«Няско́нчаная дра́ма» — драма беларускага драматурга Францішка Аляхновіча, пастаўленая ў 1920 годзе і ўпершыню апублікаваная ў газэце «Беларускі звон» у 1921 (асобным выданьнем у 1922).
Мае элемэнты аўтабіяграфізму.
Дзеяньне адбываецца ў Вільні ў часы нямецкай акупацыі ва ўбогай кватэры, дзе спрабуюць выжыць Васіль, беларускі драматург-нацыяналіст, ягоныя жонка Ядзька зь дзіцем ды іхны падсусед Кастусь, Васілёў сябар дзяцінства. Малады пісьменьнік Васіль — прататып аўтара п’есы — разрываецца паміж неабходнасьцю ўтрымліваць сям’ю і неадольным жаданьнем пісаць мастацкія творы, дапамагаць разгортваньню беларускай нацыянальнай справы.
Спрэчкі Васіля зь сябрам-антаганістам Кастусём, скептыкам і песымістам, складаюць сэнсавую канву твору.
Крытык У. Ковель адзначае:
Існуе тыпалягічная сувязь паміж героем «Няскончанай лрамы» Костусем і, напрыклад, чэхаўскімі інтэлігентамі Вайніцкім, Вяршыніным, Тузэнбахам... Падобна ім Костусь пакутуе ад шырыні свае душы, ад немагчымасьці абмежаваць яе рамкамі нейкай веры. Хоць у той жа час жаданьне асэнсаваць стыхію жыцьця не пакідае іх. Агульнае аблічча такога тыпу інтэлігента мажліва, бадай што, вызначыць постаць як інтэлігента-эўрапейца.
|
Крытыка, рэцэнзіі
|
Гэта — накід артыкула па літаратуры. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Няскончаная драма, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.