Тоба

Тоба
Тоба
	Toba
	; Выгляд з космасу
Морфаметрыя
Вышыня над узроўнем мора	905 м
Даўжыня	100 км
Шырыня	30 км
Плошча	1103 км²
Аб’ём	240 км³
Найбольшая глыбіня	529 м
Басейн
Плошча вадазбору	3440 км²
Выцякаюць	рака Асахан
Размяшчэнне
Краіна	Інданезія
	; Тоба
	Медыяфайлы на Вікісховішчы

З’яўляецца найбуйнейшым возерам вулканічнага паходжання.

Геаграфія

Возера Тоба знаходзіцца ў горнай частцы вострава Суматра, у зоне субдукцыі (напаўзання тэктанічных пліт, гл. Тэктоніка пліт) на вышыні 905 м над узроўнем мора. Для дадзенай мясцовасці характэрна сейсмічная актыўнасць. Значныя землятрусы адбываліся ў 1892, 1916, 1920—1922 і 1987 гг.

Сфарміравалася на месцы катастрафічнага вулканічнага вывяржэння, якое адбылося 73±4 тыс. гадоў таму. Займае плошчу 1103 км² (каля 100 км у даўжыню і 30 км у шырыню). Найбольшая глыбіня — 529 м. Плошча вадазбору — 3440 км². На возеры размешчаны востраў Самасір. З Тоба выцякае рака Асахан.

Культура

Узбярэжжа возера Тоба былі асвоены чалавекам сучаснага тыпу каля 45 тыс. гадоў таму, хаця маглі мецца ранейшыя пасяленні да вулканічнага вывяржэння. У наш час наваколлі возера насяляе субэтнічная група батакаў, якая спавядае хрысціянства. Згодна паданню, усе батакі паходзяць з гары Букіт-Пусук на заходняй ускраіне Тобы.

Вакол Тобы і на востраве Самасір захаваліся традыцыйныя драўляныя хаціны батакаў з увагнутымі дахамі і ўпрыгожанымі рэззю франтонамі. У мінулым вёскі ў раёне возера былі акружаныя ровам і зараснікамі бамбука. Свабодным заставаўся толькі адзін уезд, які маглі ў любы момант перакрыць. Абарончая планіроўка вуліц заўважна і ў нашы дні.

Эканоміка

Возера Тоба адно з самых прывабных месцаў для турыстаў, якія прыязджаюць у Інданезію. Мясцовыя жыхары займаюцца сельскай гаспадаркай, вырошчваюць на ўрадлівых землях рыс і гародніну. На востраве Самасір існуе буйная ферма па гадоўлі рыбы.

Галерэя

Агульны выгляд
Узбярэжжа
Батакскія жанчыны, пач. XX ст.
Вёска батакаў

Спасылкі

Lake Toba даведнік на сайце Wikivoyage

DANAU TOBA (LAKE TOBA) Архівавана 3 сакавіка 2009.
Toba, Sumatra, Indonesia Архівавана 8 лютага 2009.
Lake Danau Toba, Sumatra Indonesia Архівавана 8 сакавіка 2012.
Batak Toba Houses

This article uses material from the Wikipedia Беларуская article Тоба, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.