Снукер Шанхай Мастэрс 2016
Шанха́й Ма́стэрс 2016 (англ.: Shanghai Masters 2016, таксама вядомы як Bank of Communications Shanghai Masters 2016 — ад назвы спонсара) — прафесійны рэйтынгавы турнір па снукеры, які праходзіў з 19 па 25 верасня 2016 года на Шанхайскай гранд-сцэне, у Шанхаі, Кітай. Турнір стаў дзясятым розыгрышам Шанхай Мастэрс, які быў заснаваны ў 2007 годзе. Bank of Communications у шосты раз запар спансіраваў Шанхай Мастэрс. Прызавы фонд турніру склаў £465,200, з якіх £85,000 атрымаў пераможца.
| Шанхай Мастэрс 2016 | |
 | |
| Сезон | 2016/2017 |
|---|---|
| Тэрміны | 19 — 25 верасня 2016 |
| Арэна | Шанхайская гранд-сцэна |
| Горад | Шанхай |
| Краіна | Кітай |
| Арганізацыя | WPBSA |
| Спонсар | Bank of Communications |
| Фармат | Рэйтынгавы турнір |
| Агульны прызавы фонд | £465,200 (+£5,000) |
| Прызавыя пераможцы | £85,000 |
| Мінулы чэмпіён |  Кайрэн Уілсан |
| Фінал | |
| Пераможца |  Дзін Цзюньхуэй |
| Фіналіст | Марк Сэлбі |
| Лік | 10:6 |
| Статыстыка турніру | |
| Колькасць удзельнікаў | 40 (+96) |
| Колькасць матчаў | 39 (+95) |
| Колькасць фрэймаў | 282 (+696) |
| Колькасць соценных серый | 34 (+28) |
| Найвышэйшая серыя | 147 (Стывен Магуайр) (кваліфікацыя: 136 (Майкл Холт)) |
| ←2015 ● Шанхай Мастэрс ● 2017→ | |
| Снукерны сезон 2016/2017 | |
| ←Чэмпіянат свету з 6-цю чырвонымі шарамі | Еўрапейскі Мастэрс→ |
Турнір уключаў у сябе чатыры кваліфікацыйныя раўнды, якія праходзілі на працягу чатырох дзён з 30 жніўня па 2 верасня 2016 года на арэне Метрадром у Барнслі, Англія, і ў якіх гулялі 112 удзельнікаў (106 прафесійных снукерыстаў і 6 аматараў). 16 пераможцаў апошняга кваліфікацыйнага раўнда трапілі ў асноўную стадыю, дзе да іх далучыліся 16 першых сеяных ігракоў і 8 уладальнікаў уайлдкард, якія гулялі ў папярэднім раўндзе супраць васьмярых ігракоў, якія прайшлі кваліфікацыю. Пасля гэтага, 32 снукерысты гулялі на выбыванне, пачынаючы з 1/16 фіналу. У ўайлдкард раўндзе і першых двух раўндах асноўнай сетцы на Шанхайскай гранд-сцэне выкарыстоўвалася чатыры гульнявыя сталы, у чвэрцьфіналах — два, а ў паўфіналах і фінале — адзін.
З васьмі ўладальнікаў уайлдкард у 1/16 фіналу прайшоў толькі 16-гадовы Юань Сыцзюнь, які разграміў Мартына Гоўлда ў першым матчы з лікам 5:0. Стывен Магуайр з Шатландыі выканаў максімальны брэйк у матчы ўайлдкард-раўнда супраць Сюя Ічэня, за што атрымаў узнагароду ў £2000 за найвышэйшую серыю на турніры і дадатковыя £5000 паводле правілаў пераходнага максімуму на рэйтынгавых турнірах. Гэты максімум стаў трэцім у кар'еры Магуайра, 120-м у гісторыі снукера, другім — у сезоне, чацвёртым — у 2016 годзе і трэцім максімальным брэйкам на Шанхай Мастэрс. Леташні пераможца Кайрэн Уілсан саступіў у першым раўндзе Майклу Холту з лікам 2:5, а леташні фіналіст Джад Трамп прайграў Майклу Уайту ў 1/8 фіналу з лікам 3:5. Лідар сусветнага рэйтынгу Марк Сэлбі, які перамог на Шанхай Мастэрс 2011 года, павялічыў свае рэкорды па колькасці выхадаў у чвэрцьфіналы (у сёмы раз) і па колькасці выхадаў у паўфіналы (у шосты раз) шанхайскага турніру, а ў паўфінальным матчы ён перайграў другога нумара рэйтынгу Сцюарта Бінэма, які ў трэці раз запар дайшоў да паўфіналу гэтага спаборніцтва, з лікам 6:5 і выйшаў у другі фінал Шанхай Мастэрс. Другім фіналістам стаў пераможца Шанхай Мастэрс 2013 года Дзін Цзюньхуэй, які ў чацвёрты раз запар дайшоў да чвэрцьфінальнай стадыі спаборніцтва ў Шанхаі і перамог у паўфінале Стывена Магуайра з лікам 6:3. Такім чынам, фінал стаў паўтарэннем апошняга фінальнага паядынку чэмпіянату свету, дзе Сэлбі перамог Дзіна з лікам 18:14.
Першым двухразовым пераможцам турніру стаў Дзін Цзюньхуэй, які перайграў на сваім шляху да тытула Скота Дональдсана (5:4), Марка Алена (5:2), Майкла Холта ў чвэрцьфінале (5:3), Стывена Магуайра з Шатландыі ў паўфінальным матчы (6:3) і чэмпіёна свету Марка Сэлбі ў фінальным паядынку (10:6). Такім чынам, 29-гадовы кітаец выйграў свой 12-ы рэйтынгавы тытул, другі снукерны турнір запар (пасля перамогі на чэмпіянаце свету па снукеры з шасцю чырвонымі шарамі ў пачатку верасня) і першы рэйтынгавы тытул за два з паловай года (пасля перамогі на адкрытым чэмпіянаце Кітая 2014 года). Апроч таго, гэтая перамога паспрыяла яго ўздыму ў рэйтынгу на 3 пазіцыі — з дзявятай на шостую.
Турнір
Шанхай Мастэрс 2016 года стаў дзясятым розыгрышам Шанхай Мастэрс (англ.: Shanghai Masters), які праходзіць штогод з 2007 года на шанхайскай гранд-сцэне, у Шанхаі, Кітай.
Шанхай Мастэрс 2016 праходзіў пад эгідай сусветнай асацыяцыі прафесійнага більярда і снукера (англ.: World Professional Billiards and Snooker Association) і ўваходзіў у каляндар мэйн-тура, а таксама быў пятым рэйтынгавым турнірам снукернага сезона 2016/2017.
Матчы асноўнай стадыі турніру (39 паядынкаў) гуляліся за чатырма сталамі на Шанхайскай гранд-сцэне ў шанхайскім раёне Сюйхой, а кваліфікацыя спаборніцтва праходзіла менш чым за месяц да гэтага на арэне Метрадром у Барнслі, Англія.
Прызавыя грошы
Bank of Communications у шосты раз запар спансаваў Шанхай Мастэрс. Прызавы фонд турніру не змяніўся ў параўнанні з мінулым годам і склаў £465,200. Першы прыз таксама застаўся на тым жа ўзроўні, што і год таму — £85,000.
Згодна з рэйтынгавай сістэмай, якая прыняла статус афіцыйнай з сезона 2014/2015, прызавыя грошы сталі эквівалентнымі рэйтынгавым ачкам. Такім чынам, рэйтынг снукерыста адлюстроўвае суму прызавых грошай, якія ён зарабіў на рэйтынгавых турнірах за апошнія два гады. Пры гэтым, снукерыст, які прайграваў у першым жа матчы на турніры, увогуле не атрымліваў рэйтынгавых ачкоў.
| Дасягненне | Прызавыя |
|---|---|
| Пераможца | £85000 |
| Фіналіст | £35000 |
| Паўфіналісты | £19500 |
| Чвэрцьфіналісты | £12000 |
| 1/8 фіналу | £8000 |
| 1/16 фіналу | £6000 |
| 1/24 фіналу | £3000 |
| 1/32 фіналу | £2000 |
| 1/48 фіналу | £500 |
| Найвышэйшы брэйк у кваліфікацыі | £200 |
| Найвышэйшы брэйк у асноўнай стадыі | £2000 |
| Агульны прызавы фонд | £465200 |
| Максімальны брэйк | £5000 |
| Максімальны брэйк у кваліфікацыі | £10500 |
Фармат турніру
На Шанхай Мастэрс 2016 прыняло ўдзел 136 гульцоў, з якіх 122 — удзельнікі мэйн-тура і 14 — аматары. 64 удзельнікі — гульцы з нумарамі пасеву з 65 па 107, 15 снукерыстаў, якія не мелі рэйтынгавых ачкоў і адпаведна не мелі нумара пасеву, а таксама 6 аматараў — пачалі турнір з першага кваліфікацыйнага раўнда ў фармаце матча на выбыванне (32 гульні), які праходзіў 30 жніўня 2016 года (менш чым за месяц да асноўнай стадыі). У ім снукерысты з нумарамі пасеву з 65 па 96 гулялі супраць астатніх снукерыстаў. 32 пераможцы матчаў першага раўнда выходзілі ў другі кваліфікацыйны раўнд, у якім гулялі супраць удзельнікаў з нумарамі пасеву з 33 па 64 (32 гульні). Другі круг праходзіў 31 жніўня 2016 года. Усе 32 пераможцы матчаў другога раўнда гулялі паміж сабой у трэцім кваліфікацыйным раўндзе (16 гульняў), які праходзіў 1 верасня 2016 года. Затым 16 пераможцаў матчаў трэцяга раўнда выходзілі ў заключны чацвёрты кваліфікацыйны раўнд, дзе гулялі супраць удзельнікаў з нумарамі пасеву з 17 па 32 (16 гульняў). Чацвёрты круг кваліфікацыі праходзіў 2 верасня 2016 года. Кваліфікацыя Шанхай Мастэрс праходзіла на арэне Метрадром у Барнслі, Англія. Такім чынам, у асноўную стадыю спаборніцтва выйшлі 16 ігракоў, якія далучыліся да 16 снукерыстаў з нумарамі пасеву з 1 па 16 і 8 уладальнікаў уайлдкард. Васьмёра ўладальнікаў уайлдкард гулялі ў папярэднім уайлдкард раўндзе супраць васьмярых выпадковых гульцоў з тых, якія прайшлі кваліфікацыю.
Такім чынам, 8 пераможцаў чацвёртага кваліфікацыйнага раўнда, якія не гулялі ў уайлдкард раўндзе, 8 пераможцаў матчаў уайлдкард раўнда і 16 ігракоў, якія трапілі на чэмпіянат без кваліфікацыі, гулялі ў асноўнай стадыі на выбыванне, пачынаючы з 1/16 фіналу, дзе топ-16 сеяных гульцоў сустракаліся з астатнімі гульцамі. Лёсаванне турніру прадвызначала немагчымасць сустрэчы ігракоў топ-16 раней за 1/8 фіналу, ігракоў топ-8 раней чвэрцьфіналаў, ігракоў з першай чацвёркі сеяных раней паўфіналу і двух першых сеяных раней фіналу Шанхай Мастэрс. Пяць раўндаў асноўнай стадыі (а таксама ўайлдкард раўнд) праходзілі на працягу сямі дзён (гульні ўайлдкард раўнда і 1/16 фіналу расцягнутыя на тры дні) на шанхайскай гранд-сцэне ў Шанхаі, Кітай.
| Стадыя | Тэрміны | КФ | НДП |
|---|---|---|---|
| Першы кваліфікацыйны раўнд | 30 жніўня | 9 | 5 |
| Другі кваліфікацыйны раўнд | 31 жніўня | 9 | 5 |
| Трэці кваліфікацыйны раўнд | 1 верасня | 9 | 5 |
| Чацвёрты кваліфікацыйны раўнд | 2 верасня | 9 | 5 |
| Уайлдкард раўнд | 19–20 верасня | 9 | 5 |
| 1/16 фіналу | 19–21 верасня | 9 | 5 |
| 1/8 фіналу | 22 верасня | 9 | 5 |
| 1/4 фіналу | 23 верасня | 9 | 5 |
| 1/2 фіналу | 24 верасня | 11 | 6 |
| Фінал | 25 верасня | 19 | 10 |
Кваліфікацыя
Пасеў гульцоў на Шанхай Мастэрс 2016 быў утвораны паводле афiцыйнага рэйтынгу на 1 жніўня 2016 года (пасля World Open 2016 года). Першы нумар пасеву атрымаў леташні пераможца турніру Кайрэн Уілсан, які займаў 14-ы радок у рэйтынгу, а другі — чэмпіён свету Марк Сэлбі, які быў лідарам рэйтынгу.
Кваліфікацыйная сетка
Соценныя брэйкі
У 95 матчах кваліфікацыйнай стадыі было выканана 28 соценных брэйкаў. Па два сэнчуры выканалі Майкл Холт, Джэймі Кёртыс-Бэрэт, Сцюарт Кэрынгтан, Чжан Аньда, Джэймі Джонс, Тор Чуан Леонг і Мэй Сівэнь. У чацвёртым кваліфікацыйным раўндзе 28-ы сеяны турніру Майкл Холт у паядынку супраць Марка Кінга зрабіў серыю ў 136 балаў, які стаў найвышэйшым на стадыі кваліфікацыі. Такім чынам, англічанін атрымаў узнагароду ў £200 за вышэйшы брэйк у кваліфікацыі.
Ніжэй прадстаўленыя ўдзельнікі, упарадкаваныя па іх найвышэйшаму брэйку на турніры. Насупраць пералічаны ўсе соценныя серыі кожнага гульца.
| Гулец | 100+ | Усе брэйкі 100+ |
|---|---|---|
| Майкл Холт | 2 | 136, 110 |
| Джэймі Кёртыс-Бэрэт | 2 | 134, 117 |
| Сэм Крэйгі | 1 | 134 |
| Джэк Лісоўскі | 1 | 130 |
| Сцюарт Кэрынгтан | 2 | 128, 118 |
 Хамза Акбар | 1 | 128 |
| Чжан Аньда | 2 | 127, 102 |
 Курт Мэфлін | 1 | 123 |
 Джэймі Джонс | 2 | 119, 102 |
| Мэцью Сэлт | 1 | 118 |
 Тор Чуан Леонг | 2 | 116, 103 |
| Эндру Хігінсан | 1 | 116 |
 Робін Хал | 1 | 115 |
| Дамінік Дэйл | 1 | 114 |
| Мэй Сівэнь | 2 | 108, 100 |
| Ян Прыс | 1 | 104 |
 Рос М’юр | 1 | 104 |
| Стывен Магуайр | 1 | 103 |
| Джэймі Коўп | 1 | 103 |
| Адам Дафі | 1 | 101 |
| Чжаа Сіньтун | 1 | 101 |
| Увогуле | 28 | Найвышэйшы брэйк: 136 (Майкл Холт) |
Удзельнікі
У асноўнай стадыі Шанхай Мастэрс 2016 прынялі ўдзел 16 гульцоў, якія мелі найвышэйшыя нумары пасеву, 16 снукерыстаў, якія перамаглі ў матчах чацвёртага кваліфікацыйнага раўнда, а таксама 8 уладальнікаў уайлдкард.
Пяць снукерыстаў: Ніл Робертсан, Шон Мёрфі, Сцюарт Бінэм, Дзін Цзюньхуэй і Раян Дэй прымалі ўдзел у дзясятым розыгрышы Шанхай Мастэрс запар, не прапусціўшы, такім чынам, ніводнага турніру з самога заснавання ў 2007 годзе.
8 кітайскіх аматараў атрымалі ўайлдкард ад арганізатараў турніру: Юань Сыцзюнь, які выступаў у ўайлдкард-раўндзе гэтага спаборніцтва ў чацвёрты раз запар, Чэнь Цзыфань і Ню Чжуан, якія ў трэці раз запар атрымалі гэты прывілей, Сюй Сы, які прымаў удзел у ўайлдкард-раўндзе Шанхай Мастэрс у 2014 годзе, а таксама навічкі турніру Ху Хаа, Сюй Ічэнь, Гуань Чжэнь і Ма Бін.
У 2016 годзе на шанхайскую гранд-сцэну патрапіла 9 дэбютантаў: Энтані Мак-Гіл (18), Бэн Вуластан (29), Курт Мэфлін (46), Сцюарт Кэрынгтан (59), Скот Дональдсан, Ху Хаа, Сюй Ічэнь, Гуань Чжэнь і Ма Бін.
Да гэтага ніводны гулец не здолеў выйграць тытул Шанхай Мастэрс два разы. Восем удзельнікаў розыгрышу 2016 года станавіліся пераможцамі спаборніцтва: Рыкі Уолдэн (2008), Роні О’Саліван (2009), Алістэр Картэр (2010), Марк Сэлбі (2011), Джон Хігінс (2012), Дзін Цзюньхуэй (2013), Сцюарт Бінэм (2014) і Кайрэн Уілсан (2015).
Самым узроставым удзельнікам асноўнай стадыі Шанхай Мастэрс 2016 года стаў 42-гадовы Джо Пэры. Марку Уільямсу і Джону Хігінсу падчас турніру было па 41 году, а Роні О’Салівану, Роберту Мілкінсу і Сцюарту Бінэму — па 40.
Ніжэй прадстаўлена табліца, якая дэманструе статыстыку выступленняў удзельнікаў спаборніцтва на ўсіх папярэдніх турнірах Шанхай Мастэрс.
| Леташні пераможца |
| Чэмпіён свету |
| Дэбютант турніру |
| П | Р | Гулец | ДН | Дэбют | Найлепшы вынік | АС | М | В | П | %М | Ф | ВФ | ПФ | %Ф | 50+ | 100+ | НБ | Ф/50+ | Ф/100+ | ПГ (£) |
|---|---|---|---|---|---|---|---|---|---|---|---|---|---|---|---|---|---|---|---|---|
| 1 | 14 | Кайрэн Уілсан | 23.12.1991 | 2013 | Перамога (2015) | 2 | 9 | 8 | 1 | 88.89% | 74 | 47 | 27 | 63.51% | 23 | 2 | 133 | 3.22 | 37 | 96000 |
| 2 | 1 | Марк Сэлбі | 19.06.1983 | 2007 | Перамога (2011) | 8 | 26 | 19 | 7 | 73.08% | 204 | 123 | 81 | 60.29% | 60 | 12 | 131 | 3.4 | 17 | 144640 |
| 3 | 2 | Сцюарт Бінэм | 21.05.1976 | 2007 | Перамога (2014) | 9 | 24 | 16 | 8 | 66.67% | 181 | 101 | 80 | 55.8% | 53 | 11 | 142 | 3.42 | 16.45 | 150295 |
| 4 | 3 | Шон Мёрфі | 10.08.1982 | 2007 | Паўфінал (2009, 2012) | 9 | 21 | 12 | 9 | 57.14% | 166 | 87 | 79 | 52.41% | 56 | 13 | 143 | 2.96 | 12.77 | 77625 |
| 5 | 4 | Джад Трамп | 20.08.1989 | 2008 | Фінал (2012, 2015) | 7 | 16 | 9 | 7 | 56.25% | 143 | 73 | 70 | 51.05% | 56 | 12 | 135 | 2.55 | 11.92 | 91825 |
| 6 | 5 | Джон Хігінс | 18.05.1975 | 2007 | Перамога (2012) | 8 | 21 | 14 | 7 | 66.67% | 162 | 93 | 69 | 57.41% | 53 | 8 | 147 | 3.06 | 20.25 | 131775 |
| 7 | 6 | .svg) Марк Ален | 22.02.1986 | 2009 | Фінал (2014) | 7 | 16 | 9 | 7 | 56.25% | 124 | 61 | 63 | 49.19% | 36 | 3 | 115 | 3.44 | 41.33 | 86415 |
| 8 | 7 |  Ніл Робертсан | 11.02.1982 | 2007 | Паўфінал (2011) | 9 | 16 | 7 | 9 | 43.75% | 121 | 62 | 59 | 51.24% | 35 | 2 | 122 | 3.46 | 60.5 | 60890 |
| 9 | 8 | Рыкі Уолдэн | 11.11.1982 | 2008 | Перамога (2008) | 6 | 14 | 9 | 5 | 64.29% | 117 | 64 | 53 | 54.7% | 36 | 6 | 139 | 3.25 | 19.5 | 87050 |
| 10 | 9 | Дзін Цзюньхуэй | 01.04.1987 | 2007 | Перамога (2013) | 9 | 22 | 14 | 8 | 63.64% | 177 | 99 | 78 | 55.93% | 63 | 9 | 132 | 2.81 | 19.67 | 142675 |
| 11 | 11 | Роні О’Саліван | 05.12.1975 | 2007 | Перамога (2009) | 4 | 13 | 10 | 3 | 76.92% | 116 | 71 | 45 | 61.21% | 55 | 11 | 145 | 2.11 | 10.55 | 93000 |
| 12 | 10 | Джо Пэры | 13.08.1974 | 2008 | Чвэрцьфінал (2012) | 6 | 9 | 3 | 6 | 33.33% | 68 | 35 | 33 | 51.47% | 21 | 4 | 131 | 3.24 | 17 | 42865 |
| 13 | 12 | Марк Уільямс | 21.03.1975 | 2007 | Фінал (2011) | 8 | 23 | 15 | 8 | 65.22% | 180 | 101 | 79 | 56.11% | 50 | 9 | 132 | 3.6 | 20 | 93070 |
| 14 | 13 |  Марка Фу | 08.01.1978 | 2007 | Чвэрцьфінал (2008) | 8 | 12 | 4 | 8 | 33.33% | 95 | 47 | 48 | 49.47% | 32 | 3 | 124 | 2.97 | 31.67 | 46645 |
| 15 | 16 | Бары Хокінс | 23.04.1979 | 2008 | Паўфінал (2013) | 6 | 9 | 3 | 6 | 33.33% | 69 | 32 | 37 | 46.38% | 14 | 3 | 144 | 4.93 | 23 | 48845 |
| 16 | 15 | Алістэр Картэр | 25.07.1979 | 2007 | Перамога (2010) | 7 | 14 | 8 | 6 | 57.14% | 114 | 58 | 56 | 50.88% | 27 | 3 | 129 | 4.22 | 38 | 94570 |
| 17 | 17 | Мартын Гоўлд | 14.09.1981 | 2010 | Чвэрцьфінал (2015) | 6 | 14 | 8 | 6 | 57.14% | 113 | 60 | 53 | 53.1% | 28 | 5 | 127 | 4.04 | 22.6 | 48475 |
| 18 | 18 | Энтані Мак-Гіл | 05.02.1991 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 8800 |
| 19 | 20 | Стывен Магуайр | 13.03.1981 | 2007 | Паўфінал (2008) | 8 | 15 | 7 | 8 | 46.67% | 114 | 55 | 59 | 48.25% | 35 | 5 | 124 | 3.26 | 22.8 | 54200 |
| 20 | 19 | Лян Вэньбо | 05.03.1987 | 2008 | Фінал (2009) | 6 | 10 | 4 | 6 | 40% | 76 | 32 | 44 | 42.11% | 15 | 2 | 118 | 5.07 | 38 | 56175 |
| 21 | 21 | Майкл Уайт | 05.07.1991 | 2014 | Чвэрцьфінал (2014) | 2 | 5 | 3 | 2 | 60% | 37 | 20 | 17 | 54.05% | 17 | 2 | 128 | 2.18 | 18.5 | 26900 |
| 22 | 22 | Дэвід Гілберт | 12.06.1981 | 2013 | 1/16 фіналу (2013) | 1 | 2 | 1 | 1 | 50% | 16 | 7 | 9 | 43.75% | 3 | 0 | 76 | 5.33 | — | 15475 |
| 23 | 23 | Мэцью Сэлт | 07.03.1985 | 2009 | 1/8 фіналу (2015) | 3 | 4 | 1 | 3 | 25% | 29 | 14 | 15 | 48.28% | 8 | 2 | 128 | 3.63 | 14.5 | 23090 |
| 26 | 24 | Раян Дэй | 23.03.1980 | 2007 | Фінал (2007) | 9 | 24 | 15 | 9 | 62.5% | 180 | 100 | 80 | 55.56% | 73 | 10 | 135 | 2.47 | 18 | 75750 |
| 27 | 27 | Роберт Мілкінс | 06.03.1976 | 2010 | 1/8 фіналу (2011, 2013) | 6 | 11 | 5 | 6 | 45.45% | 77 | 38 | 39 | 49.35% | 17 | 1 | 109 | 4.53 | 77 | 39225 |
| 28 | 28 | Майкл Холт | 07.08.1978 | 2007 | Паўфінал (2013) | 6 | 14 | 8 | 6 | 57.14% | 101 | 54 | 47 | 53.47% | 26 | 5 | 115 | 3.88 | 20.2 | 55440 |
| 29 | 29 | Бэн Вуластан | 14.05.1987 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 8550 |
| 37 | 39 | Джэймі Джонс | 14.02.1988 | 2012 | 1/16 фіналу (2012) | 2 | 3 | 1 | 2 | 33.33% | 20 | 8 | 12 | 40% | 1 | 0 | 68 | 20 | — | 17200 |
| 46 | 44 | Курт Мэфлін | 08.08.1983 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 6050 |
| 59 | 61 | Сцюарт Кэрынгтан | 14.05.1990 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 3000 |
| 112 | Мэй Сівэнь | 08.10.1982 | 2010 | 1/16 фіналу (2010) | 1 | 2 | 1 | 1 | 50% | 13 | 7 | 6 | 53.85% | 3 | 1 | 100 | 4.33 | 13 | 0 | |
| 113 | Скот Дональдсан | 19.03.1994 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 2650 | |
| УК | А | Сюй Сы | 2014 | Уайлдкард раўнд (2014) | 1 | 1 | 0 | 1 | 0% | 5 | 0 | 5 | 0% | 0 | 0 | <50 | — | — | 0 | |
| УК | А | Ху Хаа | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 0 | |
| УК | А | Чэнь Цзыфань | 2014 | Уайлдкард раўнд (2014, 2015) | 2 | 2 | 0 | 2 | 0% | 13 | 3 | 10 | 23.08% | 2 | 1 | 106 | 6.5 | 13 | 0 | |
| УК | А | Сюй Ічэнь | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 0 | |
| УК | А | Гуань Чжэнь | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 0 | |
| УК | А | Ма Бін | 23.10.1983 | 2016 | — | 0 | 0 | 0 | 0 | — | 0 | 0 | 0 | — | — | — | — | — | — | 0 |
| УК | А | Ню Чжуан | 2014 | Уайлдкард раўнд (2014, 2015) | 2 | 2 | 0 | 2 | 0% | 11 | 1 | 10 | 9.09% | 1 | 0 | 68 | 11 | — | 0 | |
| УК | А | Юань Сыцзюнь | 29.05.2000 | 2013 | Уайлдкард раўнд (2013, 2014, 2015) | 3 | 3 | 0 | 3 | 0% | 19 | 4 | 15 | 21.05% | 2 | 0 | 61 | 9.5 | — | 0 |
Рэферы
_2013-02-02_01.jpg)
Матчы асноўнай стадыі Шанхай Мастэрс 2016 абслугоўвалі 13 рэферы, з якіх 10 былі з Кітая.
| Рэферы | Матчы, якія абслугоўваў |
|---|---|
| Чжэн Вэйлі | Фінал, 1 матч 1/8 фіналу і 2 матчы 1/16 фіналу |
| Брэндан Мур | Паўфінал, чвэрцьфінал, 1 матч 1/8 фіналу і 3 матчы 1/16 фіналу |
| Люй Сілінь | Паўфінал, 1 матч 1/8 фіналу, 1 матч 1/16 фіналу і 1 матч уайлдкард раўнда |
 Ян Верхаас | Чвэрцьфінал, 1 матч 1/8 фіналу і 2 матчы 1/16 фіналу |
| Чжу Ін | Чвэрцьфінал, 1 матч 1/8 фіналу і 2 матчы 1/16 фіналу |
| Пэгі Лі | Чвэрцьфінал, 1 матч 1/16 фіналу і 1 матч уайлдкард раўнда |
| Чжан Сінь | 1 матч 1/8 фіналу, 1 матч 1/16 фіналу і 1 матч уайлдкард раўнда |
| Тан Сюй | 1 матч 1/8 фіналу, 1 матч 1/16 фіналу і 1 матч уайлдкард раўнда |
| Шы Цзялун | 1 матч 1/8 фіналу, 1 матч 1/16 фіналу і 1 матч уайлдкард раўнда |
| Інь Юньсун | 1 матч 1/16 фіналу і 1 матч уайлдкард раўнда |
| Ван Вэй | 1 матч 1/16 фіналу |
| Цянь Мінхуэй | 1 матч уайлдкард раўнда |
| Лі Шысэнь | 1 матч уайлдкард раўнда |
Ход турніру
Першы дзень (19 верасня)
_2015-02-04_08.jpg)
Выбылі: Чэнь Цзыфань, Сюй Сы, Марка Фу (14), Рыкі Уолдэн (9), Мартын Гоўлд (17), Ху Хаа, Мэцью Сэлт (23), Скот Дональдсан.
19 верасня на Шанхайскай гранд-сцэне пачаліся паядынкі асноўнай стадыі Шанхай Мастэрс 2016, якія гуляліся на працягу дзвюх сесій за чатырма сталамі адначасова. Першы дзень уключаў у сябе 4 матчы ўайлдкард раўнда і 4 матчы 1/16 фіналу. Дэбютант турніру Энтані Мак-Гіл, які здабыў свой першы рэйтынгавы тытул на адкрытым чэмпіянаце Індыі ў пачатку сезона, з лікам 5:0 і брэйкам у 133 балы ў пятым фрэйме разграміў кітайскага аматара Чэня Цзыфаня, які ўжо ў трэці раз запар сустрэў няўдачу ў папярэднім раўндзе шанхайскага спаборніцтва. Майкл Холт, які дайшоў да паўфінальнай стадыі Шанхай Мастэрс 2013 года, перамог іншага аматара Сюя Сы з лікам 5:1, саступіўшы ў першай партыі і ўзяўшы наступныя пяць з брэйкамі ў 63 і 107 ачкоў. У 1/16 фіналу Марка Фу з Ганконга, які восем разоў выступаў на Шанхай Мастэрс, але толькі аднойчы дайшоў да чвэрцьфіналу, гуляў супраць Дэвіда Гілберта, які ў другі раз пасля 2013 года патрапіў у асноўную стадыю шанхайскага рэйтынгавага спаборніцтва. 14-ы сеяны азіят, які дайшоў да паўфіналу чэмпіянату свету ў канцы папярэдняга сезона, упэўнена пачаў паядынак, выйграўшы першыя тры фрэймы з брэйкамі ў 119 і 79 балаў. Гілберт адказаў дзвюма соценнымі серыямі ў 117 і 115 ачкоў, пасля чаго Марка Фу выйграў шостую партыю падыходам у 70 балаў і зрабіў лік 4:2, але англічанін здзейсніў камбэк, узяўшы тры апошнія фрэймы з брэйкам у 50 балаў у вырашальнай партыі і ўпершыню выйшаў у 1/8 фіналу Шанхай Мастэрс. У другім матчы 1/16 фіналу пераможца шанхайскага турніру 2008 года Рыкі Уолдэн сустракаўся з 25-гадовым Майклам Уайтам з Уэльса, які дайшоў да чвэрцьфінальнай стадыі ў 2014 годзе. Уайт, які займаў 21-е месца ў рэйтынгу, адкрыў лік, пасля чаго яго апанент выйграў другі фрэйм з брэйкам у 63 балы, а валійскі снукерыст пакінуў за сабой дзве наступныя партыі, зрабіўшы сэнчуры ў 113 ачкоў у чацвёртай партыі. 9-ы сеяны Рыкі Уолдэн выйграў два наступныя фрэймы з серыямі ў 53 і 62 балы, зрабіўшы лік 3:3, пасля чаго снукерысты абмяняліся буйнымі брэйкамі — 101 ачко ў Уайта і 98 ачкоў у Уолдэна. У вырашальнай партыі дамінаваў валіец, пасля чаго Уолдэн павінен быў шукаць памылку апанента ў пазіцыйнай гульне. Уайт двойчы памыліўся і пакінуў снукерысту з Англіі свабодны шар, але Рыкі Уолдэн не здолеў скарыстацца сваёй магчымасцю, два разы не забіўшы прамыя шары ў кутнія лузы, і дазволіў праціўніку перамагчы і ў другі раз выйсці ў наступны раўнд.
_2015-02-04_06.jpg)
Падчас вячэрняй сесіі першага гульнявога дня былі згуляны яшчэ два матчы ўайлдкард раўнда і два матчы 1/16 фіналу. 17-ы нумар рэйтынгу Мартын Гоўлд, які дайшоў да чвэрцьфіналу Шанхай Мастэрс у 2015 годзе, быў пераможаны 16-гадовым аматарам Юанем Сыцзюнем з лікам 5:0. Юань зрабіў брэйкі ў 111, 65 і 48 балаў, у другі раз выйшаўшы ў 1/16 фіналу рэйтынгавага турніру на чэмпіёна свету Марка Сэлбі. У канцы сакавіка Гоўлд таксама гуляў супраць тады яшчэ 15-гадовага кітайца ў 1/32 фіналу адкрытага чэмпіянату Кітая і таксама саступіў з лікам 0:5. У яшчэ адным матчы ўайлдкард-раўнда гулялі два кітайскія гульцы: Лян Вэньбо, які дайшоў да фіналу Шанхай Мастэрс 2009 года і займаў 19-ы нумар у рэйтынгу, і дэбютант турніру Ху Хаа, які ў трэці раз атрымаў уайлдкард для ўдзелу ў рэйтынгавым спаборніцтве, але да гэтага не выйграваў у рэйтынгавых матчах. 29-гадовы Лян узяў першы фрэйм з брэйкам у 80 ачкоў, а яго апанент пакінуў за сабой дзве наступныя партыі з серыяй у 63 балы. Лян Вэньбо выйграў яшчэ тры фрэймы з брэйкам у 76 ачкоў, зрабіўшы лік 4:2 на сваю карысць, пасля чаго Ху Хаа здабыў перамогу ў сёмай партыі з пераможнай серыяй у 68 ачкоў, але больш дасведчаны прафесіянал пакінуў за сабой восьмы фрэйм і з лікам 5:3 выйшаў у 1/16 фіналу на пяціразовага чэмпіёна свету Роні О’Салівана. Пераможца шанхайскага спаборніцтва 2012 года Джон Хігінс з Шатландыі ў матчы 1/16 фіналу гуляў супраць Мэцью Сэлта, які ўпершыню прайшоў у 1/8 фіналу турніру ў 2015 годзе. 23-ці сеяны Сэлт дамінаваў у першай частцы матча, выйшаўшы наперад з лікам 3:1 і брэйкамі ў 55 і 73 балы, пасля чаго 41-гадовы шатландзец выйграў наступны фрэйм з сэнчуры-брэйкам у 100 балаў, скараціўшы адставанне да аднаго ачка. У шостым фрэйме 31-гадовы англічанін зрабіў серыю ў 60 балаў, але чатырохразовы чэмпіён свету выдрапаў ачко, дзякуючы клірэнсу ў 39 ачкоў, пасля чаго пакінуў за сабой яшчэ дзве партыі і з лікам 5:3 выйшаў у 1/8 фіналу Шанхай Мастэрс у восьмы раз. Фіналіст чэмпіянату свету Дзін Цзюньхуэй гуляў супраць 22-гадовага Скота Дональдсана, які займаў 114-е месца ў сусветным рэйтынгу. Дональдсан, які двойчы гуляў у 1/8 фіналу рэйтынгавых турніраў, дамінаваў у пачатку матча, выйшаўшы наперад з лікам 3:1, дзякуючы брэйкам у 56 і 42 ачкі, але пераможца шанхайскага турніру 2013 года зраўняў лік з серыяй у 60 балаў, пасля чаго снукерысты абмяняліся фрэймамі, перавёўшы паядынак у вырашальную партыю. У дзявятым фрэйме шатландзец павёў брэйк пры ліку 16:41 і меў магчымасць зачысціць стол, але памыліўся на простым чорным шары пры двух чырвоных на стале і дазволіў 29-гадоваму кітайцу перамагчы ў матчы і выйсці ў 1/8 фіналу спаборніцтва ў чацвёрты раз запар.
| 19 верасня 2016 14:30 GMT -8 | Уайлдкард-раўнд | Энтані Мак-Гіл (18) | 5:0 | Чэнь Цзыфань | Шанхайская гранд-сцэна, Шанхай, Кітай | Рэферы: Шы Цзялун | Справаздача |
| Лік па фрэймах: 65:52, 69:22, 71:7, 62:1, 133:0 (133) | |||||||
| 1 1 (133) 400 80 | Брэйкі 100+ Брэйкі 50+ Сума ачкоў СА/Ф | — — 82 16.4 | |||||
| 19 верасня 2016 14:30 GMT -8 | Уайлдкард-раўнд | Майкл Холт (28) | 5:1 | Сюй Сы | Шанхайская гранд-сцэна, Шанхай, Кітай | Рэферы: Пэгі Лі | Справаздача |
| Лік па фрэймах: 49:64, 99:20, 68:32 (63), 128:0 (107), 63:60 (59 Сюй), 54:21 | |||||||
| 1 2 (63, 107) 461 76.83 | Брэйкі 100+ Брэйкі 50+ Сума ачкоў СА/Ф | — 1 (59) 197 32.83 | |||||
| 19 верасня 2016 14:30 GMT -8 | 1/16 фіналу | Марка Фу (14) | 4:5 | Дэвід Гілберт (22) | Шанхайская гранд-сцэна, Шанхай, Кітай | Рэферы: Чжу Ін | Справаздача |
| Лік па фрэймах: 99:0, 119:7 (119), 79:11 (79), 0:117 (117), 0:115 (115), 78:29 (70), 56:70, 35:96, 0:97 (50) | |||||||
| 1 3 (119, 79, 70) 466 51.78 | Брэйкі 100+ Брэйкі 50+ Сума ачкоў СА/Ф | 2 3 (117, 115, 50) 542 60.22 | |||||
| 19 верасня 2016 14:30 GMT -8 | 1/16 фіналу | Рыкі Уолдэн (9) | 4:5 | Майкл Уайт (21) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Лік па фрэймах: 45:75, 93:1 (63), 33:82, 0:113 (113), 80:32 (53), 68:1 (62), 0:101 (101), 102:4 (98), 35:75 | |||||||
| — 4 (63, 53, 62, 98) 456 50.67 | Брэйкі 100+ Брэйкі 50+ Сума ачкоў СА/Ф | 2 2 (113, 101) 484 53.78 | |||||
| 19 верасня 2016 19:30 GMT -8 | Уайлдкард-раўнд | Мартын Гоўлд (17) | 0:5 | Юань Сыцзюнь | Шанхайская гранд-сцэна, Шанхай, Кітай | Рэферы: Люй Сілінь | Справаздача |
| Лік па фрэймах: 0:111 (111), 20:76 (65), 11:74, 44:53, 24:73 | |||||||
| — — 99 19.8 | Брэйкі 100+ Брэйкі 50+ Сума ачкоў СА/Ф | 1 2 (111, 65) 387 77.4 | |||||
| 19 верасня 2016 19:30 GMT -8 | Уайлдкард-раўнд | Лян Вэньбо (20) | 5:3 | Ху Хаа | Шанхайская гранд-сцэна, Шанхай, Кітай | Рэферы: Чжан Сінь | Справаздача |
| Лік па фрэймах: 116:0 (80), 47:58, 16:66 (63), 76:4 (76), 70:61, 82:22, 31:90 (68), 64:21 | |||||||
| — 2 (80, 76) 502 62.75 | Брэйкі 100+ Брэйкі 50+ Сума ачкоў СА/Ф | — 2 (63, 68) 322 40.25 | |||||
| 19 верасня 2016 19:30 GMT -8 | 1/16 фіналу | Джон Хігінс (6) | 5:3 | Мэцью Сэлт (23) | Шанхайская гранд-сцэна, Шанхай, Кітай | Рэферы: Чжэн Вэйлі | Справаздача |
| Лік па фрэймах: 42:73 (55), 0:73 (73), 57:51, 54:77, 133:0 (100), 69:60 (60 Сэлт), 69:34, 70:32 | |||||||
| 1 1 (100) 494 61.75 | Брэйкі 100+ Брэйкі 50+ Сума ачкоў СА/Ф | — 3 (55, 73, 60) 400 50 | |||||
| 19 верасня 2016 19:30 GMT -8 | 1/16 фіналу | Дзін Цзюньхуэй (10) | 5:4 | Скот Дональдсан | Шанхайская гранд-сцэна, Шанхай, Кітай | Рэферы: Ян Верхаас | Справаздача |
| Лік па фрэймах: 10:61, 74:31 (73), 17:79 (56), 18:63, 67:17 (60), 58:28, 47:65, 74:23, 72:45 | |||||||
| — 2 (73, 60) 437 48.56 | Брэйкі 100+ Брэйкі 50+ Сума ачкоў СА/Ф | — 1 (56) 412 45.78 | |||||
Другі дзень (20 верасня)
_2015-02-04_02.jpg)
Выбылі: Ма Бін, Гуань Чжэнь, Энтані Мак-Гіл (18), Кайрэн Уілсан (1), Сюй Ічэнь, Ню Чжуан, Юань Сыцзюнь, Лян Вэньбо (20).
20 верасня на Шанхай Мастэрс 2016 гуляліся яшчэ чатыры матчы ўайлдкард-раўнда і чатыры матчы 1/16 фіналу. У папярэднім раўндзе фіналіст першага розыгрышу шанхайскага турніру 2007 года Раян Дэй з Уэльса ўпэўнена перамог аматара Ма Біна з лікам 5:1 і брэйкамі ў 72, 107, 108 і 87 балаў. 46-ы сеяны дэбютант Курт Мэфлін таксама ўпэўнена перайграў іншага кітайскага аматара Гуаня Чжэня з лікам 5:1. На шляху да перамогі прадстаўнік Нарвегіі зрабіў брэйкі ў 53, 60 і 96 ачкоў. Фіналіст Шанхай Мастэрс 2014 года Марк Ален з Паўночнай Ірландыі гуляў у 1/16 фіналу супраць шатландца Энтані Мак-Гіла, які займаў 18-е месца ў рэйтынгу. Мак-Гіл пачаў матч з атакі ў 34 ачкі, але 7-ы сеяны спаборніцтва выдрапаў фрэйм на апошнім чорным, пасля чаго шатландскі снукерыст зрабіў брэйк у 52 балы ў другой партыі, але таксама саступіў яе Алену, які выканаў серыю ў 53 ачкі і выйшаў наперад з лікам 2:0. Пасля гэтага 30-гадовы снукерыст з Паўночнай Ірландыі дамінаваў у матчы, выйграўшы яшчэ тры фрэймы з серыяй у 55 балаў і здабыўшы ўпэўненую перамогу з лікам 5:0 і месца ў 1/8 фіналу ў пяты раз у кар'еры. Дзеючы пераможца Кайрэн Уілсан сустракаўся з Майклам Холтам, які быў пасеяны пад 28-м нумарам. 38-гадовы Холт адкрыў лік у паядынку і зрабіў яго 2:0 на сваю карысць з брэйкам у 69 балаў, пасля чаго ішоў наперадзе ў трэцяй партыі, калі Уілсан дапусціў 10 памылак пры выхадзе з снукера, але першы сеяны спаборніцтва, які займаў 14-ы нумар у сусветным рэйтынгу, пакінуў за сабой фрэйм і скараціў адставанне. Майкл Холт, які дайшоў да паўфіналу Шанхай Мастэрс у 2013 годзе, выйграў яшчэ два фрэймы, пасля чаго Кайрэн выканаў сэнчуры-брэйк у 101 бал, паспрабаваўшы вярнуцца ў гульню, але яго апанент таксама адказаў серыяй у 101 ачко і зрабіў лік 5:2, у чацвёрты раз запар выйшаўшы ў 1/8 фіналу шанхайскага рэйтынгавага спаборніцтва.
_2015-02-06_08.jpg)
У вячэрняй сесіі другога гульнявога дня на арэне былі згуляны яшчэ два матчы 1/16 фіналу і два матчы ўайлдкард-раўнда. 20-ы нумар рэйтынгу Стывен Магуайр упэўнена перайграў кітайца Сюя Ічэня, які перамог на аматарскім Мастэрс да спаборніцтва і ўпершыню гуляў на рэйтынгавым турніры, з лікам 5:0. У трэцім фрэйме паядынку шатландзец выканаў максімальны брэйк, які стаў 120-м афіцыйным максімумам у гісторыі снукера, другім — у сезоне, чацвёртым — у 2016 годзе, трэцім максімальным брэйкам на Шанхай Мастэрс, трэцяй серыяй у 147 ачкоў у кар'еры Магуайра, у тым ліку другой на тэрыторыі Кітая пасля максімума на адкрытым чэмпіянаце Кітая 2008 года. Апроч брэйка, які прынёс 35-гадоваму Стывену Магуайру £7000, ён выканаў серыі ў 130, 50 і 104 балаў. Дэбютант спаборніцтва Сцюарт Кэрынгтан, які займаў 61-е месца ў сусветным рэйтынгу, таксама разграміў Ню Чжуана, які ў трэці раз атрымаў уайлдкард ад арганізатараў Шанхай Мастэрс, з лікам 5:1. У першай партыі 26-гадовы англічанін зрабіў брэйк у 141 бал, пасля чаго таксама выканаў серыі ў 76, 135 і 76 ачкоў і прайшоў у 1/16 фіналу. Чэмпіён свету і лідар рэйтынгу Марк Сэлбі гуляў супраць Юаня Сыцзюня, які прайшоў праз уайлдкард-раўнд, у 1/16 фіналу. Пераможца шанхайскага турніру 2011 года зрабіў лік 3:0 з брэйкам у 76 ачкоў, пасля чаго малады кітаец выканаў сэнчуры ў 100 балаў і размачыў лік, аднак 33-гадовы снукерст з Англіі выйграў яшчэ дзве партыі з серыяй у 52 балы ў апошнім фрэйме і з лікам 5:1 прайшоў у другі раўнд у сёмы раз у кар'еры. 11-ы сеяны спаборнітцва Роні О’Саліван сустракаўся з Лянам Вэньбо з Кітая, з якім гуляў у фінальным паядынку Шанхай мастэрс 2009 года, калі здабыў перамогу з лікам 10:5. 29-гадовы азіят, які пасля фіналу 2009 года не праходзіў далей за 1/16 фіналу шанхайскага турніру, адкрыў лік, узяўшы доўгую першую партыю, пасля чаго пяціразовы чэмпіён свету зрабіў брэйк у 84 балы ў другім фрэйме, але англічанін дапускаў шмат памылак, што дазволіла 20-му сеянаму Ляну Вэньбо выйсці наперад з лікам 4:1. 40-гадовы О'Саліван пакінуў за сабой шостую партыю з брэйкам у 65 ачкоў, пасля чаго пачаў дамінаваць у матчы, а кітайскі снукерыст страціў некалькі шанцаў скончыць паядынак пераможнай серыяй. З брэйкамі ў 42 і 56 балаў англічанін выйграў яшчэ тры фрэймы і з лікам 5:4 выйшаў у 1/8 фіналу спаборніцтва ўпершыню з 2011 года на Майкла Холта.
| 20 верасня 2016 14:30 GMT -8 | Уайлдкард-раўнд | Раян Дэй (26) | 5:1 | Ма Бін | Шанхайская гранд-сцэна, Шанхай, Кітай | Рэферы: Інь Юньсун | Справаздача |
| Лік па фрэймах: 118:6 (72), 6:65, 107:0 (107), 108:10 (108), 68:36, 87:1 (87) | |||||||
| 2 4 (72, 107, 108, 87) 494 82.33 | Брэйкі 100+ Брэйкі 50+ Сума ачкоў СА/Ф | — — 118 19.67 | |||||
| 20 верасня 2016 14:30 GMT -8 | Уайлдкард-раўнд | Курт Мэфлін (46) | 5:1 | Гуань Чжэнь | Шанхайская гранд-сцэна, Шанхай, Кітай | Рэферы: Лі Шысэнь | Справаздача |
| Лік па фрэймах: 86:42, 76:54, 101:0 (53), 50:53, 84:0 (60), 96:0 (96) | |||||||
| — 3 (53, 60, 96) 493 82.17 | Брэйкі 100+ Брэйкі 50+ Сума ачкоў СА/Ф | — — 149 24.83 | |||||
| 20 верасня 2016 14:30 GMT -8 | 1/16 фіналу | Марк Ален (7) | 5:0 | Энтані Мак-Гіл (18) | Шанхайская гранд-сцэна, Шанхай, Кітай | Рэферы: Пэгі Лі | Справаздача |
| Лік па фрэймах: 55:46, 70:52 (52 Мак-Гіл, 53), 87:8, 68:39 (55), 65:22 | |||||||
| — 2 (53, 55) 345 69 | Брэйкі 100+ Брэйкі 50+ Сума ачкоў СА/Ф | — 1 (52) 167 33.4 | |||||
| 20 верасня 2016 14:30 GMT -8 | 1/16 фіналу | Кайрэн Уілсан (1) | 2:5 | Майкл Холт (28) | Шанхайская гранд-сцэна, Шанхай, Кітай | Рэферы: Чжэн Вэйлі | Справаздача |
| Лік па фрэймах: 47:73, 0:80 (69), 71:52, 21:57, 43:67, 101:9 (101), 1:101 (101) | |||||||
| 1 1 (101) 284 40.57 | Брэйкі 100+ Брэйкі 50+ Сума ачкоў СА/Ф | 1 2 (69, 101) 439 62.71 | |||||
| 20 верасня 2016 19:30 GMT -8 | Уайлдкард-раўнд | Стывен Магуайр (19) | 5:0 | Сюй Ічэнь | Шанхайская гранд-сцэна, Шанхай, Кітай | Рэферы: Тан Сюй | Справаздача |
| Лік па фрэймах: 130:1 (130), 66:26, 147:0 (147), 71:58 (50 Магуайр), 128:7 (104) | |||||||
| 3 4 (130, 147, 50, 104) 542 108.4 | Брэйкі 100+ Брэйкі 50+ Сума ачкоў СА/Ф | — — 92 18.4 | |||||
| 20 верасня 2016 19:30 GMT -8 | Уайлдкард-раўнд | Сцюарт Кэрынгтан (59) | 5:1 | Ню Чжуан | Шанхайская гранд-сцэна, Шанхай, Кітай | Рэферы: Цянь Мінхуэй | Справаздача |
| Лік па фрэймах: 141:0 (141), 64:35, 101:0 (76), 39:74, 135:0 (135), 76:4 (76) | |||||||
| 2 4 (141, 76, 135, 76) 556 92.67 | Брэйкі 100+ Брэйкі 50+ Сума ачкоў СА/Ф | — — 113 18.83 | |||||
| 20 верасня 2016 19:30 GMT -8 | 1/16 фіналу | Марк Сэлбі (2) | 5:1 | Юань Сыцзюнь | Шанхайская гранд-сцэна, Шанхай, Кітай | Рэферы: Ван Вэй | Справаздача |
| Лік па фрэймах: 68:32, 76:0 (76), 80:15, 0:100 (100), 70:44, 93:1 (52) | |||||||
| — 2 (76, 52) 387 64.5 | Брэйкі 100+ Брэйкі 50+ Сума ачкоў СА/Ф | 1 1 (100) 192 32 | |||||
| 20 верасня 2016 19:30 GMT -8 | 1/16 фіналу | Роні О'Саліван (11) | 5:4 | Лян Вэньбо (20) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Лік па фрэймах: 38:54, 84:0 (84), 0:93, 12:67, 26:58, 73:0 (65), 71:1, 86:33, 71:7 (56) | |||||||
| — 3 (84, 65, 56) 461 51.22 | Брэйкі 100+ Брэйкі 50+ Сума ачкоў СА/Ф | — — 313 34.78 | |||||
Трэці дзень (21 верасня)
Выбылі: Джэймі Джонс (37), Роберт Мілкінс (27), Курт Мэфлін (46), Ніл Робертсан (8), Шон Мёрфі (4), Бэн Вуластан (29), Марк Уільямс (13), Джо Пэры (12).
21 верасня на Шанхайскай гранд-сцэне гуляліся 8 астатніх матчаў 1/16 фіналу спаборніцтва. Другі нумар сусветнага рэйтынгу Сцюарт Бінэм, які выйграў тытул у Шанхаі ў 2014 годзе, атрымаў упэўненую перамогу над Джэймі Джонсам з Уэльса, які ў трэці раз удзельнічаў на шанхайскім турніры, з лікам 5:0. Такім чынам, 40-гадовы Бінэм, які дайшоў да фіналу чэмпіянату свету па снукеры з шасцю чырвонымі шарамі ў пачатку верасня, у рэкордны дзявяты раз выйшаў у 1/8 фіналу Шанхай Мастэрс на Дэвіда Гілберта дзякуючы брэйкам у 54, 112 і 124 ачкі, а валійскі снукерыст здолеў набраць толькі 36 балаў за ўвесь паядынак. Таксама з лікам 5:0 Бары Хокінс, пасеяны пад 15-м нумарам, атрымаў упэўненую перамогу над Робертам Мілкінсам. Паўфіналіст Шанхай Мастэрс 2013 года выканаў серыі ў 50, 78 і 85 ачкоў і ў трэці раз выйшаў у другі раўнд гэтага спаборніцтва. Алістэр Картэр, які атрымаў перамогу на World Open і вярнуўся ў топ-16 у пачатку сезона, перамог прадстаўніка Нарвегіі Курта Мэфліна з лікам 5:1 і брэйкамі ў 53 і 104 балы, выйшаўшы ў 1/8 фіналу ў чацвёрты раз. Такім чынам, 37-гадовы англічанін, які патрапіў на Шанхай Мастэрс упершыню з 2013 года, выйшаў у другі раўнд спаборніцтва на Джона Хігінса. 8-ы сеяны турніру Ніл Робертсан з Аўстраліі гуляў супраць валійца Раяна Дэя, які дайшоў да фіналу першага розыгрышу Шанхай Мастэрс у 2007 годзе. Снукерыст з Уэльса адкрыў лік, а яго апанент, які з дзевяці папярэдніх выступаў на турніры толькі чатыры разы праходзіў далей за першы раўнд, выдрапаў другую партыю на апошнім чорным шары і зраўняў лік. Гульня складалася з шматлікіх памылак, але 36-гадовы Дэй быў больш паспяховым і выйграў тры наступныя фрэймы, пасля чаго не страціў сваю перавагу і давёў паядынак да перамогі з лікам 5:2, у пяты раз запар і ў восьмы раз у кар'еры выйшаўшы ў 1/8 фіналу шанхайскага турніру, у той час як Ніл, які здабыў перамогу на Рыга Мастэрс у пачатку сезона, саступіў у 1/16 фіналу ў трэці раз запар.
Падчас вячэрняй сесіі вызначаліся апошнія ўдзельнікі наступнага раўнда. Трэці нумар сусветнага рэйтынгу Шон Мёрфі, які даходзіў да паўфіналаў турніраў 2009 і 2012 гадоў, гуляў супраць шатландца Стывена Магуайра. Шатландскі снукерыст, які дайшоў да паўфінальнай стадыі розыгрышу 2008 года, узяў першы фрэйм з брэйкам у 65 балаў, пасля чаго 34-гадовы англічанін, які не прайграваў раней за 1/8 фіналу шанхайскага спаборніцтва з 2008 года, зрабіў серыю ў 57 ачкоў у другой партыі, але яго апанент адказаў падыходам у 62 балы і давёў фрэйм да перамогі, зрабіўшы лік 2:0. Пасля гэтага 35-гадовы Магуайр, які выканаў максімум у матчы ўайлдкард-раўнда, выйграў яшчэ тры фрэймы з брэйкамі ў 75, 121 і 40 ачкоў і скончыў паядынак разгромам з лікам 5:0, у шосты раз выйшаўшы ў 1/8 фіналу Шанхай Мастэрс на Бары Хокінса. Двухразовы фіналіст спаборніцтва Джад Трамп гуляў супраць дэбютанта Бэна Вуластана. Трамп, які займаў чацвёрты нумар у рэйтынгу, пакінуў за сабой першыя тры фрэймы з з брэйкам у 88 балаў, пасля чаго 27-гадовы Вуластан здзейсніў серыю ў 54 ачкі, але Трамп выдрапаў і наступную партыю, пасля чаго давёў паядынак да перамогі з лікам 5:0 і ў трэці раз выйшаў у 1/8 фіналу шанхайскага рэйтынгавага спаборніцтва на Майкла Уайта. Фіналіст Шанхай Мастэрс 2011 года Марк Уільямс з Уэльса сустракаўся з 33-гадовым кітайцам Мэем Сівэнем, які патрапіў у мэйн-тур у 2016 годзе. Двухразовы чэмпіён свету адкрыў лік і выйграў другую партыю на апошнім чорным шары, пасля чаго Мэй, які займаў 112-ы радок у рэйтынгу, выйграў чатыры наступныя фрэймы з брэйкамі ў 73 і 76 балаў. 41-гадовы Уільямс пакінуў за сабой наступную партыю, скараціўшы адставанне да аднаго ачка, але кітайскі снукерыст выканаў сэнчуры-брэйк у 117 балаў у восьмым фрэйме і здабыў перамогу з лікам 5:3, упершыню выйшаўшы ў 1/8 фіналу турніру на Раяна Дэя. Апанентам 11-га нумара рэйтынгу Джо Пэры, які гуляў у чвэрцьфінале Шанхай Мастэрс 2012 года, быў Сцюарт Кэрынгтан, які ўпершыню патрапіў у асноўную стадыю Шанхай Мастэрс. 26-гадовы Кэрынгтан, які прадэманстраваў выдатную гульню ў уайлдкард-раўндзе, узяў першыя два фрэймы з падыходам у 57 ачкоў, пасля чаго Пэры, які дайшоў да фіналу World Open у пачатку сезона, дамінаваў у матчы і пакінуў за сабой чатыры партыі запар з брэйкамі ў 58, 64 і 52 ачкі. Самаму ўзроставаму ўдзельніку спаборніцтва заставаўся толькі адзін фрэйм да перамогі пры ліку 4:2 на яго карысць, але дэбютант шанхайскага спаборніцтва перахапіў ініцыятыву і з пераможнымі серыямі ў 78, 85 і 100 балаў выйграў тры партыі запар і з лікам 5:4 упершыню выйшаў у 1/8 фіналу рэйтынгавага турніру на Марка Сэлбі.
| 21 верасня 2016 14:30 GMT -8 | 1/16 фіналу | Сцюарт Бінэм (3) | 5:0 | Джэймі Джонс (37) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Лік па фрэймах: 74:6, 74:0 (54), 60:24, 113:0 (112), 124:6 (124) | |||||||
| 2 3 (54, 112, 124) 445 89 | Брэйкі 100+ Брэйкі 50+ Сума ачкоў СА/Ф | — — 36 7.2 | |||||
| 21 верасня 2016 14:30 GMT -8 | 1/16 фіналу | Бары Хокінс (15) | 5:0 | Роберт Мілкінс (27) | Шанхайская гранд-сцэна, Шанхай, Кітай | Рэферы: Шы Цзялун | Справаздача |
| Лік па фрэймах: 64:23 (50), 82:25, 63:61, 78:37 (78), 91:45 (85) | |||||||
| — 3 (50, 78, 85) 378 75.6 | Брэйкі 100+ Брэйкі 50+ Сума ачкоў СА/Ф | — — 191 38.2 | |||||
| 21 верасня 2016 14:30 GMT -8 | 1/16 фіналу | Алістэр Картэр (16) | 5:1 | Курт Мэфлін (46) | Шанхайская гранд-сцэна, Шанхай, Кітай | Рэферы: Тан Сюй | Справаздача |
| Лік па фрэймах: 84:24, 85:30 (53), 72:24, 67:56, 24:71, 109:0 (104) | |||||||
| 1 2 (53, 104) 441 73.5 | Брэйкі 100+ Брэйкі 50+ Сума ачкоў СА/Ф | — — 205 34.17 | |||||
| 21 верасня 2016 14:30 GMT -8 | 1/16 фіналу | Ніл Робертсан (8) | 2:5 | Раян Дэй (26) | Шанхайская гранд-сцэна, Шанхай, Кітай | Рэферы: Чжу Ін | Справаздача |
| Лік па фрэймах: 33:67, 65:60, 37:88, 36:67, 9:57, 64:22, 36:64 | |||||||
| — — 280 40 | Брэйкі 100+ Брэйкі 50+ Сума ачкоў СА/Ф | — — 425 60.71 | |||||
| 21 верасня 2016 19:30 GMT -8 | 1/16 фіналу | Шон Мёрфі (4) | 0:5 | Стывен Магуайр (19) | Шанхайская гранд-сцэна, Шанхай, Кітай | Рэферы: Люй Сілінь | Справаздача |
| Лік па фрэймах: 17:86 (65), 57:68 (57 Мёрфі, 62), 0:75 (75), 0:126 (121), 38:74 | |||||||
| — 1 (57) 112 22.4 | Брэйкі 100+ Брэйкі 50+ Сума ачкоў СА/Ф | 1 4 (65, 62, 75, 121) 429 85.8 | |||||
| 21 верасня 2016 19:30 GMT -8 | 1/16 фіналу | Джад Трамп (5) | 5:0 | Бэн Вуластан (29) | Шанхайская гранд-сцэна, Шанхай, Кітай | Рэферы: Ян Верхаас | Справаздача |
| Лік па фрэймах: 65:0, 68:58, 104:7 (88), 72:62 (54 Вуластан), 85:45 | |||||||
| — 1 (88) 394 78.8 | Брэйкі 100+ Брэйкі 50+ Сума ачкоў СА/Ф | — 1 (54) 172 34.4 | |||||
| 21 верасня 2016 19:30 GMT -8 | 1/16 фіналу | Марк Уільямс (23) | 3:5 | Мэй Сівэнь | Шанхайская гранд-сцэна, Шанхай, Кітай | Рэферы: Інь Юньсун | Справаздача |
| Лік па фрэймах: 89:20, 69:64, 48:73 (73), 17:54, 45:56, 0:76 (76), 71:31, 5:117 (117) | |||||||
| — — 344 43 | Брэйкі 100+ Брэйкі 50+ Сума ачкоў СА/Ф | 1 3 (73, 76, 117) 491 61.38 | |||||
| 21 верасня 2016 19:30 GMT -8 | 1/16 фіналу | Джо Пэры (12) | 4:5 | Сцюарт Кэрынгтан (59) | Шанхайская гранд-сцэна, Шанхай, Кітай | Рэферы: Чжан Сінь | Справаздача |
| Лік па фрэймах: 4:82 (57), 57:71, 62:1 (58), 99:30 (64), 68:19 (52), 64:1, 0:78 (78), 7:85 (85), 0:100 (100) | |||||||
| — 3 (58, 64, 52) 361 40.11 | Брэйкі 100+ Брэйкі 50+ Сума ачкоў СА/Ф | 1 4 (57, 78, 85, 100) 467 51.89 | |||||
Чацвёрты дзень (22 верасня)
_2015-02-05_02.jpg)
Выбылі: Мэй Сівэнь, Дэвід Гілберт (22), Бары Хокінс (15), Сцюарт Кэрынгтан (59), Марк Ален (7), Джон Хігінс (6), Джад Трамп (5), Роні О’Саліван (11).
Праграма чацвёртага гульнявога дня Шанхай Мастэрс 2016 года ўключала ў сябе матчы 1/8 фіналу. 26-ы сеяны спаборніцтва Раян Дэй гуляў супраць кітайца Мэя Сівэня, які ўпершыню патрапіў у 1/8 фіналу спаборніцтва рэйтынгавага ўзроўню. Кітаец адкрыў лік з серыяй у 79 балаў, а Дэй выйграў два наступныя фрэймы з брэйкамі ў 55 і 102 ачкі, выйшаўшы наперад з лікам 2:1. 33-гадовы азіят зраўняў лік, пакінуўшы за сабой чацвёртую партыю, пасля чаго былы шосты нумар сусветнага рэйтынгу ўзяў тры фрэймы запар з брэйкамі ў 107 і 82 балы і здабыў перамогу ў матчы з лікам 5:2, у чацвёрты раз у кар'еры і ўпершыню з 2009 года выйшаўшы ў чвэрцьфінальную стадыю шанхайскага турніру. 3-ці сеяны турніру Сцюарт Бінэм сустракаўся з Дэвідам Гілбертам, які займаў 22-гі нумар у рэйтынгу. Чэмпіён свету 2015 года ўзяў першыя тры фрэймы, зрабіўшы серыю ў 55 балаў і выйграўшы другое ачко на апошнім чорным шары, пасля чаго 35-гадовы Гілберт размачыў лік, пакінуўшы за сабой чацвёрты фрэйм з брэйкам у 79 ачкоў. Бінэм выйграў наступную партыю з падыходам у 68 балаў, пасля чаго фіналіст International Championship 2015 года зноў скараціў адставанне да двух ачкоў, але Сцюарт скончыў паядынак з лікам 5:2 перамогай у сёмым фрэйме і ў пяты раз у кар'еры і ў трэці раз запар выйшаў у чвэрцьфінал Шанхай Мастэрс. 37-гадовы Бары Хокінс гуляў супраць 19-га сеянага турніру Стывена Магуайра з Шатландыі. Былы другі нумар сусветнага рэйтынгу, які набраў выдатную форму на гэтым спаблорніцтве, дамінаваў з самага пачатку паядынка, павёўшы з лікам 4:1 і серыяй у 53 ачкі, пасля чаго Хокінс, які займаў 16-е месца ў рэйтынгу, выйграў два наступныя фрэймы з брэйкамі ў 72 і 66 балаў, але Магуайр здзейсніў пераможны падыход у 91 бал у сёмай партыі і скончыў матч з лікам 5:2 на сваю карысць, у другі раз пасля 2008 года выйшаўшы ў чвэрцьфнал рэйтынгавага турніру на Шанхайскай гранд-сцэне. 2-гі сеяны турніру Марк Сэлбі сустракаўся са Сцюартам Кэрынгтанам, які ніколі не падымаўся вышэй за 58-ы радок у рэйтынгу. Двухразовы чэмпіён свету ўзяў верх у першай партыі з брэйкам у 87 ачкоў, а таксама быў блізкі да перамогі ў другой партыі пасля серыі ў 58 балаў, але 26-гадовы Сцюарт, выдрапаў партыю і зраўняў лік у матчы. Сэлбі дамінаваў у двух наступных фрэймах, выйграўшы іх з брэйкамі ў 120 і 73 балы, пасля чаго Кэрынгтан, які ўдзельнічаў у асноўнай стадыі чэмпіянату свету 2015 года, выйграў пятую партыю з серыяй у 73 ачкі, скараціўшы адставанне да ліку 2:3. 33-гадовы лідар рэйтынгу павялічыў свой адрыў да двух ачкоў, пасля чаго яго апанент перамог у сёмым фрэйме на апошнім чорным шары, але Марк Сэлбі давёў матч да перамогі з лікам 5:3 і ў сёмы рэкордны раз выйшаў у чвэрцьфінальную стадыю Шанхай Мастэрс на Раяна Дэя.
_2014-01-29_02.jpg)
У вячэрняй сесіі шосты нумар рэйтынгу Марк Ален з Паўночнай Ірландыі сустракаўся з Дзінам Цзюньхуэем, які быў пасеяны на турніры пад 10-м нумарам. Ален, які перамог на Players Championship у сакавіку, адкрыў лік з брэйкам у 69 балаў, але кітаец дамінаваў у наступных партыях і выйграў чатыры ачкі запар з серыямі ў 54, 86 і 50 ачкоў, зрабіўшы лік 4:1. Дзін быў блізкі да перамогі і ў шостым фрэйме, выканаўшы серыю ў 56 балаў, пасля чаго яго апанент выдрапаў партыю з серыяй у 64 ачкі на апошнім чорным шары, але чэмпіён свету па снукеры з шасцю чырвонымі шарамі пакінуў за сабой сёмы фрэйм з брэйкам у 58 балаў і з лікам 5:2 у пяты раз у кар'еры і ў чацвёрты раз запар выйшаў у чвэрцьфінальную стадыю Шанхай Мастэрс. Апанентам 16-га сеянага Алістэра Картэра быў адзін з самых тытулаваных снукерыстаў свету Джон Хігінс з Шатландыі. 37-гадовы англічанін выйграў два першыя фрэймы з брэйкам у 72 балы, пасля чаго Хігінс, які займаў 5-е месца ў сусветным рэйтынгу, пакінуў за сабой трэцюю партыю з серыяй у 61 ачко. Картэр выйграў яшчэ два фрэймы з серыямі ў 58 і 64 балы, зрабіўшы лік 4:1 на сваю карысць, пасля чаго шатландзец скараціў адставанне, пакінуўшы за сабой шостую партыю, а двухразовы фіналіст чэмпіянату свету працягваў дамінаванне, узяўшы сёмы фрэйм з брэйкам у 67 ачкоў, і ў другі раз у сезоне перамог Джона Хігінса (пасля перамогі ў чвэрцьфінале World Open з лікам 5:0), у трэці раз выйшаўшы ў чвэрцьфінал шанхайскага спаборніцтва на Сцюарта Бінэма. Джад Трамп, які саступіў Кайрэну Уілсану ў фінальным паядынку леташняга спаборніцтва, гуляў супраць 21-га сеянага Майкла Уайта. Англічанін дамінаваў у першых партыях, выйшаўшы наперад з лікам 3:0 і серыямі ў 56 і 64 ачкі, але валійскі снукерыст, які перамог на адкрытым чэмпіянаце Індыі 2015 года, узяў верх у трох наступных фрэймах, зраўняўшы лік у матчы. Ключавы момант гульні наступіў у сёмай партыі, дзе фіналіст чэмпіянату свету 2011 года меў камфортную перавагу, але 25-гадовы Майкл Уайт выдрапаў фрэйм на апошнім чорным шары з серыяй у 57 балаў, пасля чаго выйграў і пятае ачко запар, скончыўшы паядынак з лікам 5:3 на сваю карысць і ў другі раз выйшаўшы ў чвэрцьфінальную стадыю спаборніцтва на Стывена Магуайра. 28-ы сеяны турніру Майкл Холт сустракаўся з былым лідарам рэйтынгу Роні О’Саліванам. Холт, які выйшаў у свой першы рэйтынгавы фінал на Рыга Мастэрс у пачатку сезона, адкрыў лік, але пераможца Шанхай Мастэрс 2009 года, які гуляў на сваім першым спаборніцтве ў сезоне, выйграў дзве першыя партыі з брэйкам у 64 ачкі, пасля чаго Холт узяў тры наступныя фрэймы з серыямі ў 103 і 57 балаў, выйшаўшы наперад з лікам 4:2. 40-гадовы О'Саліван, які здзейсніў камбэк у першым матчы турніру супраць Ляна Вэньбо, зрабіў падыход у 55 ачкоў у сёмай партыі, але яго апанент адказаў брэйкам у 64 балы і з лікам 5:2 у другі раз выйшаў у чвэрцьфінальную стадыю Шанхай Мастэрс на Дзіна Цзюньхуэя.
| 22 верасня 2016 14:30 GMT -8 | 1/8 фіналу | Раян Дэй (26) | 5:2 | Мэй Сівэнь | Шанхайская гранд-сцэна, Шанхай, Кітай | Рэферы: Чжэн Вэйлі | Справаздача |
| Лік па фрэймах: 5:98 (79), 64:42 (55), 129:1 (102), 20:68, 107:0 (107), 53:39, 82:0 (82) | |||||||
| 2 4 (55, 102, 107, 82) 460 65.71 | Брэйкі 100+ Брэйкі 50+ Сума ачкоў СА/Ф | — 1 (79) 248 35.43 | |||||
| 22 верасня 2016 14:30 GMT -8 | 1/8 фіналу | Сцюарт Бінэм (3) | 5:2 | Дэвід Гілберт (22) | Шанхайская гранд-сцэна, Шанхай, Кітай | Рэферы: Чжан Сінь | Справаздача |
| Лік па фрэймах: 81:45 (55), 64:61, 77:0, 41:95 (79), 81:1 (68), 31:52, 64:6 | |||||||
| — 2 (55, 68) 439 62.71 | Брэйкі 100+ Брэйкі 50+ Сума ачкоў СА/Ф | — 1 (79) 260 37.14 | |||||
| 22 верасня 2016 14:30 GMT -8 | 1/8 фіналу | Бары Хокінс (15) | 3:5 | Стывен Магуайр (19) | Шанхайская гранд-сцэна, Шанхай, Кітай | Рэферы: Чжу Ін | Справаздача |
| Лік па фрэймах: 23:70, 60:20, 4:90 (53), 14:66, 24:64, 72:5 (72), 102:4 (66), 26:92 (91) | |||||||
| — 2 (72, 66) 325 40.63 | Брэйкі 100+ Брэйкі 50+ Сума ачкоў СА/Ф | — 2 (53, 91) 411 51.38 | |||||
| 22 верасня 2016 14:30 GMT -8 | 1/8 фіналу | Сцюарт Кэрынгтан (59) | 3:5 | Марк Сэлбі (2) | Шанхайская гранд-сцэна, Шанхай, Кітай | Рэферы: Ян Верхаас | Справаздача |
| Лік па фрэймах: 43:87 (87), 71:58 (58 Сэлбі), 7:120 (120), 0:97 (73), 73:24 (73), 30:84, 61:52, 53:77 | |||||||
| — 1 (73) 338 42.25 | Брэйкі 100+ Брэйкі 50+ Сума ачкоў СА/Ф | 1 4 (87, 58, 120, 73) 599 74.88 | |||||
| 22 верасня 2016 19:30 GMT -8 | 1/8 фіналу | Дзін Цзюньхуэй (10) | 5:2 | Марк Ален (7) | Шанхайская гранд-сцэна, Шанхай, Кітай | Рэферы: Люй Сілінь | Справаздача |
| Лік па фрэймах: 39:75 (69), 69:23, 79:0 (54), 93:0 (86), 64:39 (50), 56:64 (56 Дзін, 64), 92:36 (58) | |||||||
| — 5 (54, 86, 50, 56, 58) 492 70.29 | Брэйкі 100+ Брэйкі 50+ Сума ачкоў СА/Ф | — 2 (69, 64) 237 33.86 | |||||
| 22 верасня 2016 19:30 GMT -8 | 1/8 фіналу | Алістэр Картэр (16) | 5:2 | Джон Хігінс (6) | Шанхайская гранд-сцэна, Шанхай, Кітай | Рэферы: Тан Сюй | Справаздача |
| Лік па фрэймах: 71:9, 72:0 (72), 38:61 (61), 71:37 (58), 70:4 (64), 1:70, 75:25 (67) | |||||||
| — 4 (72, 58, 64, 67) 398 56.86 | Брэйкі 100+ Брэйкі 50+ Сума ачкоў СА/Ф | — 1 (61) 206 29.43 | |||||
| 22 верасня 2016 19:30 GMT -8 | 1/8 фіналу | Джад Трамп (5) | 3:5 | Майкл Уайт (21) | Шанхайская гранд-сцэна, Шанхай, Кітай | Рэферы: Шы Цзялун | Справаздача |
| Лік па фрэймах: 84:0 (56), 80:8 (64), 67:20, 45:58, 35:87, 29:74, 64:65 (57 Уайт), 27:56 | |||||||
| — 2 (56, 64) 431 53.88 | Брэйкі 100+ Брэйкі 50+ Сума ачкоў СА/Ф | — 1 (57) 368 46 | |||||
| 22 верасня 2016 19:30 GMT -8 | 1/8 фіналу | Майкл Холт (28) | 5:2 | Роні О'Саліван (11) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Лік па фрэймах: 82:34, 18:65 (64), 8:62, 120:11 (103), 67:27 (57), 73:2, 65:55 (55 О'Саліван, 64) | |||||||
| 1 3 (103, 57, 64) 433 61.86 | Брэйкі 100+ Брэйкі 50+ Сума ачкоў СА/Ф | — 2 (64, 55) 256 36.57 | |||||
Пяты дзень (23 верасня)
_2015-02-05_01.jpg)
Выбылі: Алістэр Картэр (16), Раян Дэй (26), Майкл Уайт (21), Майкл Холт (28).
_2015-02-04_04.jpg)
23 верасня на Шанхай Мастэрс 2016 года праходзілі паядынкі чвэрцьфінальнай стадыі. 3-ці сеяны Сцюарт Бінэм гуляў супраць Алістэра Картэра, якому саступіў у васьмі апошніх матчах паміж імі, у тым ліку паядынак першага раўнда чэмпіянату свету ў красавіку (9:10) і матч 1/16 фіналу World Open у ліпені (3:5). Чэмпіён свету 2015 года, які перамог на шанхайскім турніры 2014 года і дайшоў да паўфіналу ў 2015 годзе, узяў першыя два фрэймы, пасля чаго Картэр, які выйшаў у чвэрцьфінал спаборніцтва ўпершыню з 2012 года, здабыў перамогу ў трэцяй партыі на апошнім чорным шары. 40-гадовы Бінэм дамінаваў у двух наступных фрэймах, узяўшы іх з брэйкамі ў 58 і 91 ачко, пасля чаго перамог у баявой шостай партыі і скончыў матч з лікам 5:1 на сваю карысць, у трэці раз запар прайшоўшы ў паўфінал гэтага турніру. Чэмпіён свету Марк Сэлбі гуляў супраць 24-га нумара сусветнага рэйтынгу Раяна Дэя. Сэлбі, які рэкордныя пяць раз даходзіў да паўфіналаў Шанхай Мастэрс і перамог на турніры ў 2011 годзе, пакінуў за сабой першыя дзве партыі з серыяй у 52 балы, на што валійскі снукерыст адказаў брэйкам у 98 ачкоў, але лідар рэйтынгу выйграў яшчэ два баявыя фрэймы і зрабіў лік 4:1 на сваю карысць. Дэй, які дайшоў да фіналу першага розыгрышу спаборніцтва ў 2007 годзе і пасля гэтага не праходзіў далей за чвэрцьфінальную стадыю, выйграў дзве наступныя партыі, скараціўшы адставанне да аднаго ачка, а ў наступным фрэйме меў магчымасць павесці брэйк пасля таго, як яго апанент здзейсніў падыход у 43 балы, але дапусціў памылку, пасля чаго Марк Сэлбі давёў паядынак да перамогі з лікам 5:3 і ў шосты раз прайшоў у паўфінал Шанхай Мастэрс на Сцюарта Бінэма.
У вячэрняй сесіі 19-ы сеяны Стывен Магуайр з Шатландыі гуляў супраць 21-га нумара рэйтынгу Майкла Уайта з Уэльса. Шатландскі снукерыст, які перамог у трох апошніх паядынках паміж гульцамі, выйграў першыя два фрэймы з брэйкам у 44 ачкі ў першай партыі і клірэнсам у 39 балаў у другой, пасля чаго 25-гадовы Уайт узяў трэці фрэйм, скараціўшы адставанне да ліку 1:2. Магуайр перамог у чацвёртай партыі на каляровых шарах, пасля чаго ўзяў верх у наступным фрэйме з серыямі ў 51 і 62 ачкі, а ў шостай партыі зачысціў стол з зялёнага па чорны шары пры ліку 39:59 і давёў матч да перамогі з лікам 5:1, у другі раз выйшаўшы ў паўфінал Шанхай Мастэрс. Такім чынам, 35-гадовы шатландзец, які 5 разоў перамагаў на рэйтынгавых турнірах, прайграў усяго чатыры фрэймы ў чатырох матчах спаборніцтва. Апанент Магуайра па 1/2 фіналу вызначаўся ў паралельным паядынку паміж Дзінам Цзюньхуэем, адзіным кітайцам у чвэрцьфінале, і 28-м сеяным Майклам Холтам. Брэйкі ў 45, 53 і 46 балаў дапамаглі фіналісту чэмпіянату свету выйсці наперад з лікам 2:0, пасля чаго англічанін, які саступіў Сяа Гадуну ў паўфінале Шанхай Мастэрс 2013 года, зраўняў лік, дзякуючы серыям у 77 і 50 ачкоў. Дзін зноў выйшаў наперад з брэйкам у 103 балы, пасля чаго вёў атаку ў шостай партыі, але спыніўся на 46 балах, а яго 38-гадовы апанент, які перамог леташняга чэмпіёна Кайрэна Уілсана і пяціразовага чэмпіёна свету Роні О’Салівана, але шмат памыляўся ў гэтым матчы, здзейсніў клірэнс у 64 ачкі і выдрапаў фрэйм, зрабіўшы лік 3:3. Кітаец пакінуў за сабой сёмы фрэйм з брэйкамі ў 61 і 38 ачкоў, а пры ліку 34:32 у восьмай партыі Холт дапусціў памылку пры ўдары па чорным шары з пазнакі і дазволіў праціўніку давесці матч да перамогі падыходам у 30 ачкоў і ў трэці раз за чатыры гады выйсці ў паўфінал шанхайскага турніру.
| 23 верасня 2016 14:30 GMT -8 | Чвэрцьфінал | Сцюарт Бінэм (3) | 5:1 | Алістэр Картэр (16) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 78:14, 73:22, 56:57, 70:12 (58), 96:0 (91), 63:48 | |||||||
| — 2 (58, 91) 436 72.67 | Брэйкі 100+ Брэйкі 50+ Сума ачкоў СА/Ф | — — 153 25.5 | |||||
| 23 верасня 2016 14:30 GMT -8 | Чвэрцьфінал | Раян Дэй (26) | 3:5 | Марк Сэлбі (2) | Шанхайская гранд-сцэна, Шанхай, Кітай | Рэферы: Пэгі Лі | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 24:80 (52), 48:67, 99:0 (98), 54:65, 64:72, 65:29, 63:27, 22:66 | |||||||
| — 1 (98) 417 52.13 | Брэйкі 100+ Брэйкі 50+ Сума ачкоў СА/Ф | — 1 (52) 340 42.5 | |||||
| 23 верасня 2016 19:30 GMT -8 | Чвэрцьфінал | Майкл Уайт (21) | 1:5 | Стывен Магуайр (19) | Шанхайская гранд-сцэна, Шанхай, Кітай | Рэферы: Чжу Ін | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 17:72, 41:60, 70:29, 41:59, 0:113 (51, 62), 59:64 | |||||||
| — — 228 38 | Брэйкі 100+ Брэйкі 50+ Сума ачкоў СА/Ф | — 2 (51, 62) 397 66.17 | |||||
| 23 верасня 2016 19:30 GMT -8 | Чвэрцьфінал | Майкл Холт (28) | 3:5 | Дзін Цзюньхуэй (10) | Шанхайская гранд-сцэна, Шанхай, Кітай | Рэферы: Ян Верхаас | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 1:102 (53), 15:55, 93:0 (77), 72:17 (50), 5:103 (103), 93:46 (64), 0:103 (61), 34:67 | |||||||
| — 3 (77, 50, 64) 313 39.13 | Брэйкі 100+ Брэйкі 50+ Сума ачкоў СА/Ф | 1 3 (53, 103, 61) 493 61.63 | |||||
Шосты дзень (24 верасня)
_2015-02-08_07.jpg)
Выбылі: Сцюарт Бінэм (3), Стывен Магуайр (19).
У першым паўфінальным матчы спаборніцтва, якія гуляліся да шасці перамог у фрэймах у адрозненне ад папярэдніх стадый, сустрэліся два першыя нумары сусветнага рэйтынгу англічане чэмпіён свету Марк Сэлбі і папярэдні чэмпіён свету Сцюарт Бінэм. Сэлбі, які перамог Бінэма ў чвэрцьфінале першага розыгрышу Шанхай Мастэрс у 2007 годзе, адкрыў лік, а яго апанент, які быў мацней за Марка Сэлбі ў першым раўндзе шанхайскага спаборніцтва ў 2009 годзе, пакінуў за сабой другі фрэйм з серыяй у 67 балаў. 33-гадовы лідар рэйтынгу выйшаў наперад з лікам 3:1, дзякуючы брэйкам у 76 і 65 ачкоў, а Бінэм, які ў трэці раз запар гуляў у паўфінале спаборніцтва, здабыўшы тытул у 2014 годзе, перахапіў ініцыятыву пасля перапынку і дамінаваў у наступных чатырох партыях, выйграўшы іх з брэйкамі ў 67, 123, 72 і 87 балаў і зрабіўшы лік 5:3 на сваю карысць. Пераможца Шанхай Мастэрс 2011 года ўзяў верх у доўгай дзявятай партыі, якая пераламіла ход гульні, пасля чаго пакінуў за сабой дзясяты фрэйм з брэйкамі ў 68 і 63 ачкі, зраўняўшы лік і перавёўшы паядынак у вырашальную партыю, а таксама дамінаваў у адзінаццатым фрэйме, зрабіўшы падыход у 43 балы і скончыўшы матч пераможнай серыяй у 20 ачкоў. Такім чынам, Марк Сэлбі выйшаў у другі фінал Шанхай Мастэрс у кар'еры і меў магчымасць выйграць два рэйтынгавыя турніры запар пасля перамогі на Пол Хантэр Класік у канцы жніўня.
У матчы вячэрняй сесіі паміж Дзінам Цзюньхуэем і Стывенам Магуайрам вызначаўся другі фіналіст спаборніцтва ў Шанхаі. Кітаец, які выйграў пяць апошніх паядынкаў паміж гульцамі і не прайграваў апаненту з 2009 года, адкрыў лік, аднак Магуайр, які займаў другое месца ў рэйтынгу з 2008 да 2010 года, але вылецеў з топ-16 у канцы папярэдняга сезона, пакінуў за сабой два наступныя фрэймы, выйшаўшы наперад з лікам 2:1. Дзін, які дайшоў да фіналу чэміянату свету ў маі, зраўняўся з апанентам да перапынку, дзякуючы брэйку ў 63 балы, пасля чаго зрабіў падыход у 50 ачкоў у наступнай партыі, але шатландскі снукерыст выдрапаў фрэйм з серыяй у 58 балаў, вярнуўшы сабе лідарства. Пасля гэтага пераможца адзінаццаці рэйтынгавых спаборніцтваў дамінаваў каля стала, а брэйкі ў 58, 47, 46 і 44 ачкі дапамаглі яму пакінуць за сабой чатыры партыі запар і скончыць паядынак з лікам 6:3 на сваю карысць і ў другі раз выйсці ў фінал Шанхай Мастэрс. Такім чынам, кітаец пакінуў магчымасць выйграць два снукерныя тытулы запар пасля перамогі на чэмпіянаце свету па снукеры з шасцю чырвонымі шарамі ў пачатку месяца.
| 24 верасня 2016 14:00 GMT -8 | Паўфінал | Сцюарт Бінэм (3) | 5:6 | Марк Сэлбі (2) | Шанхайская гранд-сцэна, Шанхай, Кітай | Рэферы: Люй Сілінь | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 44:70, 74:9 (67), 0:107 (76), 14:70 (65), 78:0 (67), 123:9 (123), 100:16 (72), 104:16 (87), 21:104, 0:131 (63, 68), 1:72 | |||||||
| 1 5 (67, 67, 123, 72, 87) 559 50.82 | Брэйкі 100+ Брэйкі 50+ Сума ачкоў СА/Ф | — 4 (76, 65, 63, 68) 604 54.91 | |||||
| 24 верасня 2016 19:30 GMT -8 | Паўфінал | Дзін Цзюньхуэй (10) | 6:3 | Стывен Магуайр (19) | Шанхайская гранд-сцэна, Шанхай, Кітай | Рэферы: Брэндан Мур | Справаздача |
| Статыстыка гульцоў | |||||||
| Асабістыя сустрэчы | |||||||
| Лік па фрэймах: 86:31, 7:78, 25:57, 63:4 (63), 50:72 (50 Дзін, 58), 84:35 (58), 60:5, 80:23, 69:20 | |||||||
| — 3 (63, 50, 58) 524 58.22 | Брэйкі 100+ Брэйкі 50+ Сума ачкоў СА/Ф | — 1 (58) 325 36.11 | |||||
Сёмы дзень (25 верасня)
_2015-02-05_01.jpg)
Выбыў: Марк Сэлбі (2).
«Я адчуваю сябе так, нібыта вярнуўся ў 2013 год. Перамога на двух турнірах запар — гэта незвычайна». «Я адчуваў у сябе сілы ў апошнім фрэйме. Марк спарабаваў зрабіць камбэк і ён вельмі моцны ў абарончай гульне, таму спрабаваў паставіць снукера. Ён рабіў кожны ўда такім складаным для мяне, што я проста спрабаваў патрапіць у чырвоны шар і ўсё». «Гэты турнір у Шанхаі вельмі асаблівы. Ён праходзіць з 2007 года і я шмат чаму навучыўся тут. Я заўсёды шчаслівы перамагаць на турнірах у Кітаі». |
25 верасня ў фінальным паядынку, які праходзіў у дзвюх сесіях да 10 перамог у фрэймах, сустрэліся 10-ы сеяны Дзін Цзюньхуэй і лідар сусветнага рэйтынгу Марк Сэлбі. Фінал стаў паўтарэннем фіналу чэмпіянату свету, які праходзіў у маі і ў якім Сэлбі атрымаў упэўненую перамогу, адразу выйшаўшы наперад з лікам 6:0, не дазволіўшы апаненту ніводнага разу зраўняцца з сабой ў ліку і сокнчыўшы паядынак з лікам 18:14 на сваю карысць. Да гэтага снукерысты яшчэ два разы гулялі ў фіналах турніраў на Цзянсу Класік 2008, дзе Дзін перамог з лікам 6:5, і на адкрытым чэмпіянаце Уэльса 2012 года, дзе кітаец быў мацней з лікам 9:6. Дзін Цзюньхуэй нарадзіўся ў 1987 годзе і стаў прафесіяналам у 2003 годзе. У 2005 годзе ён выйграў два першыя рэйтынгавыя турніры — адкрыты чэмпіянат Кітая і чэмпіянат Вялікабрытаніі, які стаў яго першай перамогай на турніры Трайной кароны. У 2009 годзе кітайскі снукерыст стаў двухразовым пераможцам чэмпіянату Вялікабрытаніі, а ў 2011 годзе перамог на найбуйнейшым запрашальным турніры Мастэрс. Да лета 2013 года ён стаў уладальнікам шасці рэйтынгавых тытулаў, а ў сезоне 2013/2014 ён выйграў пяць спаборніцтваў рэйтынгавага ўзроўню, у тым ліку Шанхай Мастэрс 2013 года, паўтарыўшы рэкорд Стывена Хендры, які выйграў пяць рэйтынгавых турніраў у сезоне 1990/1991. Услед за гэтым рушыў працяглы спад у кар'еры Дзіна і да чэмпіянату свету 2016 года ён не даходзіў да фіналаў рэйтынгавых турніраў, але ў сезоне 2014/2015 тры тыдні займаў першае месца ў рэйтынгу. Такім чынам, гэты фінал стаў другім рэйтынгавым фіналам кітайскага снукерыста ў 2016 годзе. У верасні 2016 года ён стаў чэмпіёнам свету па снукеры з шасцю чырвонымі шарамі і меў магчымасць выйграць два запар снукерныя турніры. Марк Сэлбі нарадзіўся ў 1983 годзе і стаў прафесіяналам у 1999 годзе. У 2003 годзе выйшаў у свой першы рэйтынгавы фінал на адкрытым чэмпіянаце Шатландыі, а ў 2007 годзе дайшоў да фіналу чэмпіянату свету, пасля чаго ў 2008 годзе стаў пераможцам Мастэрс і першага рэйтынгавага спаборніцтва — адкрытага чэмпіянату Уэльса. У 2010 годзе ён у другі раз перамог на Мастэрс, у 2011 годзе здабыў тытул Шанхай Мастэрс і ўпершыню стаў лідарам сусветнага рэйтынгу, а ў сезоне 2012/2013 стаў пераможцам чэмпіянату Вялікабрытаніі і трохразовым чэмпіёнам Мастэрс. У 2014 і 2016 гадах перамагаў на чэмпіянатах свету і, такім чынам, з'яўляецца адным з дзесяці снукерыстаў, якія выйгравалі ўсе тытулы Трайной кароны. Да гэтага фіналу сумарна больш за тры гады займаў першае месца ў рэйтынгу і выйграў восем рэйтынгавых туніраў, у тым ліку апошняе спаборніцтва Пол Хантэр Класік і меў магчымасць выйграць два рэйтынгавыя турніры запар упершыню з 2013 года, калі Дзін здабыў тры рэйтынгавыя тытулы запар.
Марк Сэлбі адкрыў лік з брэйкам у 74 балы, а яго кітайскі апанент пакінуў за сабой другі фрэйм з сэнчуры ў 115 ачкоў, пасля чаго лідар сусветнага рэйтынгу выйграў яшчэ дзве партыі з серыяй у 108 ачкоў, выйшаўшы наперад з лікам 3:1. Пасля перапынку Дзін дамінаваў у паядынку, выйграўшы ўсе астатнія фрэймы першай сесіі з брэйкамі ў 53, 59, 52 і 75 ачкоў, і зрабіў лік 6:3 на сваю карысць. У вячэрняй сесіі Сэлбі выйграў стартавы фрэйм з серыяй у 76 ачкоў, другую партыю з сэнчуры-брэйкам у 102 балы і трэці фрэйм запар з падыходам у 53 ачкі і, такім чынам, зраўняў лік у паядынку, а яго апанент не набраў ніводнага ачка за тры партыі. Дзін Цзюньхуэй адказаў брэйкам у 97 балаў у трынаццатым фрэйме матча і зрабіў лік 7:6 на сваю карысць да апошняга перапынку ў матчы, пасля чаго дамінаваў у наступных партыях, выйграўшы яшчэ два ачкі з серыямі ў 52 і 63 балы і выйшаўшы наперад на тры фрэймы — 9:6. У шаснаццатай партыі кітаец зрабіў падыход у 46 ачкоў і наблізіўся да перамогі, пасля чаго Сэлбі спрабаваў выдрапаць партыю пошукам снукероў, але Дзін скончыў фрэйм і матч перамогай з лікам 10:6, стаўшы першым двухразовым пераможцам Шанхай Мастэрс у гісторыі спаборніцтва. Такім чынам, 29-гадовы азіят выйграў 12-ы рэйтынгавы тытул у кар'еры, зраўняўшыся з Нілам Робертсанам па гэтым паказчыку, у той час як толькі пяць снукерыстаў у гісторыі перамагалі больш чым на 12-ці турнірах рэйтынгавага ўзроўню за сваю кар'еру. Апроч таго, Дзін выйграў свой першы рэйтынгавы тытул за два з паловай гады пасля таго, як перамог на адкрытым чэмпіянаце Кітая ў 2014 годзе, а таксама атрымаў 85 тысяч фунтаў стэрлінгаў за перамогу і падняўся ў сусветным рэйтынгу на тры радкі — з дзявятага месца на шостае. 33-гадовы Марк Сэлбі, які да гэтага выйграў у пяці рэйтынгавых фіналах запар саступіў у фінале рэйтынгавага спаборніцтва ўпершыню з вясны 2014 года, калі ў вырашальным паядынку World Open прайграў Шону Мёрфі.
| 25 верасня 2016 14:00 GMT -8 | Фінал | Дзін Цзюньхуэй (10) | 10:6 | Марк Сэлбі (2) | Шанхайская гранд-сцэна, Шанхай, Кітай | Рэферы: Чжэн Вэйлі | Справаздача |
| Статыстыка фіналістаў і асабістыя сустрэчы падаюцца ніжэй ↓ | |||||||
| Дзённая сесія: 14:74 (74), 115:0 (115), 33:82, 15:108 (108), 87:29, 98:31 (53), 80:1 (59), 86:0 (52), 75:17 (75) Вячэрняя сесія: 0:76 (76), 0:102 (102), 0:97 (53), 100:0 (97), 98:0 (52), 84:15 (63), 72:24 | |||||||
| 1 8 (115, 53, 59, 52, 75, 97, 52, 63) 957 59.81 | Брэйкі 100+ Брэйкі 50+ Сума ачкоў СА/Ф | 2 5 (74, 108, 76, 102, 53) 656 41 | |||||
Уайлдкард раўнд
Восем кітайскіх аматараў атрымалі ўалдкард ад арганізатараў турніру: Сюй Сы, Ху Хаа, Чэнь Цзыфань, Сюй Ічэнь, Гуань Чжэнь, Ма Бін, Ню Чжуан і Юань Сыцзюнь. Яны згулялі ў папярэднім раўндзе за права выступаць у першым крузе асноўнага турніру супраць васьмярых выпадковых гульцоў, якія прайшлі кваліфікацыйны раўнд: Майкла Холта, Ляна Вэньбо, Энтані Мак-Гіла, Стывена Магуайра, Курта Мэфліна, Раяна Дэя, Сцюарта Кэрынгтана і Мартына Гоўлда.
| Першы гулец | Лік | Другі гулец |
|---|---|---|
| Майкл Холт (28) | 5:1 | Сюй Сы |
| Лян Вэньбо (20) | 5:3 | Ху Хаа |
| Энтані Мак-Гіл (18) | 5:0 | Чэнь Цзыфань |
| Стывен Магуайр (19) | 5:0 | Сюй Ічэнь |
| Курт Мэфлін (46) | 5:1 | Гуань Чжэнь |
| Раян Дэй (26) | 5:1 | Ма Бін |
| Сцюарт Кэрынгтан (59) | 5:1 | Ню Чжуан |
| Мартын Гоўлд (17) | 0:5 | Юань Сыцзюнь |
Асноўная сетка
Фінал
У сезоне 2016/2017 Дзін Цзюньхуэй не даходзіў да фіналаў рэйтынгавых турніраў і да гэтага гуляў толькі на World Open, дзе саступіў у 1/16 фіналу Бэну Вуластану (1:5), аднак ён перамог на чэмпіянаце свету па снукеры з шасцю чырвонымі шарамі ў пачатку верасня. Марк Сэлбі перамог на апошнім рэйтынгавым турніры — Пол Хантэр Класік — а таксама дайшоў да 1/8 фіналу World Open, дзе прайграў Цепчае Ун-Ну (3:5) і да 1/32 фіналу Рыга Мастэрс, дзе быў пераможаны Майклам Холтам (1:4). На чэмпіянаце свету па снукеры з шасцю чыровнымі шарамі Сэлбі саступіў у 1/16 фіналу Майклу Уайту (4:6). Такім чынам, англічанін меў магчымасць выйграць другі рэйтынгавы запар.
Снукерысты тры разы гулялі ў фіналах прафесійных спаборніцтваў, і ў першых двух выпадках перамогу святкаваў Дзін. На запрашальным турніры Цзянсу Класік 2008 года ён перамог у вырашальным фрэйме (6:5), а ў фінальным паядынку рэйтынгавага адкрытага чэмпіянату Уэльса 2012 года ён быў мацней за Сэлбі з лікам 9:6. Апошні раз снукерысты сустракаліся ў фінале чэмпіянату свету 2016 года, дзе Марк Сэлбі перамог з лікам 18:14.
Для Дзіна Цзюньхуэя фінал Шанхай Мастэрс стаў 16-м рэйтынгавым фіналам у кар'еры. Да гэтага ён выйграў 11 тытулаў рэйтынгавага ўзроўню і прайграў у 4-х фіналах. У прафесійнай кар'еры Марка Сэлбі гэты фінал стаў 17-м на рэйтынгавых турнірах, з якіх да гэтага ён выйграў толькі 8 тытулаў, 8 разоў саступіўшы ў вырашальных паядынках спаборніцтваў.
Дзін у другі раз выйшаў у фінал Шанхай Мастэрс пасля перамогі на турніры 2013 года над Сяа Гадунам у фінальным паядынку з лікам 10:6. Сэлбі таксама перамагаў на шанхайскім турніры 2011 года, перайграўшы Марка Уільямса ў напружаным вырашальным матчы з лікам 10:9 і выйшаў у другі фінал гэтага спаборніцтва. Такім чынам, у 2016 годзе адзін з снукерыстаў павінен быў стаць двухразовым пераможцам Шанхай Мастэрс упершыню ў гісторыі гэтага турніру.
| Фінал: да 10 перамог. Рэферы: Чжэн Вэйлі. Шанхайская гранд-сцэна, Шанхай, Кітай. 25 верасня 2016, 14:00 GMT-8. | ||
| Дзін Цзюньхуэй (10) Кітай | 10:6 | Марк Сэлбі (2) Англія |
| Статыстыка гульцоў | ||
| Асабістыя сустрэчы | ||
| Дзённая сесія: 14:74 (74), 115:0 (115), 33:82, 15:108 (108), 87:29, 98:31 (53), 80:1 (59), 86:0 (52), 75:17 (75) Вячэрняя сесія: 0:76 (76), 0:102 (102), 0:97 (53), 100:0 (97), 98:0 (52), 84:15 (63), 72:24 | ||
| 115 | Найвышэйшы брэйк | 108 |
| 1 | Соценныя брэйкі | 2 |
| 8 | Брэйкі 50+ | 5 |
Брэйкі, вышэйшыя за 50 ачкоў
У 39 матчах Шанхай Мастэрс гульцы аформілі 34 соценныя брэйкі, што на 11 сэнчуры больш, чым у 2015 годзе. Колькасць брэйкаў, вышэйшых за 50 ачкоў, дасягнула 156 брэйкаў, што ў сярэднім азначае 4 паўсоценныя серыі ў матчы.
Лідарамі па колькасці соценных брэйкаў сталі паўфіналіст турніру Стывен Магуайр і чвэрцьфіналіст Раян Дэй, якія зрабілі па 4 сэнчуры-брэйкі. Па колькасці серый «50+» лідарамі сталі фіналісты Дзін Цзюньхуэй (21 брэйк) і Марк Сэлбі (16 брэйкаў). Прыз за найвышэйшую серыю, зробленую ў асноўнай стадыі турніру, роўны £2000, атрымаў Стывен Магуайр, які аформіў максімальны брэйк у 147 балаў у матчы ўайлдкард-раўнда супраць Сюя Ічэня, за што таксама атрымаў дадатковую грашовую ўзнагароду ў £5000 паводле правілаў пераходнага прыза за максімум.
Ніжэй прадстаўлены ўдзельнікі, упарадкаваныя па іх найвышэйшай серыі на турніры. Насупраць пералічаны ўсе соценныя і паўсоценныя брэйкі кожнага гульца.
| Гулец | 50+ | 100+ | 50-100 | Усе брэйкі 50+ |
|---|---|---|---|---|
| Стывен Магуайр | 13 | 4 | 9 | 147, 130, 121, 104; 91, 75, 65, 62, 62, 58, 53, 51, 50 |
| Сцюарт Кэрынгтан | 9 | 3 | 6 | 141, 135, 100; 85, 78, 76, 76, 73, 57 |
| Энтані Мак-Гіл | 2 | 1 | 1 | 133; 52 |
| Сцюарт Бінэм | 12 | 3 | 9 | 124, 123, 112; 91, 87, 72, 68, 67, 67, 58, 55, 54 |
| Марк Сэлбі | 16 | 3 | 13 | 120, 108, 102; 87, 76, 76, 76, 74, 73, 68, 65, 63, 58, 53, 52, 52 |
| Марка Фу | 3 | 1 | 2 | 119; 79, 70 |
| Дэвід Гілберт | 4 | 2 | 2 | 117, 115; 79, 50 |
| Мэй Сівэнь | 4 | 1 | 3 | 117; 79, 76, 73 |
| Дзін Цзюньхуэй | 21 | 2 | 19 | 115, 103; 97, 86, 75, 73, 63, 63, 61, 60, 59, 58, 58, 56, 54, 53, 53, 52, 52, 50, 50 |
| Майкл Уайт | 3 | 2 | 1 | 113, 101; 57 |
| Юань Сыцзюнь | 3 | 2 | 1 | 111, 100; 65 |
| Раян Дэй | 9 | 4 | 5 | 108, 107, 107, 102; 98, 87, 82, 72, 55 |
| Майкл Холт | 10 | 3 | 7 | 107, 103, 101; 77, 69, 64, 64, 63, 57, 50 |
| Алістэр Картэр | 6 | 1 | 5 | 104; 72, 67, 64, 58, 53 |
| Кайрэн Уілсан | 1 | 1 | 0 | 101 |
| Джон Хігінс | 2 | 1 | 1 | 100; 61 |
| Рыкі Уолдэн | 4 | 0 | 4 | 98, 63, 62, 53 |
| Курт Мэфлін | 3 | 0 | 3 | 96, 60, 53 |
| Джад Трамп | 3 | 0 | 3 | 88, 64, 56 |
| Роні О’Саліван | 5 | 0 | 5 | 84, 65, 64, 56, 55 |
| Бары Хокінс | 5 | 0 | 5 | 81, 78, 72, 66, 50 |
| Лян Вэньбо | 2 | 0 | 2 | 80, 76 |
| Мэцью Сэлт | 3 | 0 | 3 | 73, 60, 55 |
| Марк Ален | 4 | 0 | 4 | 69, 64, 55, 53 |
| Ху Хаа | 2 | 0 | 2 | 68, 63 |
| Джо Пэры | 3 | 0 | 3 | 64, 58, 52 |
| Сюй Сы | 1 | 0 | 1 | 59 |
| Шон Мёрфі | 1 | 0 | 1 | 57 |
| Скот Дональдсан | 1 | 0 | 1 | 56 |
| Бэн Вуластан | 1 | 0 | 1 | 54 |
| Увогуле | 156 | 34 | 122 | Найвышэйшы брэйк: 147 (Стывен Магуайр) |
Статыстыка турніру
Дзін Цзюньхуэй стаў першым снукерыстам у гісторыі Шанхай Мастэрс, які перамог на турніры два разы пасля перамогі ў розыгрышы 2013 года.
Дзін выйграў свой дванаццаты рэйтынгавы тытул у кар'еры. Гэтая перамога стала першым поспехам рэйтынгавага ўзроўню для кітайца за два з паловай гады (пасля перамогі на адкрытым чэмпіянаце Кітая 2014 года).
Выйграўшы на Шанхай Мастэрс, Дзін Цзюньхуэй зраўняўся па колькасці рэйтынгавых перамог з Нілам Робертсанам. Больш за дванаццаць тытулаў рэйтынгавага ўзроўню выйгравалі толькі Стывен Хендры (36), Стыў Дэвіс (28), Роні О’Саліван (28), Джон Хігінс (28) і Марк Уільямс (18).
Апроч таго, кітайскі снукерыст выйграў пятае рэйтынгавае спаборніцтва на тэрыторыі Кітая, павялічыўшы свой рэкордны паказчык.
Статыстыка гульцоў
| Гулец | Апошні матч | М | В | П | Ф | ВФ | ПФ | %Ф | 50+ | 100+ | НБ | Ф/50+ | Ф/100+ | ПГ (£) | РА |
|---|---|---|---|---|---|---|---|---|---|---|---|---|---|---|---|
| Дзін Цзюньхуэй | Фінал: Марк Сэлбі 10:6 | 5 | 5 | 0 | 49 | 31 | 18 | 63.27% | 21 | 2 | 115 | 2.33 | 24.5 | 85000 | 85000 |
| Марк Сэлбі | Фінал: Дзін Цзюньхуэй 6:10 | 5 | 4 | 1 | 49 | 27 | 22 | 55.1% | 16 | 3 | 120 | 3.06 | 16.33 | 35000 | 35000 |
| Стывен Магуайр | 1/2 фіналу: Дзін Цзюньхуэй 3:6 | 5 | 4 | 1 | 33 | 23 | 10 | 69.7% | 13 | 4 | 147 | 2.54 | 8.25 | 19500 | 19500 |
| Сцюарт Бінэм | 1/2 фіналу: Марк Сэлбі 5:6 | 4 | 3 | 1 | 29 | 20 | 9 | 68.97% | 12 | 3 | 124 | 2.42 | 9.67 | 19500 | 19500 |
| Раян Дэй | 1/4 фіналу: Марк Сэлбі 3:5 | 4 | 3 | 1 | 28 | 18 | 10 | 64.29% | 9 | 4 | 108 | 3.11 | 7 | 12000 | 12000 |
| Майкл Холт | 1/4 фіналу: Дзін Цзюньхуэй 3:5 | 4 | 3 | 1 | 28 | 18 | 10 | 64.29% | 10 | 3 | 107 | 2.8 | 9.33 | 12000 | 12000 |
| Алістэр Картэр | 1/4 фіналу: Сцюарт Бінэм 1:5 | 3 | 2 | 1 | 19 | 11 | 8 | 57.89% | 6 | 1 | 104 | 3.17 | 19 | 12000 | 12000 |
| Майкл Уайт | 1/4 фіналу: Стывен Магуайр 1:5 | 3 | 2 | 1 | 23 | 11 | 12 | 47.83% | 3 | 2 | 113 | 7.67 | 11.5 | 12000 | 12000 |
| Сцюарт Кэрынгтан | 1/8 фіналу: Марк Сэлбі 3:5 | 3 | 2 | 1 | 23 | 13 | 10 | 56.52% | 9 | 3 | 141 | 2.56 | 7.67 | 8000 | 8000 |
| Бары Хокінс | 1/8 фіналу: Стывен Магуайр 3:5 | 2 | 1 | 1 | 13 | 8 | 5 | 61.54% | 5 | 0 | 81 | 2.6 | — | 8000 | 8000 |
| Джад Трамп | 1/8 фіналу: Майкл Уайт 3:5 | 2 | 1 | 1 | 13 | 8 | 5 | 61.54% | 3 | 0 | 88 | 4.33 | — | 8000 | 8000 |
| Марк Ален | 1/8 фіналу: Дзін Цзюньхуэй 2:5 | 2 | 1 | 1 | 12 | 7 | 5 | 58.33% | 4 | 0 | 69 | 3 | — | 8000 | 8000 |
| Мэй Сівэнь | 1/8 фіналу: Раян Дэй 2:5 | 2 | 1 | 1 | 15 | 7 | 8 | 46.67% | 4 | 1 | 117 | 3.75 | 15 | 8000 | 8000 |
| Джон Хігінс | 1/8 фіналу: Алістэр Картэр 2:5 | 2 | 1 | 1 | 15 | 7 | 8 | 46.67% | 2 | 1 | 100 | 7.5 | 15 | 8000 | 8000 |
| Дэвід Гілберт | 1/8 фіналу: Сцюарт Бінэм 2:5 | 2 | 1 | 1 | 16 | 7 | 9 | 43.75% | 4 | 2 | 117 | 4 | 8 | 8000 | 8000 |
| Роні О’Саліван | 1/8 фіналу: Майкл Холт 2:5 | 2 | 1 | 1 | 16 | 7 | 9 | 43.75% | 5 | 0 | 84 | 3.2 | — | 8000 | 8000 |
| Юань Сыцзюнь | 1/16 фіналу: Марк Сэлбі 1:5 | 2 | 1 | 1 | 11 | 6 | 5 | 54.55% | 3 | 2 | 111 | 3.67 | 5.5 | 0 | 0 |
| Лян Вэньбо | 1/16 фіналу: Роні О’Саліван 4:5 | 2 | 1 | 1 | 17 | 9 | 8 | 52.94% | 2 | 0 | 80 | 8.5 | — | 6000 | 6000 |
| Курт Мэфлін | 1/16 фіналу: Алістэр Картэр 1:5 | 2 | 1 | 1 | 12 | 6 | 6 | 50% | 3 | 0 | 96 | 4 | — | 6000 | 6000 |
| Энтані Мак-Гіл | 1/16 фіналу: Марк Ален 0:5 | 2 | 1 | 1 | 10 | 5 | 5 | 50% | 2 | 1 | 133 | 5 | 10 | 6000 | 6000 |
| Марка Фу | 1/16 фіналу: Дэвід Гілберт 4:5 | 1 | 0 | 1 | 9 | 4 | 5 | 44.44% | 3 | 1 | 119 | 3 | 9 | 6000 | 0 |
| Рыкі Уолдэн | 1/16 фіналу: Майкл Уайт 4:5 | 1 | 0 | 1 | 9 | 4 | 5 | 44.44% | 4 | 0 | 98 | 2.25 | — | 6000 | 0 |
| Джо Пэры | 1/16 фіналу: Сцюарт Кэрынгтан 4:5 | 1 | 0 | 1 | 9 | 4 | 5 | 44.44% | 3 | 0 | 64 | 3 | — | 6000 | 0 |
| Скот Дональдсан | 1/16 фіналу: Дзін Цзюньхуэй 4:5 | 1 | 0 | 1 | 9 | 4 | 5 | 44.44% | 1 | 0 | 56 | 9 | — | 6000 | 6000 |
| Мэцью Сэлт | 1/16 фіналу: Джон Хігінс 3:5 | 1 | 0 | 1 | 8 | 3 | 5 | 37.5% | 3 | 0 | 73 | 2.67 | — | 6000 | 6000 |
| Марк Уільямс | 1/16 фіналу: Мэй Сівэнь 3:5 | 1 | 0 | 1 | 8 | 3 | 5 | 37.5% | 0 | 0 | <50 | — | — | 6000 | 0 |
| Кайрэн Уілсан | 1/16 фіналу: Майкл Холт 2:5 | 1 | 0 | 1 | 7 | 2 | 5 | 28.57% | 1 | 1 | 101 | 7 | 7 | 6000 | 0 |
| Ніл Робертсан | 1/16 фіналу: Раян Дэй 2:5 | 1 | 0 | 1 | 7 | 2 | 5 | 28.57% | 0 | 0 | <50 | — | — | 6000 | 0 |
| Шон Мёрфі | 1/16 фіналу: Стывен Магуайр 0:5 | 1 | 0 | 1 | 5 | 0 | 5 | 0% | 1 | 0 | 57 | 5 | — | 6000 | 0 |
| Бэн Вуластан | 1/16 фіналу: Джад Трамп 0:5 | 1 | 0 | 1 | 5 | 0 | 5 | 0% | 1 | 0 | 54 | 5 | — | 6000 | 6000 |
| Роберт Мілкінс | 1/16 фіналу: Бары Хокінс 0:5 | 1 | 0 | 1 | 5 | 0 | 5 | 0% | 0 | 0 | <50 | — | — | 6000 | 6000 |
| Джэймі Джонс | 1/16 фіналу: Сцюарт Бінэм 0:5 | 1 | 0 | 1 | 5 | 0 | 5 | 0% | 0 | 0 | <50 | — | — | 6000 | 6000 |
| Ху Хаа | Уайлдкард-раўнд: Лян Вэньбо 3:5 | 1 | 0 | 1 | 8 | 3 | 5 | 37.5% | 2 | 0 | 68 | 4 | — | 0 | 0 |
| Сюй Сы | Уайлдкард-раўнд: Майкл Холт 1:5 | 1 | 0 | 1 | 6 | 1 | 5 | 16.67% | 1 | 0 | 59 | 6 | — | 0 | 0 |
| Ма Бін | Уайлдкард-раўнд: Раян Дэй 1:5 | 1 | 0 | 1 | 6 | 1 | 5 | 16.67% | 0 | 0 | <50 | — | — | 0 | 0 |
| Ню Чжуан | Уайлдкард-раўнд: Сцюарт Кэрынгтан 1:5 | 1 | 0 | 1 | 6 | 1 | 5 | 16.67% | 0 | 0 | <50 | — | — | 0 | 0 |
| Гуань Чжэнь | Уайлдкард-раўнд: Курт Мэфлін 1:5 | 1 | 0 | 1 | 6 | 1 | 5 | 16.67% | 0 | 0 | <50 | — | — | 0 | 0 |
| Мартын Гоўлд | Уайлдкард-раўнд: Юань Сыцзюнь 0:5 | 1 | 0 | 1 | 5 | 0 | 5 | 0% | 0 | 0 | <50 | — | — | 6000 | 6000 |
| Сюй Ічэнь | Уайлдкард-раўнд: Стывен Магуайр 0:5 | 1 | 0 | 1 | 5 | 0 | 5 | 0% | 0 | 0 | <50 | — | — | 0 | 0 |
| Чэнь Цзыфань | Уайлдкард-раўнд: Энтані Мак-Гіл 0:5 | 1 | 0 | 1 | 5 | 0 | 5 | 0% | 0 | 0 | <50 | — | — | 0 | 0 |
Статыстыка паводле краін
| Краіна | 1/16 фіналу | 1/8 фіналу | Чвэрцьфіналы | Паўфіналы | Фінал | |||||
|---|---|---|---|---|---|---|---|---|---|---|
| Англія | 16 удзельнікаў (50%) | 9 удзельнікаў (56.25%) | 4 удзельнікі (50%) | 2 удзельнікі (50%) | 1 удзельнік (50%) | |||||
| 9 перамог — 7 паразаў (+7) | 4 перамогі — 5 паразаў (-1) | 2 перамогі — 2 паразы (0) | 1 перамога — 1 параза (0) | 0 перамог — 1 параза (-4) | ||||||
| Сцюарт Бінэм (5:0) Джад Трамп (5:0) Бары Хокінс (5:0) Алістэр Картэр (5:1) Марк Сэлбі (5:1) Майкл Холт (5:2) Дэвід Гілберт (5:4) Сцюарт Кэрынгтан (5:4) Роні О’Саліван (5:4) | Джо Пэры (4:5) Рыкі Уолдэн (4:5) Мэцью Сэлт (3:5) Кайрэн Уілсан (2:5) Бэн Вуластан (0:5) Шон Мёрфі (0:5) Роберт Мілкінс (0:5) | Сцюарт Бінэм (5:2) Алістэр Картэр (5:2) Майкл Холт (5:2) Марк Сэлбі (5:3) | Сцюарт Кэрынгтан (3:5) Джад Трамп (3:5) Бары Хокінс (3:5) Дэвід Гілберт (2:5) Роні О’Саліван (2:5) | Сцюарт Бінэм (5:1) Марк Сэлбі (5:3) | Майкл Холт (3:5) Алістэр Картэр (1:5) | Марк Сэлбі (6:5) | Сцюарт Бінэм (5:6) | Марк Сэлбі (6:10) | ||
| Кітай | 4 удзельнікі (12.5%) | 2 удзельнікі (12.5%) | 1 удзельнік (12.5%) | 1 удзельнік (25%) | 1 удзельнік (50%) | |||||
| 2 перамогі — 2 паразы (-2) | 1 перамога — 1 параза (0) | 1 перамога — 0 паразаў (+2) | 1 перамога — 0 паразаў (+3) | 1 перамога — 0 паразаў (+4) | ||||||
| Мэй Сівэнь (5:3) Дзін Цзюньхуэй (5:4) | Лян Вэньбо (4:5) Юань Сыцзюнь (1:5) | Дзін Цзюньхуэй (5:2) | Мэй Сівэнь (2:5) | Дзін Цзюньхуэй (5:3) | Дзін Цзюньхуэй (6:3) | Дзін Цзюньхуэй (10:6) | ||||
| Шатландыя | 4 удзельнікі (12.5%) | 2 удзельнікі (12.5%) | 1 удзельнік (12.5%) | 1 удзельнік (25%) | ||||||
| 2 перамогі — 2 паразы (+1) | 1 перамога — 1 параза (-1) | 1 перамога — 0 паразаў (+4) | 0 перамог — 1 параза (-3) | |||||||
| Стывен Магуайр (5:0) Джон Хігінс (5:3) | Скот Дональдсан (4:5) Энтані Мак-Гіл (0:5) | Стывен Магуайр (5:3) | Джон Хігінс (2:5) | Стывен Магуайр (5:1) | Стывен Магуайр (3:6) | |||||
| Уэльс | 4 удзельнікі (12.5%) | 2 удзельнікі (12.5%) | 2 удзельнікі (25%) | |||||||
| 2 перамогі — 2 паразы (-3) | 2 перамогі — 0 паразаў (+5) | 0 перамог — 2 паразы (-6) | ||||||||
| Раян Дэй (5:2) Майкл Уайт (5:4) | Марк Уільямс (3:5) Джэймі Джонс (0:5) | Раян Дэй (5:2) Майкл Уайт (5:3) | Раян Дэй (3:5) Майкл Уайт (1:5) | |||||||
| Паўночная Ірландыя | 1 удзельнік (3.13%) | 1 удзельнік (6.25%) | ||||||||
| 1 перамога — 0 паразаў (+5) | 0 перамог — 1 параза (-3) | |||||||||
| Марк Ален (5:0) | Марк Ален (2:5) | |||||||||
| Ганконг | 1 удзельнік (3.13%) | |||||||||
| 0 перамог — 1 параза (-1) | ||||||||||
| Марка Фу (4:5) | ||||||||||
| Аўстралія | 1 удзельнік (3.13%) | |||||||||
| 0 перамог — 1 параза (-3) | ||||||||||
| Ніл Робертсан (2:5) | ||||||||||
| Нарвегія | 1 удзельнік (3.13%) | |||||||||
| 0 перамог — 1 параза (-4) | ||||||||||
| Курт Мэфлін (1:5) | ||||||||||
Агульная статыстыка
| Кваліфікацыя | УК раўнд | 1/16 фіналу | 1/8 фіналу | Чвэрцьфіналы | Паўфіналы | Фінал | Увогуле | |
|---|---|---|---|---|---|---|---|---|
| Колькасць гульцоў | 112 | 16 | 32 | 16 | 8 | 4 | 2 | 40 |
| Колькасць матчаў | 95 | 8 | 16 | 8 | 4 | 2 | 1 | 39 |
| Колькасць фрэймаў | 696 (855) | 47 (72) | 112 (144) | 59 (72) | 28 (36) | 20 (22) | 16 (19) | 282 (365) |
| Сярэдняя колькасць фрэймаў у матчы | 7.33 | 5.88 | 7 | 7.38 | 7 | 10 | 16 | 7.23 |
| Самая буйная перамога | 5:0 (13) | 5:0 (3) | 5:0 (5) | 5:2 (5) | 5:1 (2) | 6:3 (1) | 10:6 (1) | 5:0 (8) |
| Колькасць матчаў з вырашальнымі партыямі | 26 | 0 | 5 | 0 | 0 | 1 | 0 | 6 |
| Колькасць брэйкаў 50+ | 314 | 25 | 56 | 37 | 12 | 13 | 13 | 156 |
| Колькасць соценных брэйкаў | 28 | 10 | 15 | 4 | 1 | 1 | 3 | 34 |
| Найвышэйшы брэйк | 136 (Холт) | 147 (Магуайр) | 124 (Бінэм) | 120 (Сэлбі) | 103 (Дзін) | 123 (Бінэм) | 115 (Дзін) | 147 (Магуайр) |
| Сярэдняя колькасць паўсоценных брэйкаў у матчы | 3.31 | 3.13 | 3.5 | 4.63 | 3 | 6.5 | 13 | 4 |
| Сярэдняя колькасць соценных брэйкаў у матчы | 0.29 | 1.25 | 0.94 | 0.5 | 0.25 | 0.5 | 3 | 0.87 |
| Удзельная паўсоценная сярыйнасць (Ф/50+) | 2.22 | 1.88 | 2 | 1.59 | 2.33 | 1.54 | 1.23 | 1.81 |
| Удзельная соценная сярыйнасць (Ф/100+) | 24.86 | 4.7 | 7.47 | 14.75 | 28 | 20 | 5.33 | 8.29 |
Змены ў рэйтынгу
У табліцы прадстаўлены змены ў сусветным рэйтынгу ў рамках топ-64 пад дзеяннем вынікаў Шанхай Мастэрс 2016.
| Гулец | АДТ | МДТ | СА | НА | АПТ | МПТ | ЗР |
|---|---|---|---|---|---|---|---|
| Марк Сэлбі | 675150 | 1 | 19500 | 35000 | 690650 | 1 | ▬ |
| Сцюарт Бінэм | 582034 | 2 | 85000 | 19500 | 516534 | 2 | ▬ |
| Шон Мёрфі | 455308 | 3 | 8000 | 0 | 447308 | 3 | ▬ |
| Джад Трамп | 401166 | 4 | 0 | 8000 | 409166 | 4 | ▬ |
| Джон Хігінс | 400725 | 5 | 0 | 8000 | 408725 | 5 | ▬ |
| Дзін Цзюньхуэй | 311425 | 9 | 19500 | 85000 | 376925 | 6 |  3 |
| Ніл Робертсан | 359582 | 7 | 0 | 0 | 359582 | 7 | ▬ |
| Марк Ален | 363592 | 6 | 35000 | 8000 | 336592 | 8 |  2 |
| Рыкі Уолдэн | 312208 | 8 | 0 | 0 | 312208 | 9 | 1 |
| Роні О’Саліван | 294333 | 11 | 0 | 8000 | 302333 | 10 | 1 |
| Джо Пэры | 295133 | 10 | 0 | 0 | 295133 | 11 | 1 |
| Марка Фу | 243750 | 13 | 0 | 0 | 243750 | 12 | 1 |
| Марк Уільямс | 251008 | 12 | 8000 | 0 | 243008 | 13 | 1 |
| Алістэр Картэр | 214200 | 15 | 0 | 12000 | 226200 | 14 | 1 |
| Кайрэн Уілсан | 226924 | 14 | 1750 | 0 | 225174 | 15 | 1 |
| Бары Хокінс | 213525 | 16 | 0 | 8000 | 221525 | 16 | ▬ |
| Энтані Мак-Гіл | 193125 | 18 | 1750 | 6000 | 197375 | 17 | 1 |
| Мартын Гоўлд | 196559 | 17 | 8000 | 6000 | 194559 | 18 | 1 |
| Стывен Магуайр | 179250 | 20 | 8000 | 19500 | 190750 | 19 | 1 |
| Лян Вэньбо | 179584 | 19 | 6000 | 6000 | 179584 | 20 | 1 |
| Майкл Уайт | 175258 | 21 | 12000 | 12000 | 175258 | 21 | ▬ |
| Дэвід Гілберт | 166792 | 22 | 0 | 8000 | 174792 | 22 | ▬ |
| Раян Дэй | 153357 | 24 | 8000 | 12000 | 157357 | 23 | 1 |
| Мэцью Сэлт | 155300 | 23 | 6000 | 6000 | 155300 | 24 | 1 |
| Роберт Мілкінс | 147366 | 27 | 0 | 6000 | 153366 | 25 | 2 |
| Майкл Холт | 145683 | 28 | 8000 | 12000 | 149683 | 26 | 2 |
| Бэн Вуластан | 137599 | 29 | 1750 | 6000 | 141849 | 27 | 2 |
| Алан Мак-Манус | 152934 | 25 | 12000 | 0 | 140934 | 28 | 3 |
| Грэм Дот | 151933 | 26 | 12000 | 0 | 139933 | 29 | 3 |
| Марк Дэвіс | 136791 | 30 | 0 | 0 | 136791 | 30 | ▬ |
| Пітэр Эбдан | 126842 | 32 | 0 | 0 | 126842 | 31 | 1 |
.svg) Лука Брэсэль | 128299 | 31 | 2500 | 0 | 125799 | 32 | 1 |
 Цепчая Ун-Ну | 126541 | 33 | 2500 | 0 | 124041 | 33 | ▬ |
| Джымі Робертсан | 106650 | 34 | 6000 | 3000 | 103650 | 34 | ▬ |
| Марк Кінг | 99984 | 35 | 0 | 3000 | 102984 | 35 | ▬ |
| Джэймі Джонс | 90283 | 39 | 2500 | 6000 | 93783 | 36 | 3 |
| Том Форд | 90558 | 38 | 0 | 0 | 90558 | 37 | 1 |
| Майк Дан | 90958 | 37 | 2500 | 0 | 88458 | 38 | 1 |
| Гэры Уілсан | 86141 | 40 | 0 | 0 | 86141 | 39 | 1 |
| Дамінік Дэйл | 91642 | 36 | 8000 | 2000 | 85642 | 40 | 4 |
| Мэцью Стывенс | 78766 | 42 | 0 | 3000 | 81766 | 41 | 1 |
| Курт Мэфлін | 76600 | 44 | 1750 | 6000 | 80850 | 42 | 2 |
| Дэчават Пумджаенг | 76424 | 45 | 2500 | 2000 | 75924 | 43 | 2 |
| Джэк Лісоўскі | 78016 | 43 | 6000 | 3000 | 75016 | 44 | 1 |
| Марк Джойс | 71383 | 50 | 0 | 2000 | 73383 | 45 | 5 |
| Род Лоўлер | 72624 | 47 | 1750 | 2000 | 72874 | 46 | 1 |
| Чжоу Юэлун | 71925 | 49 | 400 | 0 | 71525 | 47 | 2 |
| Сэм Бэйрд | 73274 | 46 | 1750 | 0 | 71524 | 48 | 2 |
| Сяа Гадун | 68542 | 55 | 0 | 2000 | 70542 | 49 | 6 |
| Цянь Пэнфэй | 72133 | 48 | 1750 | 0 | 70383 | 50 | 2 |
| Робі Уільямс | 69316 | 52 | 1750 | 2000 | 69566 | 51 | 1 |
 Фергал О’Браен | 79333 | 41 | 12000 | 2000 | 69333 | 52 | 11 |
| Роры Мак-Лаўд | 68708 | 54 | 1750 | 2000 | 68958 | 53 | 1 |
| Лі Хан | 70375 | 51 | 6000 | 2000 | 66375 | 54 | 3 |
| Дэвід Грэйс | 64516 | 57 | 0 | 0 | 64516 | 55 | 2 |
| Эндру Хігінсан | 67200 | 56 | 6000 | 3000 | 64200 | 56 | ▬ |
| Джо Свэйл | 69158 | 53 | 6000 | 0 | 63158 | 57 | 4 |
| Сцюарт Кэрынгтан | 56117 | 61 | 2500 | 8000 | 61617 | 58 | 3 |
| Джэймі Бёрнэт | 58108 | 59 | 0 | 0 | 58108 | 59 | ▬ |
| Кен Доэрці | 63233 | 58 | 6000 | 0 | 57233 | 60 | 2 |
| Олівер Лайнс | 56725 | 60 | 0 | 0 | 56725 | 61 | 1 |
| Робін Хал | 54066 | 63 | 400 | 0 | 53666 | 62 | 1 |
| Ян Бэрнс | 54783 | 62 | 1750 | 0 | 53033 | 63 | 1 |
| Юй Дэлу | 49900 | 64 | 0 | 0 | 49900 | 64 | ▬ |