Расійская Імперыя Акмолінская Вобласць

Створана 19 мая 1854 года з часткі Омскай вобласці і Вобласці сібірскіх кіргізаў з цэнтрам у Омску. З 1868 года — Акмолінская вобласць.

Акмолінская вобласць
руск.: Акмо́линская область
Герб[d]
Краіна	Расійская імперыя  Расійская рэспубліка  РСФСР[d]
Уваходзіць у	Заходне-Сібірскае генерал-губернатарства[d] (1868—1882) Сцяпное генерал-губернатарства (1882—1917) РСФСР (1918—1920)
Адміністрацыйны цэнтр	Омск
Дата ўтварэння	21 кастрычніка (2 лістапада) 1868
Дата скасавання	3 студзеня 1920
Насельніцтва	1 555 679 чал.
Медыяфайлы на Вікісховішчы

Акмолінская вобласць у XIX стагоддзі займала значна бо́льшую тэрыторыю і была самой шырокай вобласцю ў Сярэднеазіяцкіх уладаннях Расіі, куды ўваходзіла разам з Уральскай, Тургайскай, Сяміпалацінскай, Сямірэчанскай, Ферганскай, Сырдар’інскай, Самаркандскай і Закаспійскай абласцямі.

Насельніцтва вобласці ў 1887 годзе складала 463 347 чалавек, сярод іх — амаль 100 000 казахаў. Падзялялася на паветы: Акмолінскі, Какчатаўскі, Омскі, Петрапаўлаўскі і Атбасарскі (Атбасар).

Вобласць геалагічна падзялялася на тры часткі, якія рэзка адрозніваліся адна ад адной па сваіх фізічных уласцівасцях. Паўночная частка была ўтворана нізіннай і ля Іртыша пясчанай, багатай саланчакамі і салёнымі азёрамі (Дэнгіз) раўнінай.

Сярэдняя частка, парэзаная невысокімі камлюкамі, абрашалася рэкамі Ішымам, Нурай і Сары-Су. Хоць яна месцамі камяністая і бязлесая, але, паводле ацэнкі географаў пачатку XX ст., месцамі прыдатная да засялення. Тут былі сканцэнтраваны радовішчы карысных выкапняў: золата, медзь і каменны вугаль.

Паўднёвая частка — пустэльны, бязводны стэп, які распасціраецца ад вытокаў Сары-Су да ракі Чу. Галоўным горадам вобласці быў Акмолінск (цяпер Астана), на рацэ Ішым, на месцы яго найбольшага збліжэння з Нурай, заснаваны ў 1862 годзе, быў злучаны пікетнай дарогай з гарадам Каркаралінск, фортам Амкаў і Какчатавам і служыў зборным пунктам для караванаў, што ішлі з Ташкента і Бухары. У вобласць уваходзілі таксама гарады Омск і Петрапаўлаўск, якія знаходзіліся ля паўночнай мяжы вобласці.

•   На Вікісховішчы ёсць медыяфайлы па тэме Акмолінская вобласць (Расійская імперыя)