Аўстрыя зьяўляецца адной з 11 самых багатых краін па аб’ёме СУП (Сукупны ўнутраны прадукт) на душу насельніцтва, мае добра разьвітую сацыяльна-арыентаваную рынкавую эканоміку і высокі ўзровень жыцьця.
Да 1980-х гадоў многія з найбуйнейшых прамысловых прадпрыемстваў Аўстрыі былі нацыяналізаваныя, аднак у апошнія гады прыватызацыя скараціла дзяржаўную маёмасьць да ўзроўню, супастаўнага зь іншымі эўрапейскімі эканомікамі. У Аўстрыі асабліва моцны рух працоўных, які мае вялікі ўплыў на працоўную палітыку. Разам з высокаразьвітой прамысловасьцю найбольш важнай часткай нацыянальнай эканомікі зьяўляецца міжнародны турызм.
Гістарычна галоўным гандлёвым партнэрам Аўстрыі была Нямеччына, што робіць аўстрыйскую эканоміку ўразьлівай да зьменаў у эканоміцы Нямеччыны. Аднак сяброўства Аўстрыі ў Эўрапейскім Зьвязе дапамагло ёй набыць больш цесныя сувязі з эканомікамі іншых дзяржаваў-членаў ЭЗ. У 2000-х гадах рост МУП Аўстрыі паскорыўся, склаўшы 3,3% у 2006 годзе.
У 2004 годзе Аўстрыя была чацьвёртай сярод самых багатых краінаў у Эўрапейскім Зьвязе пасьля Люксэмбургу, Ірляндыі і Нідэрляндаў, маючы СУП на душу насельніцтва каля €27666. У сваю чаргу сталіца Аўстрыі Вена заняла пятае месца сярод самых багатых рэгіёнаў Эўропы пасьля Унутранага Лёндану, Люксэмбургу, Брусэльскага сталічнага рэгіёну і Гамбургу з СУП на душу насельніцтва €38632.
This article uses material from the Wikipedia Беларуская (тарашкевіца) article Эканоміка Аўстрыі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.