Робэрт Кіясакі

Робэрт Кіясакі Тору (па-ангельску: Robert Kiyosaki; нар. 8 красавіка 1947 году) — амэрыканскі пісьменьнік, уладальнік нерухомасьці, што прыносіць яму даход. Займаецца заснавальнікам шэрагу прадпрыемстваў па асьвеце ў галіне рынкавых адносінаў. Выступае з платнымі казаньнямі па пытаньнях заробку грошай. Зьяўляецца ўладальнікам гандлёвага знаку «Багаты тата, бедны тата». Р. Кіясакі напісаў больш за 15 кніг з накладам больш за 26 мільёнаў.

Робэрт Кіясакі
Robert Kiyosaki
Робэрт Кіясакі ў 2006
Асабістыя зьвесткі
Імя пры нараджэньні	Робэрт Кіясакі Тору
Нарадзіўся	8 красавіка 1947 (77 гадоў) Хіла, Гаваі, ЗША
Род	Кіясакі
Бацькі	Ральф Кіясакі Марджоры Кіясакі
Жонка	Кім Кіясакі
Літаратурная дзейнасьць
Род дзейнасьці	пісьменьнік, настаўнік
Гады творчасьці	1973—1994 1997 — цяпер
Кірунак	разьвіцьцё прадпрымальніцтва
Жанр	навучальны
Мова	ангельская
Дэбют	«Квандрант грашовага патоку»
Значныя творы	«Багаты тата, бедны тата», «Багаты тата, квадрант грашовага патоку», і «Кіраўніцтва багатага таты па інвэставаньні»
Узнагароды
Подпіс
Робэрт Кіясакі ў Вікісховішчы
http://www.richdad.com

Трое зь яго кніг: «Багаты тата, бедны тата», «Багаты тата, квадрант грашовага патоку», і «Кіраўніцтва багатага таты па інвэставаньні» — былі першымі па продажах у сьпісах адначасова на старонках часопісаў «Ўол стрыт», «Юэсэй тудэй» і «Ньюёрк таймс». «Багатае дзіця, разумнае дзіця» быў апублікаваны ў 2001 годзе з мэтай дапамагчы бацькам навучыць сваіх дзяцей зарабляць грошы ў сучасным сьвеце. Ён стварыў тры настольныя гульні «Грашовы паток» і праграмнае забесьпячэньне для дарослых і дзяцей, і мае шэраг кампакт-дыскаў і касэтаў «Багаты тата».

Абаронца фінансавай асьветы, Кіясакі падкрэсьліў важнасьць прадпрымальніцтва, бізнэс-адукацыі, інвэстыцыяў, і што шырокія паняцьці фінансавай асьветы павінны выкладацца ў школах па ўсім сьвеце. Кіясакі таксама мае сваю ўласную выставу ў сеціве, дзе выступае галоўнай асобай для гутаркі пра сучасны стан ЗША, таксама Р. Кіясакі выступае па радыё, піша на вядомыя ў ЗША падзеі ў сеціве пра гаспадарку ЗША .

Робэрт Кіясакі — японскага паходжаньня. Яго пордкі выехалі зь Японіі ў пачатку 20 стагодзьдзя ў Гаваі. Р. Кіясакі нарадзіўся і вырас у Хіла, Гаваі, у добра адукаванай сям’і сярэдняе клясы. Ён зьяўляецца старэйшым сынам у свайго таты Ральфа Х. Кіясакі (1919—1991), выдатнага асьветніка і служачага дзяржаўнага апарата асьветы Гаваяў і маткі Марджоры Кіясакі (1921—1971), медсястра. Ральф быў кіраўніком адукацыі, а пазьней стаў беспрацоўным пасьля таго як ён спрабаваў на выбарах быць выбраным на пасаду намесьніка кіраўніка восблаьці Гаваі, і ён прайграў выбары супраць свайго колішняга начальніка. У выніку гэтага, Ральф быў пазьней занесены ў чорны сьпіс і ніколі ня змог атрымаць працу на дзяржслужбе яшчэ раз. У выніку, Ральф застаўся ў беднасьці й беспрацоі да канца свайго жыцьця.

Кіясакі праявіў цікавасьць да прадпрымальніцтва ў маладым ўзросьце дзевяці гадоў. Адным зь першых яго прадпрыемстваў была падробка манэтаў зь нікеля разам са сваім сябрам дзяцінства. Кіясакі пачаў пераплаўляць тубы зубной пасты са сьвінцу ў манэты. Яго бацька сарваў яго пляны, калі ён пазьней растлумачыў, што Робэрт займаецца «незаконным» прадпрымальніцтвам і робіць падробкі, што караецца па законе .

Адлюстраваньне цікавасьці да заробку грошай у маладым узросьце, было перададзена татам Майка блізкага сябра Р. Кіясакі, які часта называецца ў творах Р. Кіясакі «Багаты тата». Кіясакі правёў шмат дзён пасьля школьных летніх вакацыяў у хаце таты Майка і падчас гутарак зь ім навучаўся фінансавым і бізнэс-канцэпцыям сучаснага жыцьця ў ЗША. Яго «Багаты тата» часта гаварыў, што мэта для гульні ў жыцьці зьяўляецца правіла: 4 малыя хаты трэба прадаць, каб купіць 1 вялікі дом і зрабіць так, каб ён прыносіў даход. Многія з парадаў і ўрокаў, пададзеныя «Багатым татам» пазьней стане літаратурным падмуркам для кнігі Кіясакі «Багаты тата, бедны тата», і ў якасьці асновы для дзелавой кар’еры Кіясакі.

Пасьля заканчэньня сярэдняй школы Хіла ў 1965 годзе Р. Кіясакі паступіў у Акадэмію гандлёвага флёту ЗША ў Нью-Ёрку, скончыў у 1969 годзе. Пасьля заканчэньня вучобы ў Новым-Ёрку Кіясакі пачаў сваю кар’еру, пачаўшы працу з танкера «Стандар Ойл», у якасьці трэцяга начальніка карабля, зарабляючы каля 42 000 даляраў у год. Яго кар’ера ў «Стандар Ойл» была нядоўгай, і Кіясакі звольніўся пасьля 6 месяцаў працы, каб далучыцца да марской пяхоты, каб адтачыць свае дзелавыя і лідэрскія навыкі. Ён служыў у марской пяхоце ў якасьці пілота баявога верталёта падчас вайны ў Віетнаме ў 1972, дзе ён быў узнагароджаны мэдалём. Кіясакі быў з пашанай звольнены з марской пяхоты ў чэрвені 1974 году. Хоць Кіясакі мог выбраць кар’еру лётаць грамадзянскімі авіякампаніямі, замест гэтага ён пайшоў на працу ў якасьці «хадзячага» прадаўца «Ксэракс», каб далей адтачыць свае навыкі вядзеньня прадпрымальніцтва, прадаючы машыны для капіяваньня да чэрвеня 1978.

У 1977 годзе Кіясакі пачаў самастойную дзейнасьць (але адначасова рабіў у Ксэракс). Ён заснаваў кампанію, якая вывела на рынак першы нэйлёнавыя кашалькі на ліпучках. Кампанія была ўмерана пасьпяховай, але ў рэшце рэшт збанкрутавала. У пачатку 1980-х Кіясакі пачаў іншае прадпрыемства, якое прадавала футболкі з надпісамі вядомых музычных гуртоў. Кампанія збанкрутавала ў 1985 годзе.

Р. Кіясакі стварыў міжнароднае прадпрыемства па асьвеце для пачаткоўцаў-прадпрымальнікаў у 1985 годзе, якая прапанавала свае паслугі для тысячаў людзей у сьвеце. У 1994 годзе Кіясакі прадаў кампанію і з дапамогай куплі-продажу нерухомасьці зарабіў грошы, што дазволіла яму сысьці на пэнсію ва ўзросьце 47 гадоў. У 1997 годзе ён заснаваў прадпрыемства «Грашовы паток тэхналёгіі», прадпрыемства па асьвеце для пачаткоўцаў-прадпрымальнікаў, якая валодае і прадае вывескі «Багаты тата» і «Грашовы паток». Сёньня кампанія «Багаты тата» — шматмільённая фінансавая і асьветніцкая кампанія, што працуе ў больш чым 100 краінах, прапаноўваючы поўную асьвету для мільёнаў людзей па ўсім сьвеце. Ягонай найбліжэйшай супрацоўніцай зьяўляецца Шэран Лектар.

Кіясакі купіў срэбраны руднік ў Паўднёвай Амерыцы і прыдбаў золатаздабывальнае прадпрыемства ў Кітаі і прадаў прадпрыемствы ў 2002 годзе ў Таронта (Канада) на біржы. У 2009 годзе Кіясакі паказаў у сваёй кнізе «Змова багатых», што ён у цяперашні час працуе на здабычы медзі, разьмешчанай у Ванкувэры, Брытанская Калюмбія, дзе цэны на медзь больш спакойныя.

Кіясакі зьяўляецца актыўным інвэстарам у нерухомасьць, і вялікая частка яго багацьця прыйшлі з інвэставаньня ў нерухомасьць. Ён мае розныя інвэстыцыі ў нерухомасьць, прадпрыемствы па разьвіцьці нерухомасьці і прадпрыемстваў па кіраваньні маёмасьцю, якія працуюць у Злучаных Штатах, такіх як Тэхас і Аклагома, у прыватнасьці, у сваім родным штаце Арызона. У 2008 годзе Кіясакі набыў 300-кватэрны дом за 17 млн даляраў, жылы комплекс у горадзе Талса, штат Аклагома. Многія зь яго ўладаньняў, ўключаюць гасьцініцы, палі для гольфа, і вялікія жылыя комплексы, як ён заявіў у гутарцы ў 2010 годзе. У тым жа годзе, Кіясакі набыў за 46 млн даляраў маёмасьць у Арызоне зь 5 пяцьцю палямі для гольфа, якія былі ў продажы з-за банкруцтва ўладальніка. Кіясакі зарабляе прыкладна 250 000 даляраў штомесяц ад здачы яго кватэраў. Кіясакі таксама сьцьвярджаў, што ён ашчаджае 2 мільёны даляраў чыстымі за месяц, з-за ільготаў што дае дзяржава.

Пачынаючы зь невялікіх жылых інвэстыцый у нерухомасьць у 1973 годзе, Кіясакі пачаў інвэставаць у невялікія кватэры на востраве Маві, што робіць невялікі прыбытак ад прыросту капіталу ў сярэдзіне 1970-х гадоў. Кіясакі пачаў свой уласны заробак ад нерухомасьці ў 1980 падчас яго знаходжаньня на пасадзе ў «Ксэракс» і працягнуў зь меншымі інвэстыцыямі ў нерухомасьць пасьля крызісу зьберажэньняў і пазык і Закона аб рэформе падаткаў 1986. Р. Кіясакі пераехаў у ЗША з Гаваяў у пачатку 1990-х гадоў, дзе шмат выкупіў нерухомасьці за бесцан. Пасьля Кіясакі перайшоў на даходную нежылую нерухомасьць.

Так зарабіўшы шмат грошай Р. Кіясакі выходзіць на пэнсію ў 1997 годзе, Кіясакі зараз па-ранейшаму ўдзельнічае ў куплі даходнай нерухомасьці ў 2011 годзе, што ён валодае больш чым 1400 адзінак жылых дамоў. Кіясакі быў зьвязаны з камэрцыйнай нерухомасьцю, напрыклад, інвэстыцыі ў склады, прадпрыемстваў па разьвіцьці нерухомасьці па ўсім ЗША. Кіясакі мае добры даход ад камэрцыйных інвэстыцый у нерахомасьць, што потым ён здае ў арэнду, перад іншымі спосабамі заробку ад нерухомасьці.

Кіясакі быў у нафтавай галіне, пачынаючы з канца 1990-х гадоў і быў зацікаўлены ў нафтавай прамысловасьці, працуючы ў «Стандард Ойл». Р. Кіясакі належыць шэраг буравых і нафтавых сьвідравін вакол Злучаных Штатаў, але ён не ўкладае ў нафтавыя запасы, такія як Эксанмобіл або Брытыш Пэтролюм.

У 2010 на «Багаты тата тайнае відэа» Кіясакі заявіў, што ён зрабіў значныя інвэстыцыі ў запуск сонечнай энэргетычнай кампаніі.

У сваёй кнізе «Багаты тата, бедны тата» Кіясакі згадвае дасягненьні па магчымасьці зарабіць грошы 16% рэнтабельнасьці праз каштоўныя паперы. Напісаўшы кнігу «Прароцтва багатага таты», Кіясакі пісаў аб магчымасьці зарабіць на закупцы вольных ад падаткаў каштоўных папер, такіх як муніцыпальныя аблігацыі і муніцыпальныя іпатэкі, інвэстыцыйныя фонды нерухомасьці, прапанаваныя кампаніямі па разьвіцьці нерухомасьці. Яны плацяць больш за 12% падаткаў без аніякай зацікаўленасьці на выплаты дывідэндаў простым укладчыкам.

Кіясакі таксама заявіў, што ён не гуляе на біржы, як і на тое, што ён не інвэстуе ў акцыі нафтавых кампаніяў. Замест гэтага, Кіясакі гандлюе апцыёнамі, на Форэксе.

Кіясакі зараз займаецца дзейнасьцю на таварным рынку, дзе ён інвэстуе ў золата і серабро.

  Робэрт Кіясакі — сховішча мультымэдыйных матэрыялаў

• Родная старонка Р. Кіясакі ў сеціве