ལོ་སྐོར་བཅུ་གཉིས་

ལོ་འཁོར་བཅུ་གཉིས་ནི་བོད་ཀྱི་སྐར་རྩིས་རིག་པ་ལས་གྲུབ་བྱེད་གཉིས་ཀྱི་ཡན་ལག་ལྔའི་ལོ་ཐོ་ལྟ་སྟངས་སྐོར་བཤད་པ་ནང་གི་གཅིག་ཡིན


བྱི་བ། གླང་། སྟག ཡོས། འབྲུག སྦྲུལ། རྟ། ལུག སྤྲེལ། བྱ། ཁྱི། ཕག་རྣམས་སོ།། ལོ་འཁོར་བཅུ་གཉིས་ཟེར།
༼དུང་དཀར་ཚིག་མཛོད་ཆེན་མོ་༽ལས་བཏུས།

​ངོ་སྤྲོད།

འཇམ་དཔལ་རྩ་རྒྱུད་ལས། དེ་ལྟར་ལོ་ནི་བཅུ་གཉིས་ལ། ལོ་ཆེན་ཞེས་ནི་བརྗོད་པར་བྱ་ཞེས་དང་། དེ་ནས་ལོ་ནི་བཅུ་གཉིས་ལ། འདི་ནི་དགེ་དང་མི་དགེ་བྱེད་ཅེས་གསུངས་ཤིང་། དབང་ཕྱུག་གིས་ཀྱང་བཅུ་གཉིས་ལྔ་ལ་ཨ་སོགས་འཆར་ཞེས་པས་ལོ་འཁོར་བཅུ་གཉིས་ཀྱི་རྩིས་ཚུལ་ཡོད་པར་གྲུབ་བོ། །དེ་ཡང་གསལ་པོར་བརྗོད་ན་བོད་ཀྱི་ལོ་ཐོའི་ནང་རེའུ་མིག་འདི་འདྲ་ཞིག་བཀོད་ཡོད་པ་སྟེ།

ལོ་བཅུ་གཉིསབྱི་བ གླངསྟག ཡོསའབྲུགསྦྲུལརྟལུགསྤྲེལབྱཁྱིཕག བླ་གཟའལྷགསྤེནཕུརཕུརཉིདམརདམརསངསསངསསངསཟླལྷག སྲོག་གཟའདམརལྷགསྤེནསྤེནལྷགསངསསངསཟླཕུརཕུརལྷགདམར གཤེད་གཟའསྤེནཕུརསངསསངསཕུརལྷགལྷགཕུརདམརདམརཕུརསྤེན བླ་སྐརཆུ་སྟོདལྷ་མཚཾསམགོགྲེསྨིན་དྲུགམེ་བཞིལྷ་མཚཾསརྒྱལརྒྱལནག་པསྐགབྲ་ཉེ སྲོག་སྐརལགནག་པནམ་གྲུནམ་གྲུནམ་གྲུདབོདབོཐ་སྐརཐ་སྐརནབས་སོནམ་གྲུརྒྱལ དབང་སྐརསྨིན་དྲུགདབོསྐགདབོལྷ་མཚཾསལགལགབྲ་ཉེབྲ་ཉེཁྲུཾས་སྟོདམགོགྲེ ཀེག་སྐརཁྲུཾས་སྨདབྲ་ཉེནག་པཁྲུཾས་སྨདརྒྱལརྒྱལཆུ་སྟོདཆུ་སྟོདསྐགསྨིན་དྲུགགྲེཁྲུཾས་སྨད བདུད་སྐརམཆུརྒྱལདབོས་རིསྐགསྐགམགོམགོམགོགྲེསྨིན་དྲུགསྨིན་དྲུག གཤེད་སྐརམོན་དྲེམགོབྲ་ཉེསྣྲོནགྲེལགནམ་གྲུནམ་གྲུལྷ་མཚཾསམོན་གྲུདབོདབོ


(བླ་གཟའ་དང་སྲོག་གཟའ་གཤེད་གཟའ་སོགས་ལྟ་སྟངས་རེའུ་མིག་ཡིན)


རེའུ་མིག་ནང་འཕྲེད་དུ་ལོ་བཅུ་གཉིས་བྱི་བ། གླང་། སྟག ཡོས། འབྲུག སྦྲུལ། རྟ། ལུག སྤྲེལ། བྱ། ཁྱི། ཕག་ཅེས་བཀོད་པ་དེ་ནི་ལོ་འཁོར་བཅུ་གཉིས་ཡིན། དེ་འོག་འཕྲེད་དུ་བླ་གཟའ་ལྷག སྤེན། ཕུར། ཕུར། ཉི། དམར་སོགས་དང་དེ་འོག་སྲོག་གཟའ་དམར། ལྷག སྤེན། སྤེན། ལྷག་ཞེས་པ་སོགས། དེ་འོག་གཤེད་གཟའ། སྤེན། ཕུར། སངས། སངས། ཕུར་ཞེས་པ་སོགས། དེ་འོག་བླ་སྐར། ཆུ་སྟོད། ལྷ་མཚམས། མགོ གྲེ། སྨིན་དྲུག་སོགས་བཀོད་པ་ནི། བྱི་བ་ནས་ཕག་བར་གྱི་ལོ་བཅུ་གཉིས་པོ་དེ་རྣམས་ཀྱི་བླ་གཟའ་དང་། སྲོག་གཟའ། གཤེད་གཟའ། བླ་སྐར་སོགས་གཟའ་གང་དང་སྐར་མ་གང་ལ་འཁེལ་ཡོད་མེད་ཡིན་པ་དང་། ཡང་དཔེར་ན། ལོ་རྟགས་བྱི་བ་ཡིན་པ་ཞིག་ལ་མཚོན་ན་བླ་གཟའ་ལྷག་པ་དང་། སྲོག་གཟའ་མིག་དམར། གཤེད་གཟའ་སྤེན་པ། བླ་སྐར་སྐར་མ་ཆུ་སྟོད། སྲོག་སྐར་སྐར་མ་ལག དབང་སྐར་སྐར་མ་སྨིན་དྲུག ཀེག་སྐར་སྐར་མ་ཁྲུམས་སྨད། བདུད་སྐར་སྐར་མ་མཆུ། གཤེད་སྐར་སྐར་མ་མོན་དྲེ། གཞན་ཡང་ལོ་རྟགས་སྟག་དང་ཡོས་ལ་མཚོན་ན། བླ་གཟའ་ཕུར་བུ་དང་། སྲོག་གཟའ་སྤེན་པ། གཤེད་གཟའ་པ་སངས་ཡིན་པ་སོགས་དང་། ཡང་། བླ་གཟའ་དར་དུས་བྱ་ལས་འགྲུབ། །སྲོག་གཟར་དགེ་ལ་གཤེད་གཟར་བྱོལ། །དགྲ་བོའི་བླ་གཟའ་གུད་པ་དང་། །གཤེད་གཟའ་གཤེད་སྐར་དར་བའི་དུས། །མཐུ་དང་ནུས་པ་བསྐྲད་ན་མྱུར། །བླ་སྲོག་དབང་སྐར་ཅི་ཡང་བཟང་། །ཀེག་བདུད་གཤེད་ཀྱི་སྐར་མར་ངན། །མ་ལས་བཙས་དུས་བླ་སྐར་དང་། །ཕྲད་ན་ཚེ་རིང་འགྱུར་བ་ཡིན། །དབང་སྐར་ཕྲད་ན་བསོད་ནམས་ཆེ། །གཤེད་སྐར་ཕྲད་ན་ཚེ་ཐུང་འགྱུར། །སྐྱེས་གཟའ་རང་གཟའ་བླ་ཡི་གཟར། །ཞི་དྲག་ཅི་དང་ཁྱད་པར་དུ། །གཡུལ་གཤོམ་རྩལ་སྤྲོད་གཤགས་འདེབས་ཚོང་། །སྟོབས་འགྱེལ་ཤོ་རྒྱན་རྟ་རྒྱུག་པ། །འཕོངས་འཁྲུགས་བསྐྱེད་པའི་ལས་རྣམས་བཟང་། །སྐྱེས་པའི་སྐར་མ་ཤར་བའི་ཚེ། །ཞི་དྲག་ལས་སྤྱི་ཁྱད་པར་དུ། །ལྷ་མཆོད་བླ་མར་བསྙེན་བཀུར་བ། །སྦྱིན་གཏོང་དགེ་ལས་རྒྱན་གོས་གྱོན། །ཁྱིམ་གསར་འཛིན་དང་སྐྱེ་ཤིང་འཛུགས། །ཁང་པའི་ལས་རྣམས་བྱ་བར་བཟང་། །ཞེས་གསུངས་ཤིང་དེ་ཡང་ལོ་རྟགས་སྟག་དང་ཡོས་ལ་མཚོན་ན་བླ་གཟའ་ཕུར་བུ་ཡིན་པས་རང་གི་བྱ་བའི་ལས་སྣེ་གཟའ་ཕུར་བུར་གཏོད་ནས་བྱ་བའི་ལས་གྲུབ་པ་དང་སྲོག་གཟའ་སྤེན་པར་དགེ་བའི་ལས་བྱ་བ། གཤེད་གཟའ་པ་སངས་ལ་བྱ་བའི་ལས་སྣེ་མི་གཏོད་པར་འཛེམས་པ་སོགས་བྱེད་སྲོལ་ཡོད་ན་ཡང་དགེ་བའི་ལས་ནི་དུས་ཚིགས་ལ་མ་ལྟོས་པར་རྣམ་པ་ཀུན་ཏུ་བྱ་དགོས་པ་ནི་འདི་ཕྱི་གཉིས་ཀར་ཕན་པའི་རྒྱུའོ། །གཞན་རྣམས་རེའུ་མིག་ནང་གཟིགས་ཏེ་རིགས་བསྒྲེས་ནས་རྟོགས་སླའོ། །

མཛུབ་མོའི་རིས་དབྱིབས་སྟེང་ལོ་རྟགས་བཤད་པ།

རྟ་ལོ༡ སྦྲུལ་ལོ༢ འབྲུག་ལོ༣ ཡོས་ལོ༤ སྟག་ལོ༥ གླང་ལོ༦ བྱི་བ་ལོ༧ ཕག་ལོ༨ ཁྱི་ལོ༩ བྱ་ལོ༡༠ སྤྲེལ་ལོ༡༡ ལུག་ལོ༡༢ཞེས་བརྩི་བར་བྱའོ། །ཡང(སྤྱི་ལོ༡༩༩༡)ལོར་མཚོན་ན་གནམ་ལོ་ལུག་ཡིན་པས་ལུག་ལ་ལོ༡ རྟ་ལ་ལོ༢ཞེས་རིགས་བསྒྲེས་ཤིང་། ༡ནས༡༣བར་དང༡༣ནས༢༥བར་སོགས་ལོ་ཀེག་ནས་འགོ་བརྩམས་ཏེ་བརྩིས་ཀྱང་ཤེས་སླའོ། ། ལོ་ཐོའི་རེའུ་མིག་ནང་གི་དེ་འོག་ཨང་ཀི་ནི་སྐྱེས་པ་དང་བུད་མེད་གང་ཡིན་ཡང་རང་ཉིད་སྐྱེས་པའི་ལོ་དེའི་དབུས་སྨེ་སྟེ་འདིར་རེའུ་མིག་ནང་ཨང་ཀི༣བཀོད་པ་ནི་སྤྱི་ལོ༡༩༩༠ལོར་རང་ལོ༡༢སོན་པ་དེའི་སྐྱེས་སྨེ་སྨེ་བ་གསུམ་མཐིང་ཡིན་ཞེས་པའི་དོན་དོ། །སྨེ་བ་ལ་དབྱེ་ན་དགུ་ཡོད་པ་སྟེ། གཅིག་དཀར། གཉིས་ནག གསུམ་མཐིང་། བཞི་ལྗང་། ལྔ་སེར། དྲུག་དཀར། བདུན་དམར། བརྒྱད་དཀར། དགུ་དམར་བཅས་སོ། །དེ་རྣམས་ཁམས་ལ་སྦྱར་ན་དཀར་གསུམ་ལྕགས་ཀྱི་ཁམས། གཉིས་ནག་གསུམ་མཐིང་ཆུ་ཁམས། བཞི་ལྗང་ཤིང་གི་ཁམས། ལྔ་སེར་ས་ཁམས། བདུན་དམར་དང་དགུ་དམར་མེ་ཁམས་ཡིན། སྐྱེས་སྨེའི་འབྲས་བུ་ལས་དུས་ཤེས་རྣམས་ཀྱིས། བསྡུས་པའི་ཚེ་རྩིས་རྒྱག་པ་དང་། གསོན་པོའི་འཁྲུངས་རྟགས་འདོན་པ་སོགས་བོད་རིགས་ཁུལ་དུ་བྱེད་སྲོལ་ཡོད། དེ་རྗེས་རེའུ་མིག་གཉིས་པ། གསུམ་པ། བཞི་པ། ལྔ་པ། དྲུག་པ་བཅས་ནང་གི་སྒོར་ཐིག་གཅིག(༚)སྒོར་ཐིག་གཉིས(༛)སྒོར་ཐིག་གསུམ(༜)བརྩེགས་མ་བཅས་ནི་རྡེལ་དཀར་པོ་མཚོན་བྱེད་དང་། སྒྱུར་རྟགས་འདྲ་བ་གཅིག(༝)གཉིས(༞)ནི་རྡེལ་ནག་མཚོན་བྱེད་ཡིན་ལ་སྒོར་ཐིག་གཅིག་དང་སྒྱུར་རྟགས་འདྲ་བ་གཅིག(༚༝)མཉམ་དུ་ཡོད་པ་ནི་རྡེལ་དཀར་ནག་གཉིས་མཚོན་བྱེད་ཡིན། དེ་ཡང་སྤྱི་ལོ༡༩༩༠ལོར་ལོ༡༢བྱས་པ་དེ་རང་ལ་མཚོན་ན། སྲོག་རྡེལ་དཀར་པོ་གསུམ(༜)དང་། ལུས་རྡེལ་དཀར་ནག་གཉིས(༚༝)དབང་རྡེལ་དཀར་ནག་གཉིས(༚༝)རླུང་རྡེལ་དཀར་པོ་གཉིས(༛)བླ་རྡེལ་དཀར་པོ་གསུམ(༜)བཅས་ཟེར་ཞིང་། རང་རང་ལོ་རྟགས་ཀྱི་ཐད་འོག་གི་སྲོག་རྡེལ། ལུས་རྡེལ། དབང་རྡེལ། ཀླུང་རྡེལ། བླ་རྡེལ་རྣམས་དཀར་པོ(༚)བབས་ན་བཟང་བ་དང་། ནག་པོ(༝)བབས་ན་ངན་པ། རྡེལ་ཡོངས་རྫོགས་དཀར་ན་བཟང་ཐལ་ཆེ་བ་སོགས་རྩིས་གཞུང་ནང་གསུངས། རེའུ་མིག་བདུན་པའི་ནང་གི་གླང་བྱ་ཞེས་པ་ནི་གཡས་གཡོན་ཕོ་མོའི་ལོག་མིན་ཞེས་པ་དེ་ཡིན་ཞིང་། སྤྱི་ལོ༡༩༩༠ལོར་ལོ༡༢སོན་པ་དེ་སྐྱེས་པ་ཡིན་ན་ལོག་མེན་གླང་དང་བུད་མེད་ཡིན་ན་ལོག་མེན་བྱ་ཡིན་ཞེས་པའི་དོན་ཡིན། དཔེར་ན། ལོག་མེན་ཕོ་ཁྱི་མོ་འབྲུག་ལ་གནམ་སྒོ་བབས་པས་ཁང་པའི་ཐོག་མི་འབུབ་ལྟ་བུའོ། ། རེའུ་མིག་བརྒྱད་པའི་ནང་གི་སྟེང་འོག་ཕོ་མོའི་སྤར་ཁ་དང་དབུས་བབས་སྨེ་བ་ཞེས་པ་ལས་རེའུ་མིག་ནང་སྟེང་དུ་ཁེན་ཞེས་པ་ནི་རང་ལོ་བཅུ་གཉིས་སོན་པ་དེ་སྐྱེས་པ་ཡིན་ན་ལོ་འདིར་སྤར་ཁ་ཁེན་ཡིན་པ་དང་། དེ་འོག་ཨང་ཀི༢དེ་སྨེ་བའི་མཚོན་རྟགས་ཡིན་ཞིང་། རང་ལོ་བཅུ་གཉིས་སོན་པ་དེ་ལོ་འདིར་ཕོ་མོ་ཁྱད་མེད་སྨེ་བ་གཉིས་ནག་ལ་བབས་པ་ཡིན་ཞེས་པའི་དོན་ཡིན་ནོ། །

Tags:

🔥 Trending searches on Wiki བོད་སྐད:

ཟླ་༡༢ཚེས་༥ཉིན་ཧའོ་ཧྲིན།རྒྱལ་སྲས་ཐོགས་མེད་བཟང་པོ།བོད་རང་སྐྱོང་ལྗོངས།སའི་གོ་ལ།ཡུ་ཊོབ་སུའུ་ལེན་གླང་ཆེན་ཁ་བབས།སྒྲ་སྙན།ཞི་ཅིན་ཕིངཚད་མེད་བཞི་ནི་སྒྲ་དགར་བརྣན་གྱི་སྒྲ་ལ་འཇུག་ཚུལ་ཡོ་རོབ་གླིང་།རྒྱལ་སྲས་ལག་ལེན།ཉིང་ཁྲི།བསམ་ཡས་གཙུག་ལག་ཁང་།ཕོ་བྲང་པོ་ཏ་ལ་སྙན་ངག་ལེའུ་གསུམ་པའི་ས་བཅད་དང་དཔེར་བརྗོད་བཞུགས་སོ།།༢༠༡༥ལོ།སྔོ་ཚལ་རླུང་།པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལང་ཚོའི་རྦབ་ཆུའདོད་པའི་ལོངས་སྤྱོད།སློབ་གསོ།ཆོས་ཁ་ཆེའི་ཡུལ་ཧྲའོ་ལིན་དྲག་རྩལ།འཕྲུལ་འཁོར།ལེ་ཨོ་ན་ཏོ་ཏ་ཧྥིན་ཆི།ཞེ་ཁུ་སི་པེར།ཁ་སི་ཐྲིས།དཔལ་ལྡན་བསྟན་པའི་ཉི་མ།གུང་རི་གུང་བཙན།སྡོམ་གསུམ་རྣམ་ངེས་རྭ་ལོ་ཙ་བ་རྡོ་རྗེ་གྲགས་པ།མཱ་ནི་པུར།སྣང་ས་འོད་འབུམ་ཆེས་མཐའ་མཇུག་གི་མཇལ་འཕྲོད།(སྒྲུང་རྩོམ) བེ་རི་འཇིགས་མེད།དེང་ཁྲི་བཙན་པོ།ཞི་པན་ཡ།ཁོ་ཕེན་ཧ་ཀེན།མི་ཁོམ་པའི་གནས་བརྒྱད།པཎ་ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་གཉེན་པོ་སྟོབས་བཞི་གློག་རིག་པ།ཀྲུང་གོའི་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞགསི་ཝེ་དེན།ཁྲི་སྙན་ས་ལེ།ཟླ་༣ཚེས་༢༤ཉིན་ན་གི།རྒྱལ་པོའི་ཁབཔཎ་ཆེན་ཨེར་ཏི་ནི་ཆོས་ཀྱི་རྒྱལ་མཚན་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་།ཁུ་ནུའི་ངག་སྒྲོན་༢༠༢༢ལོ།ཚ་བ་རིག་པ།རང་དབང་མཉེན་ཆས།ཡིའུ་ལི་ཝུའུ་སི་ཁའེ་ས།སྨན།ཟླ་༣ཚེས་༩ཉིན་ཨིན་རྡུ་ནི་ཤིས་ཡ།སློབ་གྲྭ།ཁྲི་བཙན་ནམ།🡆 More