Рэжыцкі Замак: руіны сярэднявечнага замку ў цэнтры Рэжыцы

замак
Рэжыцкі замак лат. Rēzeknes pils, ням. Burg Rositen
Рэшткі муру
Краіна	Латвія
Месцазнаходжаньне	Рэжыца
Каардынаты	56°30′00″ пн. ш. 27°21′00″ у. д. / 56.5° пн. ш. 27.35° у. д. / 56.5; 27.35 27°21′00″ у. д. / 56.5° пн. ш. 27.35° у. д. / 56.5; 27.35
Заснавальнік	Вільгэльм фон Шаўэрбург
Дата заснаваньня	1285
Статус	нацыянальны архітэктурны помнік Латвіі[d]
Стан	руіны
Рэжыцкі замак на мапе Латвіі Рэжыцкі замак
Рэжыцкі замак на Вікісховішчы

Рэжыцкі замак (па-латыску: Rēzeknes pils), гістарычна замак Разы́тэн (па-нямецку: Burg Rositen) — руіны сярэднявечнага замку ў цэнтры Рэжыцы (Латвія).

Згодна з археалягічнымі дасьледваньнямі, на месцы замку ў IX—XII стагодзьдзях існавалі латгальскія драўляныя ўмацаваньні. Мураваны замак быў заснаваны ў 1285 годзе лівонскім рыцарам Вільгэльмам фон Шаўэрбургам і быў адным зь першых умацаваных замкаў, пабудаваных крыжакамі ў Лівоніі.

За сваю гісторыю замак быў шматкрот разбураны і адбудаваны. Падчас Лівонскай вайны з 1577 па 1579 гады быў захоплены войскам Івана Жахлівага, а ў 1601 (Вайна Рэчы Паспалітай са Швэцыяй (1600—1611)) і 1625—1626 гадох (Паўночная вайна (1655—1660)) — швэдзкай арміяй. У 1656 годзе быў цалкам разбураны, а ў 1660 г. адбудаваны як умацаваньне Інфлянцкага ваяводзтва. Зь цягам часу страціў ваеннае значэньне і з 1712 году знаходзіцца ў руінах.

• Ellen Chivers Davies. A wayfarer in Estonia, Latvia and Lithuania. — R.M. McBride & company, 1937. — С. 160.
• Valdis J. Zeps. The placenames of Latgola: a dictionary of East Latvian toponyms. — Baltic Studies Center, 1984. — ISBN 978-0-918375-00-1.

• Руіны Рэжыцкага замку на esosedi.org
• Замак Рэжыца (Разытэн — Rositten) на сайце castle.lv