पंकज त्रिपाठी: भारतीय अभिनेता

त्रिपाठी क जनम 28 सितंबर 1976 के भारतीय राज्य बिहार के गोपालगंज जिला के बेलसँड़ गाँव (बरौली ब्लॉक) में एगो हिंदू ब्राह्मण परिवार में पंडित बनारस तिवारी आ हेमवंती तिवारी के चार गो संतानन में सभसे छोट बेटा के रूप में भइल। इनके बाबूजी खेतीबारी आ पुरोहिताई करे लें। त्रिपाठी अपना बाबूजी के साथै खेती के काम करें जबले ऊ कक्षा 11 में पढ़ें। तिहुआर के सीजन में त्रिपाठी अपना गाँव में होखे वाला नाटक में लड़की के रोल करें आ एकरा खातिर उनके तारीफी मिलल आ एही से उनके एक्टिंग में कैरियर बनावे के प्रेरणा मिलल। हाई इस्कूल के बाद त्रिपाठी पटना चल अइलें आ इंस्टिट्यूट ऑफ़ होटल मैनेजमेंट, हाजीपुर में पढ़लें। एहिजे ऊ थियेटर करें आ कॉलेज राजनीति में हिस्सा लिहलें। एक्टिंग में फेल हो जाए के डर के चलते ऊ कुछ दिन के पटना के मौर्य होटल में शेफ के रूप में काम कइलें जहाँ मनोज बाजपेई इनका के मिललें। त्रिपाठी बाद में बतावेलें कि शेफ के काम करत समय ऊ बाजपेई के चप्पल चोरा लिहले रहलें आ ओकरा के एगो यादगार के रूप में रखल चाहत रहलें। करीबन सात साल पटना में रहे के बाद त्रिपाठी दिल्ली अइलें जहाँ नेशनल स्कूल ऑफ़ ड्रामा में दाखिला लिहलें आ एहिजे से 2004 में ग्रेजुएट बनलें।

नेशनल स्कूल ऑफ़ ड्रामा से गेजुएशन करे के बाद त्रिपाठी मुंबई आ गइलें आ पहिले टाटा टी के बिग्यापन में नेता के रोल कइलें ओकरा बाद रन में एगो छोटहन रोल कइलें। 2008 में ई बाहुबली टीवी सीरिज में एक्टिंग कइलें आ बाद में सोनी टीवी के पावडर में काम कइलें। 2012 में इनका के बढ़ियां ब्रेकथ्रू मिलल गैंग्स ऑफ़ वासेपुर में जेह में ई सुल्तान के किरदार कइलें। एह फिलिम खातिर इनकर ऑडिशन लगभग आठ घंटा चलल। शुरूआती कैरियर में इनके निगेटिव रोल मिललें आ ई गैंगस्टर कैरेक्टर सभ कइलें। बाद में इनके बिबिध किसिम के रोल मिले लगलें आ इनहन खातिर पहिचान मिलल। लीड कैरेक्टर (मुख्य भूमिका) वाला इनकर पहिली फिलिम 2017 में गुड़गांव रहल। 2017 में इनके फिलिम न्यूटन भारत के ओर से एकेडमी अवार्ड में बेस्ट फॉरेन फिलिम कटेगरी में नामिनेशन वाली फिलिम रहल।

पंकज त्रिपाठी तमिल सिनेमा में आपन पदार्पण काला फिलिम से कइलें जे 7 जून 2018 के रिलीज भइल। त्रिपाठी 2018 के वेब सीरीज मिर्जापुर आ मिर्जापुर सीजन 2 में प्रमुख भूमिका में नजर आइलें जे अमेजन प्राइम पर उपलब्ध बाटे आ 2019 में आइल सेक्रेड गेम्स सीरीज में लउकलें जे नेट्फ्लिक्स पर बा।

1993 में एगो बियाह में पंकज के मुलाक़ात मृदुला से भइल आ पहिलिये नजर में इनका के परेम भ गइल। बाकी इनहन लोगन के परिवार वाला लोगन के मनावे के पड़ल आ 15 जनवरी 2004 के इनहन लोगन के बियाह भइल। एकरा बाद ई लोग मुंबई आ गइल आ 2006 में इनहन लोगन के एगो बेटी भइल जेकर नाँव आशा त्रिपाठी रखाइल।

फिलिम

Key

Denotes films that have not yet been released

साल	फिलिम	रोल	नोट
2003	चिगुरुदा कान्सी	पंकज	बिना क्रेडिट (कन्नड़ फिलिम)
2004	रन	बिना नाँव	बिना क्रेडिट
2005	अपहरण	गया सिंह के साथी
	बंटी और बबली	इंस्पेक्टर जटायु सिंह
2006	ओमकारा	किचलू
2007	धर्म	सूर्यप्रकाश
2008	मिथ्या	टिपनिस
	शौर्य	मेजर वीरेन्द्र राठोर
2009	चिंटू जी	पपलू यादव
	बारह आना	इंस्पेक्टर
	प्यार बिना चैन कहाँ रे	विलेन	भोजपुरी फिलिम
2010	वाल्मीकि की बंदूक	बीडीओ त्रिपाठी	शॉर्ट फिलिम
	रावण	गुलाबिया
	आक्रोश	किशोर
2011	चिल्लर पार्टी	सेक्रेटरी दुबे
2012	अग्निपथ	सूर्या
	गैंग्स ऑफ़ वासेपुर – पार्ट 1	सुल्तान कुरैशी
	गैंग्स ऑफ़ वासेपुर – पार्ट 2
	दबंग 2	फिलावर
2013	एबीसीडी: एनीबडी कैन डांस	वर्धा भाई
	रंगरेज	ब्रिजबिहारी पांडे
	फुकरे	पंडित
	अनवर का अजब किस्सा	अमोल
	माजी	राठीजी
	जनता v/s जनार्दन– बेचारा आम आदमी
	दूसूकेलता	दिलीश्वर राव	तेलुगु फिलिम
2014	गुंडे	लतीफ
	सिंघम रिटर्न्स	अल्ताफ
2015	मांझी - द माउंटेन मैन	रुआब
	लाइफ बिरियानी'
	मसान	सध्या जी
	दिलवाले	अनवर
2016	निल बटे सन्नाटा	प्रिंसिपल श्रीवास्तव
	ग्लोबल बाबा	डमरू
	मैंगो ड्रीम्स	सलीम	अंग्रेजी फिलिम
2017	कॉफ़ी विथ डी	गिरधारी
	अनारकली ऑफ आरा	रंगीला
	न्यूटन	आत्मा सिंह
	गुड़गांव	केहरी सिंह
	बरेली की बर्फी	नरोत्तम मिश्रा
	फुकरे रिटर्न्स	पंडित
	मुन्ना माइकल	बाली
2018	कालाकंदी
	काला	पंकज पाटिल	तमिल फिलिम
	अंग्रेजी में कहते हैं	फिरोज
	फेमस	त्रिपाठी
	स्त्री	रूद्र
	हारजीत	कोच	पंजाबी फिलिम
	भाईजी सुपरहिट	बिल्डर गुप्ता
	युअर्स ट्रूली	विजय	Zee5 पर रिलीज
2019	लुका छुपी	बाबूलाल
	द ताशकंद फाइल्स	गंगाराम झा
	सुपर 30	श्री राम सिंह
	किस्सेबाज	छुट्टन शुक्ला
	अर्जुन पटियाला	फिलिम प्रोड्यूसर	कैमियो
	ड्राइव	हामिद	नेट्फ्लिक्स पर रिलीज
2020	अंग्रेजी मीडियम	टोनी
	एक्स्ट्रैक्शन	ओवी महाजन सीनियर	नेट्फ्लिक्स पर रिलीज अंग्रेजी फिलिम
	गुंजन सक्सेना: द कारगिल गर्ल	अनूप सक्सेना	नेट्फ्लिक्स पर रिलीज
	लूडो	सत्येंद्र "सत्तू भइया" त्रिपाठी	नेट्फ्लिक्स पर रिलीज
	शकीला	सलीम
2021	कागज	लाल बिहारी	जी5 पर रिलीज
	मिमी	भानु	नेट्फ्लिक्स पर रिलीज
	बंटी और बबली 2	जटायु सिंह
	83	पीआर मान सिंह
2022	बच्चन पांडे	भावेस भोपलो
	शेरदिल: द पीलीभीत सैगा	गंगा राम
	OMG 2 – Oh My God! 2	TBA	फिल्मिंग जारी

टेलीविजन

वेब सिरीज