Робэрт Брус Котан (па-ангельску: Robert Bruce Cotton; 1571—1631) — ангельскі бібліяфіл і антыквар, які сабраў найбуйнейшую прыватную кніжную калекцыю свайго часу.
У 1753 годзе зь ягонай бібліятэкі нарадзіўся рукапісны аддзел Брытанскага музэю, пазьней вылучыўшыся ў Брытанскую бібліятэку. Котан зацікавіўся старадаўнімі манускрыптамі падчас навучаньня ў Кембрыджы, дзе трапіў пад уплыў Ўільяма Кэмдэна. Прыцягнутыя ягонымі кнігамі, у Ўэстмінстэрскі асабняк Котана імкнуліся патрапіць многія навукоўцы Ангельшчыны. Кароль Якаў I прызначыў яго ў рыцары, а потым і ў баранэты. Фактычна ён стаў першым баранэтам Новага часу.
У 1601 годзе Котана абралі ў парлямэнт і ён пачаў даваць свае кнігі іншым дэпутатам. Радыкалы накшталт Джона Піма сталі зьбірацца ў ягонай хаце й выкарыстоўваць ягоныя пазнаньні для напісаньня антыўрадавых трактатаў. Некаторыя зь іх цыркулявалі пад імем Котана. Асяродзьдзе Карла I, будучы ўстрывожана дзейнасьцю Котана, пастанавіла канфіскаваць ягоную бібліятэку, а самога яго заключыць пад варту ў 1629 годзе. Яго неўзабаве выпусьцілі, аднак бібліятэку змог вярнуць сабе толькі ягоны сын.
Сярод жамчужынаў Котанаўскай бібліятэкі — Эвангельле зь Ліндысфарну й адзіны сьпіс «Бэўвульф». Котаны працягвалі пашыраць сваю калекцыю на працягу ўсяго XVII стагодзьдзя, а ў 1700 годзе ахвяравалі яго дзяржаве.
Робэрт Котан — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Робэрт Котан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.