मार्क सिन्क्लेयर (अंग्रेजी: Mark Sinclair; जनम 18 जुलाई 1967), जिनके विन डीज़ल के नाँव से ढेर जानल जाला, एगो अमेरिकी एक्टर, निर्देशक, फिलिम प्रोड्यूसर आ फिलिम कथाकार बाड़ें। इनके खास परसिद्धि, फिलिम फास्ट एंड फ्यूरियस में डॉमिनिक टोरेटो के रोल खाती आ ट्रिपल एक्स सीरीज में जैन्डर केज के रोल खाती बा। वन रेस फिल्म्स नाँव के, विन डीजल के आपन प्रोडक्शन कंपनी भी बा आ एह कंपनी के हिस्सेदारी ऊपर बतावल फिलिम सिरीज सभ के प्रोडक्शन में बा।
विन डीजल | |
---|---|
जनम | मार्क सिन्क्लेयर जुलाई 18, 1967 अल्मीडा काउंटी, कैलिफोर्निया, अमेरिका |
पेशा | एक्टर, प्रोड्यूसर, कथानक लेखक, निर्देशक |
सक्रियता साल | 1975–अबतक |
पार्टनर | पैल्मोआ जिमेन्ज (2007–अबतक) |
संतान | 3 |
वेबसाइट | www |
डीजल दि पैसिफायर (2005) आ फाइंड मी गिल्टी (2006) नियर फिलिम सभ में भी काम कइलेन। आवाज-कलाकार के रूप में इनके आवाज दि आयरन जायंट (1999) में सामिल बा, क्रॉनिकल्स ऑफ दि रिडिक फ्रेंचाइज के वीडियो स्पिनऑफ में भी इनके आवाज बा, आ गार्जियंस ऑफ दि गैलेक्सी (2014) आ एकर 2017 सीक्वल में भी बा। डीजल, मल्टी-फेसियल नाँव के छोट-फिलिम में एक्टिंग भी कइलें आ कहानी लेखन, डाइरेक्ट करे के काम भी कइलें। पूरा फीचर-लेंथ के ड्रामा स्ट्रे'ज में भी इनके एक्टिंग, लेखन आ डाइरेक्शन तीनों काम रहल। डीजल वन रेस फिल्म्स, रेस ट्रेक रेकार्ड्स आ टाईगन स्टूडियोज नियर प्रोडक्शन कंपनी सभ के संस्थापक बाड़ें।
डीजल के जनमनाँव मार्क सिन्क्लेयर हवे आ इनके जनम अल्मीडा काउंटी, कैलिफोर्निया में भइल आ ई आ इनके भाई पॉल दुनों जन जोड़ुआ हवे लोग। इनके महतारी डेलोरा शेर्लीन (सिन्क्लेयर) एगो ज्योतिषी हई। डीजल के कहनाम बा की "उनके जातीयता मिलजुल किसिम के बा"। इनके महतारी के पुरखा लोग अंगरेज, जर्मन आ स्कॉट हऽ। डीजल अपना जैविक पिता से कभो ना मिलल हवें आ उनके कहनाँव की "हम अपना महतारी से इहे जनलीं कि हमार संबंध कई संस्कृति सभ से बा"। डीजल अपना के "निश्चित रूप से रंग वाला (यानी गोरा)" कहे लें, आ इहो बतावे लें कि उनके महतारी बाप के संबंध अमेरिका के कई इलाका में बहुबियाह वाला क़ानून के कारण अबैध रहल होखित। कौकेशियाई महतारी आ एफ्रो-अमेरिकी बाबूजी इरविंग एच विन्सेंट, जे एक्टिंग इंस्ट्रक्टर (एक्टिंग सिखावे वाला) आ थियेटर मैनेजर हवें, द्वारा इनकर लालन-पालन न्यू यॉर्क में भइल।
विन डीजल के पहीलका पात्र 1990 मे आइल अवाकेनिंग फिलिम मे रहे। 1994 मे ई एगो मल्टी फेशियल नांव के छोट चलचित्र लिखलन आ बनवलन, जे कैनेस फेस्टिवल मे देखावल गइल।
विकिमीडिया कॉमंस पर संबंधित मीडिया Vin Diesel पर मौजूद बा। |
ई लेख कौनों एक्टर/एक्ट्रेस के बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article विन डीजल, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.