«Белая вежа» — беларускі міжнародны тэатральны фестываль, які штогод праходзіць у Брэсце.
Заснаваны ў 1996 годзе ў Камянцы (Брэсцкая вобласць).
«Белая вежа» | |
---|---|
Жанр | спектакль |
Гады правядзення | з 1996 года |
Краіна | Беларусь |
Горад | Брэст |
Мова песень | беларуская, руская |
Тэматыка | тэатр |
Лэйбл | Міністэрства культуры Рэспублікі Беларусь |
З’яўляецца найстарэйшым штогадовым тэатральным фестывалем Беларусі. Яго арганізатарам з’яўляецца Міністэрства культуры Рэспублікі Беларусь. Ладзіцца на некалькіх памостках: на 2 у Брэсцкім акадэмічным тэатры драмы, у абласным грамадска-культурным цэнтры, у парку і на плошчы Леніна. У ходзе фестывалю ўручаецца да 10 узнагарод, у тым ліку лялечным тэатрам.
№ | Дата | Спектакль | Тэатр | Краіна |
23 | 2018 г., верасень | «Як загінуў Гуска» | Кіеўскі акадэмічны тэатр лялек | Украіна |
22 | 2017 г., 8—17 верасня | «Скрыпка Ротшыльда» | Маскоўскі тэатр юнага гледача | Расія |
21 | 2016 г., 9—16 верасня | «Чайка» (Яраслаў Федарышын) | Львоўскі акадэмічны тэатр «Уваскрэсенне» | Украіна |
20 | 2015 г., 11—19 верасня | — | — | — |
19 | 2014 г., 12—19 верасня | «Кніга Ёва» (Някрошус) | Тэатр «Мена Фортас» (Вільнюс) | Літва |
18 | 2013 г., 7—14 верасня | |||
17 | 2012 г., 7—14 верасня | |||
16 | 2011 г., 9—16 верасня | «Раскіданае гняздо» (Янка Купала) | Брэсцкі акадэмічны тэатр драмы | Беларусь |
15 | 2010 г., 11—18 верасня | «Калека з вострава Інішман» (Марцін МакДонах) | Пермскі тэатр «Каля моста» | Расія |
14 | 2009 г., 5—12 верасня | «Гогаль. Вечары» (Уладзімір Панкоў) | Расія | |
13 | 2008 | |||
12 | 2007 г., 8—14 верасня | «Вішнёвы сад» | Львоўскі тэатр «Уваскрэсенне» | Украіна |
11 | 2006 г. | «Адвечная песня» | Беларускі дзяржаўны тэатр лялек | Беларусь |
10 | 2005 | |||
9 | 2004 | |||
8 | 2003 | |||
7 | 2002 | |||
6 | 2001 | |||
5 | 2000 | «Князь Вітаўт» | Нацыянальны акадэмічны тэатр імя Янкі Купалы | Беларусь |
4 | 1999 | |||
3 | 1998 | |||
2 | 1997 | |||
1 | 1996 |
У 2007 годзе на 13-й «Белай вежы» тэатры з 23 краін спаборнічалі за 13 узнагарод.
У верасні 2009 года на 14-м фестывалі выступіла 25 тэатраў з 4 краін Азіі (Азербайджана, Арменіі, Ірана і Таджыкістана) і 5 краін Еўропы, у тым ліку 4 з 5 суседніх: Літвы, Польшчы, Расіі, Украіны і Малдовы. У верасні 2010 году 15-ы фестываль «Белая вежа» сабраў 37 тэатраў з 21 краіны. Яго арганізатарам ад заснавання выступала Міністэрства культуры Рэспублікі Беларусь.
У верасні 2012 года на 17-м фестывалі «Белая вежа» выступілі тэатры з 5 краін Азіі (Азербайджана, Арменіі, Ізраіля, Ірана і Японіі) і 5 краін Еўропы, у тым ліку трох з 5 суседніх: Польшчы, Украіны, Расіі, Малдовы і Эстоніі. Пагатоў з Расіі прыехала 9 тэатральных калектываў.
7—14 верасня 2013 года прайшоў 18-ы фестываль «Белая вежа». У ім удзельнічалі 23 тэатры, якія паказалі 24 спектаклі на 8 мовах. Тэатральныя калектывы прыехалі з 13 краін: 4 краін Азіі — Азербайджана, Арменіі, Ізраіля і Японіі; 1 краіны Афрыкі — Егіпта; 8 краін Еўропы, у тым ліку 4 з 5 суседніх — Літвы, Польшчы, Расіі, Украіны, Грэцыі, Славакіі, Чэхіі і Швецыі. Паказы адбыліся на 5 сцэнах: у 2 залах Брэсцкага акадэмічнага тэатра драмы, абласным грамадска-культурным цэнтры, парку і на плошчы Леніна. Усе білеты распрадалі за 2 тыдні, цэны на якія даходзілі да 200 000 рублёў ($22). Пагатоў арганізацыйны камітэт ажыццявіў адбор да ўдзелу сярод 210 заявак. Найбольшую колькасць спектакляў паставілі тэатры Беларусі і Польшчы.
У верасні 2014 года адбыўся 19-ы фестываль, на якіх тэатры з 13 краін паказалі 25 спектакляў. Білеты каштавалі ад 40 000 ($4,42) да 250 000 рублёў ($27,6). На юбілейную 20-ю «Белую вежу» ў 2015 годзе запрасілі 12 пераможцаў мінулых гадоў. Сярод звыш 100 заявак на ўдзел выбралі новыя тэатры. За 9 дзён на 6 пляцоўках паказалі 22 спектаклі з 13 краін, якія наведалі 7,5 тысяч гледачоў. Упершыню ў фестывалі ўдзельнічалі прадстаўнікі Туніса, адкуль прыехаў тэатр «Новы погляд» з пастаноўкай «Д-Сізіф». Сярод 22 паказаных спектакляў 7 былі беларускімі.
9—16 верасня 2016 года на 20-м фестывалі «Белая вежа» выступілі 26 тэатраў з 17 краін. Сярод іх упершыню выступіла тэатральная трупа з Туркменістана (Дзяржаўны рускі драматычны тэатр). Білеты каштавалі ў сярэднім 10 дэнамінаваных рублёў ($5) і пакрылі звыш 70 % выдаткаў на фестываль. Рэшту забяспечылі спонсары і бюджэт Брэсцкай вобласці. У верасні 2017 года на 22-м фестывалі паказалі 28 спектакляў з 14 краін. З іх 11 атрымалі дыпломы.
За 23 гады існавання фестывалю «Белая вежа» ў Брэсце яго ўдзельнікамі сталі тэатры з 58 краін, у тым ліку з Афрыкі (Алжыр і Туніс) і Паўднёвай Амерыкі (Венесуэла).
This article uses material from the Wikipedia Беларуская article Белая вежа (фестываль), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.