Палавое Выспяванне
Палаво́е выспява́нне — перыяд у індывідуальным развіцці жывёл і чалавека, у час якога арганізм становіцца здольным да палавога размнажэння.
Завяршаецца надыходам палавой спеласці.
Час надыходу палавога выспявання залежыць ад памераў цела, працягласці жыцця. У дробных відаў, якія жывуць нядоўга, напрыклад, калаўротак, бывае на 4—5-я суткі, у птушак — на 1-м ці 2-м годзе жыцця; у буйных драпежнікаў, напрыклад, льва, тыгра, леапарда — на З—5-м (жывуць да 30 гадоў і больш). У чалавекападобных малпаў — на 8—10-м годзе жыцця.
Перыяд палавога выспявання чалавека цягнецца з 8—9 да 16—17 гадоў у жанчын, з 10—11 да 19—20 гадоў у мужчын. У час палавога выспявання развіваюцца другасныя палавыя прыкметы, назіраюцца значныя змены ў дзейнасці цэнтральнай нервовай сістэмы і псіхіцы.
Літаратура
- Палавое выспавянне // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
Спасылкі
На Вікісховішчы ёсць медыяфайлы па тэме Палавое выспяванне
This article uses material from the Wikipedia Беларуская article Палавое выспяванне, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.