Сабакінцы Касьцёл Узвышэньня Сьвятога Крыжа

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Узвышэньня Сьвятога Крыжа (неадназначнасьць).

Помнік сакральнай архітэктуры
Касьцёл Узвышэньня Сьвятога Крыжа
Краіна	Беларусь
Вёска	Сабакінцы
Каардынаты	53°54′35.80″ пн. ш. 24°38′46″ у. д. / 53.9099444° пн. ш. 24.64611° у. д. / 53.9099444; 24.64611 24°38′46″ у. д. / 53.9099444° пн. ш. 24.64611° у. д. / 53.9099444; 24.64611
Канфэсія	Каталіцкая царква
Эпархія	Гарадзенская дыяцэзія
Касьцёл Узвышэньня Сьвятога Крыжа на мапе Беларусі Касьцёл Узвышэньня Сьвятога Крыжа

Касьцёл Узвышэньня Сьвятога Крыжа — помнік архітэктуры першай чвэрці XX стагодзьдзя ў Сабакінцах. Знаходзіцца ў паўночнай частцы колішняга мястэчка. Дзейнічае. Твор архітэктуры мадэрну.

Мураваны касьцёл у Сабацінцах збудавалі ў 1918 годзе.

Помнік архітэктуры мадэрну. Гэта прастакутны ў пляне аб’ём пад 2-схільным дахам. Да вуглоў франтальнага фасада далучаюцца 4-гранныя 2-ярусныя вежы, прарэзаныя наверсе круглымі люкарнамі і завершаныя шпілямі з крыжамі. Цэнтральная частка фасада завяршаецца франтонам з увагнутымі гранямі і вылучаецца акруглым брылём на двух 4-гранных пілёнах. Роўнічныя бакавыя фасады рытмічна падзяляюцца стральчатымі аконнымі праёмамі і контрфорсамі ў прасьценках (рудымэнты нэаготыкі). Да вуглоў прастакутнай у пляне апсыда далучаюцца 4-гранныя закрысьціі. Тарцовы фасад апсыды завяршаецца франтонам з увагнутымі схіламі (рудымэнты нэабарока).

Касьцельны пляц атачаецца бутавай агароджай.

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

• Касьцёл Узвышэньня Сьвятога Крыжа ў Сабакінцах, Radzima.org