Канстанцін Аляксеевіч Аляксееўскі
Канстанці́н Аляксе́евіч Аляксе́еўскі (15 верасня 1855, Віленская губерня — пасля 1918) — вайсковец, генерал-лейтэнант (1916).
Удзельнік беларускага нацыянальнага руху пачатку XX ст.
| Канстанцін Аляксеевіч Аляксееўскі | ||||||
|---|---|---|---|---|---|---|
 | ||||||
| Дата нараджэння | 15 верасня 1855 | |||||
| Месца нараджэння | ||||||
| Дата смерці | пасля 1918 | |||||
| Альма-матар | ||||||
| Грамадзянства | ||||||
| Прыналежнасць | Расійская імперыя | |||||
| Род войскаў | артылерыя | |||||
| Гады службы | 1873—1917 | |||||
| Званне | генерал-лейтэнант | |||||
| Камандаваў | Старшыня артылерыі Свеаборгскай крэпасці | |||||
| Узнагароды і званні |
| |||||
 Творы ў Вікікрыніцах | ||||||
Біяграфія
Праваслаўны дваранін. Адукацыю атрымаў у Полацкай вайсковай гімназіі. Скончыў Другое Канстанцінаўскае ваеннае вучылішча (1875). У 1908—1911 гадах — камандзір 1-й Уладзівастоцкай крапасной артылерыйскай брыгады. Начальнік артылерыі Свеаборгскай крэпасці з 1911 года. Увесну 1917 года ў Выбаргу далучыўся да арганізацыі матросаў-беларусаў Балтыйскага флоту. Выбраны ў склад Савета старэйшын на Першым Усебеларускім з’ездзе ў снежні 1917 года. Заклікаў «адрадзіць беларускую дзяржаву», на з’ездзе выступіў у абарону беларускага нацыянальнага бела-чырвона-белага сцяга. Аўтар «Успамінаў пра Усебеларускі з’езд у г. Мінску» ў газеце «Чырвоны шлях» (1918, № 1—2). У 1918 годзе быў запрошаны Радай БНР у Менск для фарміравання беларускай нацыянальнай арміі. Далейшы лёс невядомы.
Зноскі
Літаратура
- Баршчэўскі А. Беларуская эміграцыйная пісьмовасьць. Ч.1. — Варшава: Кафедра беларускай філалогіі Факультэт прыкладной лінгвістыкі і усходнеславянскіх філалогій Варшаўскі ўніверсітэт, 2004. ISBN 83-920472-1-4
- Скалабан В. У. Аляксееўскі Канстанцін Аляксеевіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. С. 111
Спасылкі
- Алексеевский К. Воспоминание о Всебелорусском съезде в г. Минске. pawet.net. Архівавана з першакрыніцы 25 снежня 2017. Праверана 25 снежня 2017.
- Лаўрэш Леанід. Генералы БНР // НАША СЛОВА № 5 (1364), 31 студзеня 2018. // на pawet.net
This article uses material from the Wikipedia Беларуская article Канстанцін Аляксеевіч Аляксееўскі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.