Помнік абарончай архітэктуры | |
Мышанскі замак | |
Краіна | Беларусь |
Вёска | Старая Мыш |
Дата заснаваньня | XVI ст. |
Дата скасаваньня | 1654 |
Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Мышанскі замак на Вікісховішчы |
Мышанскі замак — помнік гісторыі і абарончай архітэктуры ў Мышы. Знаходзіўся на правым беразе ракі Мышанкі, каля сучаснай вёскі Старой Мышы. Існаваў у XVI—XVII стагодзьдзях.
Драўляны замак у Мышы збудаваў ў XVI ст. Ян Караль Хадкевіч. Фартэцыя значыцца на мапе Вялікага Княства Літоўскага XVI ст. Замак знаходзіўся на важным стратэгічным шляху — Варшаўскім гасьцінцы — і быў асноўнай перашкодай на шляху ворага.
За часамі вайны Маскоўскай дзяржавы з Рэччу Паспалітай (1654—1667) замак узялі і разам зь мястэчкам спалілі маскоўскія войскі. Як даносілі захопнікі свайму гаспадару:
У горадзе Мышы літоўскіх людзей усіх забілі, якіх засьпелі, і языкоў узялі многіх людзей. І мястэчка Мыш выпалілі і з усім спустошылі дашчэнту. Арыгінальны тэкст (рас.) В городе Мыши литовских людей всех побили, которых зостали, и языков взяли многих людей. И городок Мышь выжгли и со всем разорили без остатку. | ||
Займаў квадратную ў пляне пляцоўку памерам 50 на 50 мэтраў, абнесеную з усходу, поўдня і захаду земляным валам (шырынёй каля 15, вышынёй 3,5—4 м) і абарончым ровам (шырынёй 30, глыбінёй да 15 м, адхоны берагоў 45°), з поўначы ахоўваўся дрыгвяністым берагам ракі. На земляным вале і на паўночным краі замка былі драўляныя сьцены з 4 вежамі ў кутох.
This article uses material from the Wikipedia Беларуская (тарашкевіца) article Мышанскі замак, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.