raktres Radio Kerne da sevel ur radio hollvrezhonek e Bro-Naoned gant ar CSA (Comité Supérieur de l'Audiovisuel).
• 26 a viz Genver : a-benn ar fin eo aotreet reiñ an anv-bihan Derc'hen d'ur babig gant prokulor lez-engalv Roazhon, pa oa bet nac'het gant servijoù ti-kêr Roazhon e miz Eost 2017.

C'hwevrer

• 3 a viz C'hwevrer : degadoù a banelloù divrezhoneg zo bet divontet gant tud eus A'i 'ta war vord an hentoù-tizh e Breizh, e-kichen Sant-Brieg, Gwengamp, Montroulez, Brest, Kreiz-Breizh, Kemper, Kemperle, an Oriant, an Alre ha Gwened.
• 16 a viz C'hwevrer : 21vet Prizioù ar brezhoneg, roet gant France 3 Breizh hag Ofis Publik ar Brezhoneg, e-kerzh un abadenn e Karaez.
• 23 a viz C'hwevrer : digoradur ofisiel Skolaj Diwan Gwened.

Meurzh

• 23 ha 24 a viz Meurzh : kendiviz e Kemper diwar-benn ar soubidigezh er skolioù Diwan hag e skolioù broioù bihan all.
• Sadorn 31 a viz Meurzh : manifestadeg evit ur c'hlask divyezhek brezhoneg-galleg e Kastell-Briant.
• Sadorn 31 a viz Meurzh : manifestadeg en Oriant a-enep aloubadeg Efrîn ha Kurdistan Siria gant an arme turk.

Ebrel

• 14 a viz Ebrel : laeret eo relegouer kalon Anna Breizh er mirdi Dobrée e Naoned. Adkavet eo eizhtez war-lerc'h.
• 22 a viz Ebrel : en o c'hendalc'h e Karaez e tiviz izili ar Mouvement Bretagne et Progrès/Breizh War-Raok cheñch anv d'o strollad a zeu da vezañ hiviziken Pour la Bretagne/Breizh War-Raok.

Mae

• 4 a viz Mae : deroù ar Redadeg evit ar brezhoneg, e Kemper. Erruout a ray e Plougerne d'an 12 a viz Mae.
• 26 a viz Mae : manifestadeg gant Diwan e Roazhon, evit goulenn "ur gwir bolitikerezh diorren ar brezhoneg er skolioù" ha "justis evit Diwan".

Gouere

• 3 a viz Gouere : en ur respont d'ar senedour Michel Canévet he deus skrivet Ministrez ar Justis ne vo ket kemmet an destenn a verz implij an ñ en anvioù-bihan roet d'ar vugale nevez-ganet. E disklêriadenn ar vinistrez e lenner ivez eo aotreet ober gant levrigoù-familh divyezhek brezhonek-gallek.
• 29 a viz Gouere : erruout a ra delwenn sant Piran ha nav delwenn nevez all e Traoñienn ar Sent.

Gwengolo

• 3 a viz Gwengolo : ur skol Diwan nevez a zigor e Plougerne.
• 8 a viz Gwengolo : divontet ez eus panelloù-hent gallek gant tud yaouank eus A'i 'ta en Erbigneg.
• 29 a viz Gwengolo : manifestadeg evit adunvanidigezh velestradurel Breizh e Naoned, gant 44=Breizh.

Here

• Lun 8 a viz Here : tremen a ra Afer Fañch Bernard dirak lez-engalv Roazhon. Embannet e vo ar varnadenn d'an 19 a viz Du.

Du

• Lun 17 a viz Du : Krog eo Luskad ar jiletennoù melen a-enep ar vuhez ker.
• Lun 19 a viz Du : gant lez-engalv Roazhon eo degemeret an anv Fañch gant un ñ, abalamour ma c'haller kavout gerioù gant al lizherenn-se e galleg, emezo, hag int da reiñ skouerioù evel hini cañon a gaver e geriadurioù gallek Larousse pe Robert.
• 26 a viz Du : 100 000 sinadur zo bet kaset da Philippe Grosvalet, prezidant Kuzul-departamant al Liger-Atlantel, evit goulenn ma vo ur vouezhiadeg en departamant-se da c'houzout e peseurt rannvro e fell d'an annezidi bevañ, Rannvro Breizh pe Broioù al Liger.

Kerzu

• 17 a viz Kerzu : e bodadeg Kuzul-departamant al Liger-Atlantel ez a an darn vrasañ eus ar guzulierien a-du gant ar prezidant Grosvalet. Sevel a reont a-enep ur vouezhiadeg e-touez annezidi an departament a-fet adunvaniñ Breizh (30 kuzulier a-enep, 13 a-du, 15 neptu). Ha goulenn a reont digant ar gouarnamant aozañ ur referendom evit an dra-se, e rannvro Broioù al Liger.

• Garmenig Ihuellou, skrivagnerez vrezhonek
• Kendal Breizh, stourmer breizhat, lazhet e Kurdistan
• Alain Gérard, politiker
• Gwyn Griffiths, kazetenner ha skrivagner eus Kembre
• Annick Lagadec, kazetennerez
• Françoise Lermen, troerez, skrivagnerez
• René Pétillon, treser
• Serj Plenier, kelenner brezhoneg
• Andreo ar Merser, embanner brezhonek
• Yann Talbot, beleg