Часопіс

У адпаведнасці з ДАСТ 7.60-2003 «Друкаваныя выданні» «перыядычнае часопіснае выданне, якое мае пастаянную рубрыкацыю і змяшчае артыкулы або рэфераты па розных грамадска-палітычных, навуковых, вытворчых і інш. пытаннях, літаратурна-мастацкія творы».

Першым часопісам у свеце лічыцца амерыканскі The Gentleman's Magazine, першы нумар якога ўбачыў свет у 1731.

Як і газета, часопіс з'яўляецца адным з асноўных сродкаў масавай інфармацыі і прапаганды, аказвае ўплыў на грамадскае меркаванне, фармуючы яго ў адпаведнасці з інтарэсамі пэўных ідэалагічных груп, грамадскіх класаў, палітычных партый, арганізацый. Са з'яўленнем тэхналогій кампутарнай вёрсткі і распаўсюджваннем камерцыйных друкарняў з магчымасцю поўнакаляровага друку, часопісы сталі асноўным рэкламным носьбітам для тавараў класа «прэміум» і «лакшары». Як правіла, адрасаваныя строга пэўным групам чытачоў, яны з'яўляюцца альбо сусветнымі і агульнадзяржаўнымі выданнямі, альбо рэкламнымі каталогамі.

Са з'яўленнем Інтэрнэту часопісы сталі з'яўляцца і ў сеціве. Спачатку на сайтах сталі выкладваць архівы друкаваных выданняў, пазней сталі з'яўляцца анлайн-часопісы. Яны не выходзілі ў друкаваным выглядзе, а існавалі выключна на прасторах сусветнай сеткі Інтэрнэт. Цяпер некаторыя з іх маюць аўдыторыю ў некалькі разоў большую, чым аналагічныя друкаваныя выданні.

 

Часопісы, як і газеты, класіфікуюцца:

• па перыядычнасці — не бывае штодзённых часопісаў, толькі штотыднёвыя і штомесячныя, а таксама такія, што выходзяць раз у два месяцы або радзей;
• па фармату;
• па тэматыцы;
• па характары падачы інфармацыі (стыль).

З-за таго, што часопісы выходзяць у свет радзей, чым газеты, яны адрозніваюцца нізкай аператыўнасцю падачы інфармацыі, затое ў іх больш магчымасцяў для падрабязнага аналізу падзей, разважанняў, падвядзення вынікаў і г . д.

• Рубрыка
• Інтэрнэт-часопіс
• Навуковы часопіс
• Тэлечасопіс
• ISSN
• Перыёдыка на штучных мовах

• Мазаев М.Н., Лященко А. И. Журнал // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Сайт «Фаліянты» Архівавана 1 жніўня 2013. — выразкі са старых газет і часопісаў

	Часопіс на Вікісховішчы