Прадстаўніца Абсэ Па Свабодзе Смі
Прадстаўні́к/прадстаўні́ца АБСЭ па свабо́дзе СМІ — пасада па адсочваньні разьвіцьця СМІ ва ўсіх 57 дзяржавах-удзельніцах Арганізацыі па бясьпецы і супрацоўніцтве ў Эўропе (АБСЭ).
Прадстаўніца рыхтуе паведамленьні пры спробах парушэньняў свабоды слова, адстойвае поўную адпаведнасьць з прынцыпамі АБСЭ і абавязкамі, датычнымі свабоды слова і прэсы.
У выпадку сур’ёзных парушэньняў прадстаўнік (-ца) спрабуе наўпрост скантактавацца зь дзяржавай-парушальніцай і іншымі зацікаўленымі бакамі, дае ацэнку фактам і судзейнічае ў вырашэньні праблемы.
Прадстаўнік (-ца) зьбірае і атрымлівае зьвесткі па сытуацыі са СМІ з розных крыніцаў, у тым ліку ад краінаў-удзельніц, недзяржаўных і мэдыйных арганізацыяў.
Офіс прадстаўніцы знаходзіцца ў Вене і мае 15 супрацоўнікаў.
Пасада прадстаўніцы па свабодзе СМІ складае адзін з чатырох міжнародных мэханізмаў па спрыяньні свабодзе слова. Астатнія тры — Адмысловы дакладчык ААН па свабодзе слова і думкі, Адмысловы дакладчык па свабодзе слова ААД і Адмысловы дакладчык па свабодзе слова Афрыканскі камітэт па правох чалавецтва і чалавека. Штороку яны выдаюць супольны даклад з апісаньнем сусьветных праблемаў з волевыяўленьнем.
Прадстаўнікі па свабодзе СМІ
- Фраймут Дувэ (Нямеччына): 1998—2004
- Міклаш Харасьці (Вугоршчына): 2004—2010
- Дуня Міятавіч (Босьнія і Герцагавіна): 2010—2017
- Арлэм Дэзыр(de) (Францыя): 2017—2020
- Тэрэза Рыбэйру(it) (Партугалія): ад 2020
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Прадстаўніца АБСЭ па свабодзе СМІ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.