ब्रूस विलिस
वाल्टर ब्रूस विलिस (Walter Bruce Willis; जनम 19 मार्च 1955) एगो अमेरिकी एक्टर, प्रोड्यूसर, आ गायक बाड़ें। विलिस जर्मन महतारी आ अमेरिकी पिता के संतान हवें जिनके जनम जर्मनी में भइल आ 1957 में इनके परिवार अमेरिका आ गइल। इनके कैरियर के सुरुआत ऑफ़-ब्राडवे स्टेज से 1970 के दशक में सुरू भइल। एकरे बाद इनके पहिचान आ परसिद्धि मिलल एगो हिट धारावाहिक मूनलाइटिंग (1985–89) में मुख्य किरदार निभावे से। एकरे बाद ई कई गो फिलिम सभ में अइलें आ इनका के एगो एक्शन हीरो मानल जाला एकर कारन इनके डाइ हार्ड फ्रेंचाइज (1988–2013) में जॉन मक्क्लेन के रोल आ अउरी कई फिलिम सभ में अइसने रोल कइल मानल जा सके ला।
| ब्रूस विलिस | |
|---|---|
 2018 में विलिस | |
| जनम | वाल्टर ब्रूस विलिस मार्च 19, 1955 Idar-Oberstein, Rhineland-Palatinate, पच्छिमी जर्मनी |
| निवास | लॉस एंजेलिस |
| राष्ट्रीयता | अमेरिकी |
| महतारी संस्था | मोंटक्लेयर स्टेट युनिवर्सिटी |
| पेशा | एक्टर, प्रोड्यूसर, सिंगर |
| सक्रियता साल | 1979–अबतक |
| मूल शहर | पेन ग्रूव्ज, न्यू जर्सी, अमेरिका |
| जीवनसाथी | डेमी मूर (बि. 1987; तला. 2000) एमा हेमिंग (बि. 2009) |
| संतान | 5 जेह में रुमर विलिस सामिल बाड़ें |
इनके एक्टिंग वाली अउरी फिलिम सभ में डेथ बिकम्स हर (1992), पल्प फिक्शन (1994), 12 मंकीज (1995), दि फिफ्थ एलिमेंट (1997), आर्मागेडॉन (1998), दि सिक्स्थ सेन्स (1999), अनब्रेकेबल (2000), सिन सिटी (2005), रेड (2010), मूनराइज किंगडम, दि ऍक्सपैंडेबल्स 2, आ लूपर (2012) बाड़ी सऽ। ब्राडवे में ई माइजरी नाँव के उपन्यास के एडाप्टेशन से आपन शुरूआत कइलें।
एगो संगीतकार के रूप में, दि रिटर्न ऑफ़ ब्रूनो नाँव के एल्बम, 1987 में रिलीज कइलें। एकरे बाद से ई दू गो अउरी सोलो एल्बम 1989 आ 2001 में निकाल चुकल बाड़ें।
विलिस के कई गो पुरस्कार आ सम्मान मिलल बाने जेह में से प्रमुख बाड़ें: गोल्डन ग्लोब अवार्ड, दू गो प्राइमटाइम एमी एवार्ड, आ दू गो पीपल्स च्वाइस अवार्ड। साल 2006 में ई हॉलीवुड वाक ऑफ़ फेम में एगो स्टार रिसीव कइने।
इहो देखल जाय
- डाइ हार्ड (फ्रेंचाइज)
संदर्भ
This article uses material from the Wikipedia भोजपुरी article ब्रूस विलिस, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.