Нацыяна́льная мо́ва — мова, якая зьяўляецца сродкам вусных і пісьмовых зносінаў нацыі.
Складваецца з мовы народнасьці ў пэрыяд станаўленьня нацыі. Функцыянуе ў некалькіх разнавіднасьцях: літаратурная мова, нестандартны дыялект, мясцовыя гаворкі й сацыяльныя дыялекты. Вышэйшая форма нацыянальнае мовы — літаратурная мова, якая лічыцца ўзорнай і прызнаецца ўсімі носьбітамі гэтае мовы. Нацыянальная мова зьяўляецца адной з найбольш істотных прыкметаў нацыі. Звычайная адна нацыя атаясамліваецца з адной мовай (напрыклад расейцы — з расейскай, французы — з францускай мовай). Аднак у сучасным сьвеце дастаткова распаўсюджаныя сытуацыі, калі адна нацыя карыстаецца некалькімі мовамі (напрыклад, у Швайцарыі функцыянуюць 4 дзяржаўныя мовы) або адна мова можа абслугоўваць моўныя патрэбы некалькіх нацыяў (напрыклад, ангельская мова ў Вялікабрытаніі, ЗША, Канадзе, Аўстраліі й інш. краінах). У апошнім выпадку фарміруюцца нацыянальныя варыянты адной мовы: ангельская брытанская, ангельская амэрыканская, ангельская аўстралійская й г.д.
This article uses material from the Wikipedia Беларуская (тарашкевіца) article Нацыянальная мова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.