Perl (вымаўляецца «пе́рл») — высокаўзроўневая інтэрпрэтаваная дынамічная мова праграмавання агульнага прызначэння, створаная Лары Уолам, лінгвістам па адукацыі.
Назва мовы ўяўляе сабой абрэвіятуру, якая расшыфроўваецца як Practical Extraction and Report Language — «практычная мова для вымання даных і складання справаздач». Першапачаткова абрэвіятура складалася з пяці сімвалаў і ў такім выглядзе дакладна супадала з англійскім словам pearl («жамчужына»). Але затым стала вядома, што такая мова існуе (гл. PEARL ), і літару «a» прыбралі. Талісманам мовы Perl з'яўляецца вярблюд — не занадта прыгожая, але вельмі цягавітая жывёла, здольная выконваць цяжкую працу.
Perl | |
---|---|
Семантыка | мультыпарадыгменая: імператыўная, аб'ектна-арыентаваная, функцыянальная |
Тып выканання | інтэрпрэтатар |
З’явілася ў | 1987 |
Аўтар(ы) | Лары Уол |
Пашырэнне файлаў | .pl, .pm, .cgi |
Рэліз | 5.36.0 (28 мая 2022) |
Тыпізацыя даных | дынамічная |
Зведала ўплыў | Сі, AWK, Shell, Sed, Лісп |
Паўплывала на | Ruby, Python, PHP |
Ліцэнзія | Artistic License[d] і GNU General Public License, version 1.0 or later[d] |
Сайт | perl.org |
Асноўнай асаблівасцю мовы лічацца яе багатыя магчымасці для працы з тэкстам, у тым ліку праца з рэгулярнымі выразамі, убудаваныя ў сінтаксіс. Perl атрымаў у спадчыну шмат уласцівасцей ад моў Сі, AWK, скрыптавых моў камандных абалонак UNIX.
Perl таксама знакаміты велізарнай калекцыяй дадатковых модуляў CPAN, размешчанай па адрасе http://www.cpan.org.
Прыклад напісання праграмы Hello world:
print "Hello, World!\n";
This article uses material from the Wikipedia Беларуская article Perl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.