Босра: горад у Сірыі

Горад Босра араб. بصرى‎‎ Краіна  Сірыя Правінцыя Дэр'а Каардынаты HGЯO Вышыня цэнтра 850 м Насельніцтва 19 683 чал. (2004) Часавы пояс UTC+2 Тэлефонны код 15 Босра на карце Сірыі

Медыяфайлы на Вікісховішчы

Упершыню паселішча згадваецца ў дакументах часоў Тутмоса III і Аменхатэпа II (XIV стагоддзе да н.э.). Басра заснавана набацеямі. Зручнае геаграфічнае становішча на скрыжаванні гандлёвых шляхоў забяспечыла гораду росквіт. Апошні набацейскі ўладар Рабель II перанёс сюды сваю сталіцу. Пасля яго смерці ў 106 годзе Набацейскае царства было ператворана ў рымскую правінцыю Аравію, а Босра стала яе сталіцай. Тут знаходзілася рэзідэнцыя намесніка, а таксама лагер III Кірэнаіцкага легіёна. У горадзе былі пабудаваны тэатр, лазні, рынкавы пляц і іншыя атрыбуты рымскай цывілізацыі.

У пачатку IV ст. тут знаходзілася рэзідэнцыя біскупа.

Быў заваяваны імперыяй Сасанідаў у пачатку VII стагоддзя.

Мусульманскае паданне згадвае, што прарок Махамед у дзяцінстве наведваў Босру з караванам. Манах Бахіра, які жыў тут, прымаў падарожнікаў у сябе і першым прызнаў у юнаку прарока. Канчаткова горад заваявала войска Арабскага халіфата пад камандаваннем Халід ібн Валіда у бітве пад Босрай у 634 годзе.

Сёння Босра — важны археалагічны помнік, дзе знаходзяцца руіны рымскіх, візантыйскіх і мусульманскіх часоў. У горадзе размешчаны адзін з найбольш добра захаваных у свеце рымскіх тэатраў. Кожны год у тэатры адбываецца нацыянальны музычны фэст.

• Бітва пад Адрыятам (614)

• Інфармацыя, фатаграфіі і навіны Босры Архівавана 21 мая 2011.