ཨེན་ནའུ་ཝེ་ཐེ་པ་ནི་སའི་གོ་ལའི་བྱང་མཐའ་རུ་འཚོ་ཞིང་གནས་པའི་མི་རིགས་ཤིག་ཡིན། ཨེན་ནའུ་ཝེ་ཐེ་པའི་གཟུགས་དབྱིབས་ཀྱི་ཁྱད་ཆོས་སོག་པོ་དང་ཧ་ཅང་འདྲ། དེའི་ཕྱིར་ཚན་རིག་པ་ཚོས་ཚོད་དཔག་བྱས་པ་ལྷར་ན། གནའ་སྔ་མོའི་འཁྱགས་ཀླུང་དུས་སྐབས་སུ། ཨེ་ཤེ་ཡའི་སོག་པོའི་མི་རྒྱུད་པེ་རེན་མཚོ་འགག་བརྒྱུད་དེ་གླིང་ཆེན་ཨ་མེ་རི་ཁ་བྱང་མར་འབྱོར་ཅིང་རིམ་གྱིས་ཨེན་ནའུ་ཝེ་ཐེ་པ་རུ་གྱུར་པ་རེད། ཨེན་ནའུ་ཝེ་ཐེ་པ་ལ་ཨེ་སི་ཁེའུ་མོ་མི་ཡང་ཟེར་ལ་ནང་དོན་ནི་ཤ་རྗེན་ཟ་བའི་མི་ཞེས་པ་རེད། ཨེ་སི་ཁེའུ་མོ་ཁྱི་ནི་ཨེན་ནའུ་ཝེ་ཐེ་མིའི་བློས་ཐུབ་ཀྱི་གྲོགས་པོ་ཡིན། ཁྱི་དེ་གཟུགས་ཆེ་ཞིང་ལུས་སྟོབས་རྒྱས་ལ་པགས་པས་དྲོད་འཛིན་བཟང་བས་གྲང་ངར་ལ་མི་སྐྲག ཨེན་ནའུ་ཝེ་ཐེ་པ་རྣམས་ཁྱི་དེ་རིགས་ཀྱིས་འདྲུད་པའི་གངས་གྲུ་ལ་བསྡད་དེ་བྱང་འཁྱགས་རོམ་རྒྱ་མཚོའི་སྟེང་ནས་རི་དྭགས་རྔོན་གྱི་ཡོད།
དཔྱད་གཞིའི་དཀར་ཆག:
This article uses material from the Wikipedia བོད་སྐད article ཨེན་ནའུ་ཝེ་ཐེ་མི།, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.