नीतीश कुमार

नीतीश कुमार
बिहार के मुख्यमंत्री
पद पर मौजूद
पदभार लिहल गइल 27 जुलाई 2017
डिप्टी	सुशील कुमार मोदी
इनसे पहिले	खुद
कार्यकाल 22 फरवरी 2015 – 26 जुलाई 2017
डिप्टी	तेजस्वी यादव
इनसे पहिले	जीतन राम माँझी
कार्यकाल 24 नवंबर 2005 – 17 मई 2014
डिप्टी	सुशील कुमार मोदी
इनसे पहिले	राष्ट्रपति शासन
इनके बाद	जीतन राम माँझी
कार्यकाल 3 मार्च 2000 – 10 मार्च 2000
इनसे पहिले	राबड़ी देवी
इनके बाद	राबड़ी देवी
रेल मंत्री
कार्यकाल 20 मार्च 2001 – 21 मई 2004
इनसे पहिले	ममता बनर्जी
इनके बाद	लालू प्रसाद यादव
कार्यकाल 19 मार्च 1998 – 5 अगस्त 1999
इनसे पहिले	राम विलास पासवान
इनके बाद	राम नाइक
खेती मंत्री
कार्यकाल 27 मई 2000 – 21 जुलाई 2001
कार्यकाल 22 नवंबर 1999 – 3 मार्च 2000
भूतल परिवहन मंत्री
कार्यकाल 13 अक्टूबर 1999 – 22 नवंबर 1999
प्रधानमंत्री	अटल बिहारी वाजपेयी
कार्यकाल 14 अप्रैल 1998 – 5 अगस्त 1999
निजी जानकारी
जनम	(1951-03-01) 1 मार्च 1951 (उमिर 73) बख्तियारपुर, बिहार, भारत
राष्ट्रीयता	भारतीय
राजनीतिक पार्टी	जदयु
जीवनसाथी	मंजू कुमारी सिन्हा
संतान	1
महतारी संस्था	बिहार कॉलेज ऑफ इंजीनियरिंग
प्रोफेशन	राजनीतिग्य
पुकार नाँव	सुशासन बाबू विकास पुरुष मिस्टर क्लीन लार्ड टर्नअराउंड

नीतीश कुमार जनता दल (युनाइटेड) के नेता हवें। राजनीति में नीतीश के पृष्ठभूमि समाजवादी नेता के रूप में बा। अपना पहिले के मुख्यमंत्री काल में इनके समाजवादी नीति के तहत 100,000 इस्कूल मास्टरन के भर्ती, प्राथमिक स्वास्थ्य केंद्र पर डाक्टरन के उपस्थिति आ काम कइल सुनिश्चित कइल, गाँवन के बिद्युतीकरण, सड़क निर्माण, जनाना निरक्षरता के कम कइल, अपराध कम कइल आ औसत बिहारी ब्यक्ति के आमदनी में बढ़ती ले आइल कुछ मुख्य उपलब्धी गिनावल जाला। इनका मुख्यमंत्री काल में बिहार के क्यूमुलेटिव जीडीपी बढ़ती अन्य राज्यन के तुलना में सभसे ढेर रहल बा।

17 मई 2014 के मुख्यमंत्री पद से इस्थीपा दे दिहलें, एकर कारण 2014 आम चुनाव में इनके पार्टी के ख़राब परदर्शन रहल, आ इनके बाद जीतन राम माँझी मुख्यमंत्री बनलें। हालाँकि, फरवरी 2015 में दोबारा एह पद पर लवटलें जब बिहार में राजनीतिक संकट के स्थिति बन गइल रहे आ राज्य चुनाव (नवंबर) 2015 में जीतलें। 10 अप्रैल 2016 के इनके पार्टी क राष्ट्रीय अध्यक्ष चुनल गइल। भाबिस्य में, 2019में होखे वाला चुनाव में इनके कई लोग परधानमंत्री पद के जोग कैंडीडेट मानल जेह में लालू प्रसाद यादव आ तेजस्वी यादव भी सामिल रहल हालाँकि, नीतीश एह दावेदारी से इनकार कइलें।

26 जुलाई 2017 के फिर से बिहार के मुख्यमंत्री पद से इस्थीपा दे दिहलें, कारण एह महागठबंधन के हिस्सा आ उपमुख्यमंत्री तेजस्वी यादव के के खिलाफ सीबीआइ द्वारा दायर ऍफ़आईआर के बाद उपजल घटनाक्रम रहल। इस्थीपा के कुछे घंटा बाद एनडीए ज्वाइन क लिहलें आ राज्यपाल से मिल के सरकार बनावे के दावेदारी रखलें, अगिला दिने फिर से पद के सपथ लिहलें।

नीतीश कुमार के जनम बिहार के नालंदा जिला के हरनउत (कलियाँबीघा) में कबिराज रामलखन सिंह आ परमेश्वरी देवी के घरे भइल। इनके बाबूजी स्वतंत्रता सेनानी रहलें आ गाँधीवादी नेता आ आधुनिक बिहार के निर्माता मानल जाए वाला "बिहार विभूती" अनुग्रह नारायण सिंह के करीबी रहलें। नीतीश कुमार 1972 में बिहार कॉलेज ऑफ इंजीनियरिंग से इलेक्ट्रिकल इंजीनियरी में डिग्री लिहलें पढ़ाई के बाद ऊ बिहार राज्य बिद्युत निगम में आधा-अधूरा मन से नौकरी ज्वाइन कइलेन आ बाद में राजनीति में उतर गइलें।

• अणुव्रत सम्मान, श्वेतांबर तेरापंथ महासभा (जैन संस्था) द्वारा, बिहार में शराबबंदी लागू करे खातिर, 2017

• जेपी मेमोरियल अवार्ड, नागपुर मानव मंदिर, 2013

• फॉरेन पॉलिसी मैगजीन के टॉप 100 बैस्विक चिंतक लोग में 77वाँ नमर पर, 2012.

• XLRI, जमशेदपुर द्वारा, "सर जहाँगीर गांधी मेडल" , 2011.

• "एमएसएन इंडियन ऑफ दि इयर", 2010"

• एनडीटीवी इंडियन ऑफ दि इयर – राजनीति, 2010

• फ़ोर्ब्स "इंडियन पर्सन ऑफ दि इयर", 2010

• सीएनएन-आईबीएन "इंडियन ऑफ दि इयर अवार्ड" – राजनीति, 2010

• एनडीटीवी इंडियन ऑफ दि इयर – राजनीति, 2009

• इकोनॉमिक टाइम्स "बिजनेस रिफार्मर ऑफ दि इयर", 2009

• 'पोलियो उन्मूलन चैम्पियनशिप अवार्ड' 2009, रोटरी इंटरनेशनल द्वारा

• सीएनएन-आइबीएन "ग्रेट इंडियन ऑफ दि इयर" अवार्ड – राजनीति, 2008

• बिहार