Мігоўная мова — камунікатыўная сыстэма на кінэтычнай (жэстыкуляторна-мімічнай) аснове; асноўны сродак камунікацыі глухіх.
Мінімальная адзінка мігоўнай мовы — жэст — складаецца з герэмаў, якія паказваюць на месца, канфігурацыю й характар жэсту. Колькасьць герэмаў параўнальная з колькасьцю фанэмаў гукавой мовы. Мігоўная мова уключае таксама позірк, выраз твару, рухі галавы й цела, функцыі якіх больш шырокія, чым у гукавых мовах. Структурна й катэгарыяльна мігоўная мова не залежыць ад гукавых ладаў моваў, іх роднасныя зьвязкі не вызначаюцца адпаведнымі нацыянальнымі мовамі (напрыклад, амслэн, мігоўная мова ЗША й большай часткі Канады, блізкі да мовы глухіх Францыі, аднак ня роднасны мове глухіх Ангельшчыны).
Мігоўная мова называюць таксама жэставыя маніфэстацыі гукавых моваў. У разьвітых грамадзтвах большая частка глухіх дзьвюхмоўная (валодаюць родную мігоўную мову і нацыянальнай мовай). Падчас камунікацыі на агульнанацыянальнай мове выкарыстоўваюць яе жэставы варыянт: захоўваецца сынтаксіс, структура, рэдукуецца марфалёгія, словы замяняюцца жэстамі; безаналягавыя элемэнты гукавой мовы дактылююцца (палітарна перадаюцца пальцавай азбукай).
This article uses material from the Wikipedia Беларуская (тарашкевіца) article Мігоўная мова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.