Астранамічны Аб’ект
Нябеснае цела (ці дакладней астранамічны аб’ект) — матэрыяльны аб’ект, які сфармаваўся натуральным чынам у касмічнай прасторы.
Да нябесных целаў можна аднесці каметы, планеты, метэарыты, астэроіды, зоркі і іншае. Нябесныя целы вывучае астраномія.
| ||||||||
| Клікабельны калаж астранамічных цел і аб’ектаў |
Апісанне
Памеры нябесных целаў розныя — ад велізарных да малюсенькіх. Самымі вялікімі з’яўляюцца, як правіла, зоркі, самымі маленькімі — метэарыты. Нябесныя целы аб’ядноўваюць у сістэмы ў залежнасці ад таго, што гэтыя целы сабой уяўляюць.
| Нябеснае цела | Сістэма | Прыклад |
|---|---|---|
| Планеты | Зоркавыя сістэмы | Сонечная сістэма |
| Астэроіды | Астэроідныя пояса | Пояс у Сонечнай сістэме (паміж арбітамі Марса і Юпітэра) |
| Зоркі | Галактыкі | Галактыка «Млечны шлях» |
| Каметы | Каметныя пояса (пояса са «змёрзлымі камянямі») | Пояс Койпера |
На верхняй выяве справа ад табліцы паказана мадэль Сонечнай сістэмы. Яна складаецца з зоркі (Сонца), вакол якой па арбітах перамаяшчаюцца планеты. Вакол некаторых планет, як, напрыклад, вакол Зямлі, абарочваюцца натуральныя спадарожнікі, якія таксама з’яўляюцца нябеснымі целамі. Паміж арбітамі Марса і Юпітэра існуе астэроідны пояс, які складаецца з асобных целаў — астэроідаў, якія таксама верцяцца вакол Сонца. Існуе гіпотэза, што пояс астэроідаў узнік з-за таго, што ў Сонечнай сістэме была яшчэ адна планета, якая спыніла сваё існаванне (па іншай тэорыі гэта планета, якая не паспелая сфармавацца). Некаторыя планеты (такія як Сатурн) маюць пылавыя кольцы, якія рухаюцца вакол гэтых планет па арбітах. Гэтыя кольцы можна параўнаць з вышэйзгаданым астэроідным поясам, толькі ў гэтым выпадку вакол планеты абарочваюцца целы, памеры якіх значна менш, чым памеры астэроідаў.
Астранамічныя аб’екты
| Аб’екты Сонечнай сістэмы | Пазасонечныя аб’екты | ||
|---|---|---|---|
| Простыя аб’екты | Састаўныя аб’екты | Прасторавыя аб’екты | |
|
|
|
|
Гл. таксама
This article uses material from the Wikipedia Беларуская article Астранамічны аб’ект, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.