सबसे ऊँच परबतन के लिस्ट: विकिमीडिया लिस्ट लेख

ई बात हर केस में बहुत क्लियर ना होला की कौनों कवना रेखा के सहारे कौनों परबत चोटी के बगल वाली चोटी से अलग कइल जाव। एगो प्रचलित तरीका ई हवे की उपचोटी आ मुख्य परबत चोटी के बिभाजन थलरुपी उच्चता (टोपोग्राफिक प्रॉमिनेंस) के नाप से कइल जाय। टोपोग्राफिक प्रौमिनेंस, एगो तरीका हवे जेवना में कौनों चोटी के ऊँचाई, ओकरा आ ओकरे के बगल वाली चोटी के बीच के गहिरा हिस्सा (दर्रा या कॉल) से नापल जाला। ऊँचकी चोटी के पैरेंट पीक (parent peak) कहल जाला। परबत के एगो कामन परिभाषा ई बा की ओकर प्रॉमिनेंट ऊँचाई 300 मी (980 फीट) होखे के चाहीं। बिकल्प के रूप में सापेक्षिक प्रौमिनेंस (प्रौमिनेंस/ऊँचाई) के इस्तेमाल (आमतौर पर 7–8%) भी होखे ला। नीचे के लिस्ट में सभसे ऊँच 100 गो चोटी, कम से कम 500 मी (1,640 फीट) मीटर प्रौमिनेंस वाली दिहल गइल बाड़ी, जवन लगभग 7% प्रौमिनेंस के साथ वाली बाड़ी। प्रौमिनेंस के आधार पर लिस्ट बनावे में एगो कमी ई होखेला की कबो-कबो कौनो अइसन परबत छूट जाला जवन बहुत परसिद्ध होखे बाकी अपने बगल के परबत चोटी से जवना के बिलगाव करे वाली घाटी या कॉल अतना गहिरा न होखे कि प्रौमिनेंस के नाप बहुत ढेर आवे। उदाहरण कि रूप में Eiger आ Nuptse। अइसन कुछ चोटी जवन प्रौमिनेंस में नजदीक ले पहुँचल बाड़ी की उनहन के गिनल जाय, नीचे दिहल बाड़ी बाकी उन्हना के गणना रैंक नइखे दिहल गइल, खाली नाँव दिहल बा।

इहाँ दिहल ऊंचाई भी, कोसिस कइल गइल बाटे की सटीक होखे, बाकी कई दसा में ई नाप के सटीकता बहुत मुश्किल होला। खास तौर पर जब परबत समुंद्र से बहुत दूर होखे तब समुंद्र तल से ऊँचाई के निर्धारण कठिन हो जाला। अलग-अलग स्रोत भी कई चोटी के ऊँचाई अलग-अलग बतावत मिल जालें। एही ज्ञानकोश में अलग-अलग स्रोत के हवाला दे के एकही चोटी के अलग ऊँचाई भी दिहल हो सकत बाटे। एगो सभसे मजबूत उदाहरण बा अलघ मुजतग Ulugh Muztagh जवन उत्तरी तिब्बत में बाटे, जवना के ऊँचाई 7,723 मी (25,338 फीट) से 7,754 मी (25,440 फीट) भी लिखल मिले ला, बाकी ई 6,973 मी (22,877 फीट) से 6,987 मी (22,923 फीट) ले बाटे। कौनों कौनों परबत के ऊँचाई अलग-अलग स्रोत में > 100 मी (330 फीट) से ढेर के अंतर के साथ भी मिले ला। माउंट एवरेस्ट के ऊंचाई भी 8,840 मी (29,003 फीट) से 8,850 मी (29,035 फीट) के बीच में लिखल मिलेले। ई सभ अनियमितता इहे बतावे लीं कि ऊँचाई के गणना में अक्सर सटीकता के बिबाद हो सके ला।

एही वजह से इहाँ लिस्ट के 7,200 मी (23,622 फीट) से ढेर ऊंचाई वाली चोटी सभ के कभर करे वाली बनावल गइल बाटे (खाली 7000 नइखे रखल गइल)।

एह में से ज्यादातर परबत सभ हिमालय आ काराकोरम श्रेणी के हिस्सा बाड़ें जवन तिब्बत के पठार के दक्खिन आ पच्छिम में स्थित बाड़ें। वास्तव में, सगरी 7,000 मी (23,000 फीट) से ऊँच चोटी सभ एशिया (पूर्ब एशिया, मध्य एशिया आ दक्खिन एशिया) के एगो चौकोर बक्सा नियर क्षेत्र में मौजूद बा जवना के पच्छिमी सीमा Noshaq (7,492 मी या 24,580 फीट) में अफगानिस्तान-पाकिस्तान बाडर पर बा, उत्तर में Jengish Chokusu, (Tuōmù'ěr Fēng) (7,439 मी या 24,406 फीट) में किर्गीस्तान – जिनजियांग बाडर पर बा, पूरुब में Gongga Shan (Minya Konka) (7,556 मी या 24,790 फीट) के रूप में सिचुआन मे बा आ दक्खिन ओर Kabru (7,412 मी या 24,318 फीट) के रूप में सिक्किम (भारत) – नेपाल बाडर पर बाटे।

एशिया से बाहर सभसे ऊँच चोटी अकांकागुआ (6,962 मी या 22,841 फीट) बा, जवना के एगो लिस्ट के मुताबिक 189वाँ अस्थान बाटे, थलरुपी उच्चता (टोपोग्राफिक प्रॉमिनेंस) 500 मी या 1,640 फीट के हिसाब से।

उच्च एशिया के परबत सभ के नीचे कम्पोजिट उपग्रह इमेज में देखावल गइल बाटे। संख्या, लिस्ट में रैंकिंग बतावत बा। साफ-साफ देखावे खातिर कम ऊंचाई वाली चोटी जिनहन के लेबल ढेर ऊंचाई वालिन के संघे ओभरलैप करत बा, छोड़ दिहल गइल बा। बक्सा में देखावल क्षेत्र के बड़ा रूप में अलगा से देखावल गइल बाटे।

 

सभसे ऊँच चोटी सभ के नासा के बनावल कम्पोजिट इमेज

 

हिंदुकुश आ काराकोरम में ऊँच परबत चोटी

 

नेपाल हिमालय में परबत चोटी सभ

• परबत
• परबत सभ के लिस्ट
• परबत के लिस्ट सभ के लिस्ट