Ojeto Astronòmego

Dezanbìgua – Se te serchi altri signifegari, védarse Astro

Un ojeto cełeste (dal latin caelum: sieło o ceło) o ojeto astronòmego el ze un'entità fìzega naturałe, un'asociasion o na strutura ła cuała ezistensa inte l'universo oservàbiłe ła ze sta confermada da łe atuałi conosense sientìfeghe.

De łe volte par l'isteso conceto se dopara anca ła dision "corpo cełeste", anca se in zenere se preferise el tèrmano "corpo" cuando se se referise a na strutura unitària tegnesta insieme da ła forsa de gravità (o da ła forsa ełetromagnètega) cofà inte el cazo de asteròidi, satèłiti naturałi, pianeti e stełe.

I ojeti cełesti i ze struture ligae gravitasionalmente che łe ze asociae a na pozision inte el spàsio, ma łe połe constar de sìngułi ojeti o corpi. Sti ojeti i va da sìngułi pianeti, cùmułi stełari, nebułoze o intiere gałàsie. Le gałàsie a so volta łe ze ordenae in na strutura zeràrchega de l'universo, che ła include cùmułi e superamasi de gałàsie oncor-pì organizai in grandi fiłamenti, łe struture pì estendeste atualmente conoseste.

Na cometa ła połe vegner descrivesta cofà un corpo cełeste, se se referìsimo solché inte al so nùcleo jasà e a łe pólvari, o mejo cofà "ojeto" cuando ła se consìdera inte el so insieme includindo el nùcleo, ła cioma e ła coa.

Racuanti ojeti cełesti, cofà Temi e Neith, i ze considerai, a ła vedesta de łe ùlteme descuerte sientìfeghe, totalmente inezistenti. In altri cazi, cofà par Pluton e Cèrere, ła ze sta stabiłia na clasifegasion difarente da cueła adotada precedentemente.

De sevente ghe ze na clasifegasion in schema de łe prinsipałi categorie de ojeti astronòmeghi conosesti. I ze par de pì stai reportai anca i prinsipałi corpi cełesti del Sistema sołare.

• Astro