Bati Marso

Sta tradision, ła par che ła vegna da l'antigo całendario doparà da i Romani prima de Giulio Cesare, całendario che el faxea scominsiar l'ano da el méxe de marso (e defati in sta maniera i mesi de setenbre, otobre, novenbre e disenbre i vien a èsar efetivamente i méxi numaro sete, oto, nove e diexe come el dixe el nome). Par no far confuxion, i Vèneti de na òlta in parte a ła data i ghe scrivéa more veneto, overosìpa, łiteralmente, "a ła maniera Veneta". Donca, ła data, par dir, de el "14 febraro 1703", a Venesia ła deventava "14 febraro 1702 more veneto", parché el febraro el xera efetivamente l'ultimo méxe de l'ano vecio, e el 1703 el scominsiava soło in marso.

Ła festa del Bati Marso ła capitea apunto inte i ultimi dì de l'ano, e ła prevedéa de 'ndar in giro par łe strade smacando su cuerciołi, pegnate e altri strumenti muxicałi "fati in caxa" faxendo un gran bacàn, co l'intento de far scapar via l'inverno e el fredo e propisiarse l'arivo de ła bea stajon, par poder scuminsiar i łaori 'gricoi.

Inte i ultimi ani, serti grupi culturałi i xe drio sercar de far rivivar el Cao de ano Vèneto e ri-scoerxer ła vecia tradision, che col pasar dei ani ła xera drio 'ndar in desmentegon.

Comunicando (Mensile onlain de ła provincia de Padoa) - Bati Marso 2007 (ligo ronpesto dispunìbiłe in Internet Archive; védarse el istòrego, la prima version e ła ùltema).