Орт (па-нямецку: Ort — чвэрць) — срэбная манэта наміналам ў ¼ (16 ст. — 17 ст.), 1/5 і 1/8 (18 ст.) талера.
Манэта бітая напачатку на землях сучаснай Нямеччыны (Брандэнбург, Прусія) і называная ортсталер, а потым распаўсюджаная ў Даніі, Нарвэгіі.
У Рэчы Паспалітай першыя орты былі выбіты ў 1608 годзе ў Гданьск на гарадской мынцы. Такім чынам Гданьск хацеў забясьпечыць сябе якаснай валютай дзеля разьлікаў з Эўропай. На авэрсе — выява караля, на рэвэрсе — герб гораду. Вага 6,80 грамаў, пасьля зьмяншалася.
Дзяржаўнае біцьцё каронных ортаў пачалося толькі ў 1618 годзе ў Быдгашчы. На каронных ортах на авэрсе выява караля, на рэвэрсе — дзяржаўны герб Рэчы Паспалітай. Пад час панаваньня Аўгуста III орт прыраўнялі да тымфу, пасьля чаго той перастаў існаваць як асобны намінал. Апошні орт Рэчы Паспалітай быў выбіты ў 1766 годзе.
У Вялікім Княстве Літоўскім орты біліся толькі адзін год — у 1664 годзе на мынцы Вільні. На авэрсе выява тагачаснага караля Яна Казімера, на рэвэрсе — Пагоня і лічба 18 (18 грошаў).
This article uses material from the Wikipedia Беларуская (тарашкевіца) article Орт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.