Піліпаўка: 40-дзённы зімовы пост перад Раством Хрыстовым

Папярэднічае Раству Хрыстову. Працягваецца шэсьць тыдняў перад Раством Хрыстовым — з 28 лістапада па 6 студзеня ўключна (па новым стылі). Назва зьвязаная з тым, што загавіны прыпадаюць на дзень памяці апостала Піліпа. Усталяваны Праваслаўнай царквой дзеля духоўнага прыгатаваньня вернікаў да годнае сустрэчы сьвята Раства Хрыстовага.

Піліпаўка

хрысьціянскі пост

Падкляса ад	рэгулярная падзея
Частка ад	праваслаўны літургічны каляндар, калядныя традыцыі

Да 19 сьнежня (Мікола Зімовы) харчаваньне такое ж, як і ў Пятроў пост. У пэрыяд ад 20 сьнежня да 1 студзеня рыба дазваляецца толькі па суботах і нядзелях. Ад 2 студзеня да 5 студзеня — правілы харчаваньня такія ж, як ў Вялікі пост. У Навячэр’е Раства Хрыстовага (6 студзеня) дазваляецца толькі куцьця пасьля зьяўленьня першае зоркі на небе. У дні посту вылучаюць час на дабрачыннасьць і пакаяньне, а таксама малітву.

У Калядны пост прадугледжваецца сухаядзеньне. Рыбу ядуць у панядзелак і аўторак, чацьвер і суботу, а таксама ў нядзелю. Алей спажываюць у аўторак і чацьвер, суботу і нядзелю.

Першапачаткова Калядны пост доўжыўся 7 дзён. У 1166 годзе Канстантынопальскі сабор пры патрыярху Луке Хрысавергу і бізантыйскім імпэратары Мануіле Камніне ўхваліў правядзеньне Каляднага посту цягам 40 дзён перад Раством Хрыстовым. Пазьней яго сталі таксама называць Піліпавым пастом, бо Дзень апостала Піліпа прыпадаў на загавіны (апошні дзень перад постам).