Уэйн Руні: англійскі футбаліст і трэнер

24 кастрычніка 1985, Ліверпул, Англія) — англійскі футбаліст (нападнік) і трэнер. Ігрок нацыянальнай зборнай Англіі (2003—2018). У цяперашні час працуе галоўным трэнерам клуба «Бірмінгем Сіці».

Уэйн Руні
Агульная інфармацыя
Поўнае імя	Уэйн Марк Руні
Нарадзіўся	24 кастрычніка 1985(1985-10-24) (38 гадоў) Ліверпул, раён Ліверпул[d], Мерсісайд, Англія, Вялікабрытанія
Грамадзянства	Англія
Рост	176 см
Вага	83 кг
Пазіцыя	нападнік
Інфармацыя пра клуб
Клуб	Бірмінгем Сіці
Пасада	галоўны трэнер
Маладзёжныя клубы
Коплхаўс Бойз 1996—2002 Эвертан
Клубная кар’ера
2002—2004 Эвертан 67 (15) 2004—2017 Манчэстэр Юнайтэд 393 (183) 2017—2018 Эвертан 31 (10) 2018—2019 Дзі Сі Юнайтэд 48 (23) 2020—2021 Дэрбі Каўнці 30 (6)
Нацыянальная зборная
2000—2001 Англія (да 15) 4 (2) 2001—2002 Англія (да 17) 12 (7) 2002 Англія (да 19) 1 (0) 2003—2018 Англія 120 (53)
Трэнерская кар’ера
2020—2022 Дэрбі Каўнці 2022—2023 Дзі Сі Юнайтэд 2023— Бірмінгем Сіці
Медыяфайлы на Вікісховішчы

Уэйн вырас у Крокстэце, у адным з раёнаў Ліверпула, у сям’і пралетарыяў. З 1997 па 2002 гады навучаўся ў Дэласальскім гуманітарным каледжы, дзе пазней таксама навучаліся два яго малодшыя браты Грэм і Джон. З дзяцінства Руні быў заўзятарам клуба «Эвертан», а яго кумірам быў шатландскі нападнік Данкан Фергюсан.

У малодшым школьным узросце Уэйн гуляў за клубы «Ліверпул Скулбойз» і «Дынама Браўнінгз». На сваё адзінаццацігоддзе перайшоў у футбольную акадэмію «Эвертана». Усеагульная вядомасць прыйшла да Руні 19 кастрычніка 2002 года, калі ён ва ўзросце 16 гадоў і 360 дзён забіў гол у браму дзейнага чэмпіёна «Арсенала», стаўшы на той момант самым маладым галеадорам Англіі. З 2004 года на працягу доўгага часу выступаў за клуб «Манчэстэр Юнайтэд», дзе пазней стаў капітанам, а таксама найлепшым бамбардзірам клуба ў гісторыі.

У ліпені 2017 года вярнуўся ў «Эвертан», падпісаўшы двухгадовы кантракт. У чэрвені 2018 года перайшоў у амерыканскі клуб «Дзі Сі Юнайтэд».

У студзені 2020 года вярнуўся ў Англію, афіцыйна стаўшы іграком «Дэрбі Каўнці», дзе таксама ўвайшоў у трэнерскі штаб. У лістападзе 2020 года пасля звальнення Філіпа Каку ўвайшоў у часовы трэнерскі штаб клуба, а ў студзені 2021 года афіцыйна завяршыў гульнявую кар’еру і ўзначаліў каманду.

Выступаў за юнацкія зборныя Англіі, а 12 лютага 2003 года дэбютаваў у нацыянальнай зборнай у таварыскім матчы супраць Аўстраліі. Прымаў удзел у чэмпіянатах Еўропы 2004, 2012 і 2016, чэмпіянатах свету 2006, 2010 і 2014. У жніўні 2014 года быў прызначаны капітанам зборнай пасля таго, як Стывен Джэрард завяршыў міжнародную кар’еру. Пасля лістапада 2016 года не гуляў за нацыянальную каманду, і ў жніўні 2017 года вырашыў завяршыць кар’еру ў зборнай. 15 лістапада 2018 года правёў развітальны матч за зборную Англіі, выйшаўшы на замену ў другім тайме ў таварыскім матчы супраць ЗША.

Пасля завяршэння кар’еры ў студзені 2021 года стаў галоўным трэнерам «Дэрбі Каўнці». Пакінуў каманду ў чэрвені 2022 года пасля таго, як яна страціла месца ў Чэмпіёншыпе.

У ліпені 2022 года ўзначаліў амерыканскі «Дзі Сі Юнайтэд». У кастрычніку 2023 года па пагадненні бакоў пакінуў клуб і неўзабаве стаў галоўным трэнерам «Бірмінгем Сіці».

• Чэмпіён Англіі (5): 2007, 2008, 2009, 2011, 2013
• Уладальнік Кубка Англіі: 2016
• Уладальнік Кубка Футбольнай лігі (3): 2006, 2010, 2017
• Уладальнік Суперкубка Англіі (4): 2007, 2010, 2011, 2016
• Пераможца Лігі чэмпіёнаў: 2008
• Пераможца Лігі Еўропы: 2017
• Пераможца клубнага чэмпіянату свету: 2008